هذا رابط الموضوع من البداية للي ما قرت قصتي
http://forum.hawaaworld.com/showthread.php?t=1594153
واحب اشكر كل وحده دخلت وواستني ورفعت من ازري أسأل الله اللعظيم ان يجعلها في موازين حسناتها
وان يفرج كربها وييسر جميع امورها ويبعد الهم عنها
سلمكم الله جلست ليلتين بعد ما رحت عند أهلي وطول الليل ما نمت جلست افكر السالفة فيها حاجة غلط لأن لما هديت ولعنت الشيطان انا اعرف زوجي زين ما زين واثق فيه عشرتي معه اكثر من 4 سنوات ما تخللها ولا مجرد الشك مسكت الجوال ودقيت ع صاحبة الرقم طبعا قمت اسبها واطلع حرتي اللي محد قدر يهديها
هي سكرت في وجههي
بعدين ارسلت لي رسالة تقول لي انها مو عارفه عن ايش انا اتكلم وقالت لي فيها خمس دقايق وراح تدق علي
ودقت علي بعد خمس دقايق وكان صوتها صوت وحده كبيره مو صوت وحده صغيرة أو زي صوت المغزلجيات المهم سألتني يابنت الناس وش السالفة قلت لها والله وللحين منتي عارفة حلفت لي أيمان انها ولا عندها أي خبر قلت لها مو انتي اللي ترسلين زوجي ع جواله اللي رقمه كذا كذا ...
قالت اصلا ما اعرف هذا الرقم وقعدت تحلف بالله العظيم انها مادقت عليه ولا ارسلت له أي مسج
قلت لها اصلا صوتك صوت وحده كبيرة يعني مو من البنات إياهم لكن شوفي يمكن وحده من اخواتك يعلبون بالجوال بدون علمك قالت ما فيه بالبيت غير هي وما في أي وحده تستخدم جوالها غيرها قلت لها يا انك انتي اللي تراسلين زوجي وتكذبين علي او في غيرك يمسك الجوال ... وقالت ما فيه نهائياً أي بنت بالبيت تمسك جوالها غير بنت اخوها يتيمة وصغيره
قلت اكيد هي قالت لي حرام عليك والله صغيرة ومالها بالخرابيط عمرها13 سنه وتدرس بالتحفيظ وانا مديرة التحفيظ واعرف اخلاقها ....
انا اصريت انها بنت اخوها ...
قالت لي شوفي انا اللحين بالتحفيظ بس ارجع البيت واحقق وارد لك خبر
وبعدين دقت علي بعد العشاء
تخيلوا وش اللي قالت تقول انها هددت البنت لين اعترفت لها وقالت ان صديقتها تقول لها اذا تبغين تجيك فلوس وواحد يحبك ويعطيك هدايا دقي ع أي رقم مميز بالغلط واذا رجع يدق عليك كوني معه صداقه ...(تخيلوا هذا وهم لسا باللفة)
تقول قامت ودقت ع الارقام المميزة وطبعا رقم زوجي مميز قامت كلمته ولما ما رضي يكلمها وقال لها يالنونو رجعي الجوال لأمك زعلت وراحت ترسل له رسائل ...............عشان تحببه فيها وقلت لها ليش تعطينها الجوال وهي مراهقة قالت هي تطلبني تقول عشان اشوف الساعة وانا اذاكر ايام الامتحانات.... واقتنعت 1000000\100اني ظلمت زوجي
وقلت لأمي السالفة وقالت لي انا واثقة بزوجك وربي اكثر من ابوك واخوانك لكن الشيطان شاطر
وراح افسر لكم هذيك الليله وش صار فيها
انا شفت الرسائل اللي هي مرسلتها وصار لي اسبوع وانا اشوفها وسكت لكن جت ليله شيكت ع جواله لقيتها مرسله له هذاك اليوم بوقت الدوام رسالتين انا انجنيت خلاص جا في بالي انهم محددين لبعض وقت الدوام عشان يا خذون راحتهم قمت دقيت عليها وردت علي وتأكدت انها بنت
طبعا صحيته من النوم ومسكته بهدوء وعلمته بالرسائل وقالي ما عندك سالفة وراح نام انا اما سوى هالحركة عصبت دقيت علها مره ثانيه وعطيته الجوال وقلت كلمها حبيبة الروح كلمها طبعا سكر الجوال
وطلعني برا الغرفة عشان ولدي الصغير صحى من صراخي
دخلت وكنت اصارخ واحلف بالله لو ما قام وخبرني من هي لأفظحة ما رضي يقوم طبعا كانت فيه علبة صحة انا حاطتها جنب الدفاية عشان رضاعة ولدي قمت كبيتها عليها(الله لا يوريكم كل مااتذكر اموت من الضحك)وكان ولدي الثاني نايم جنبه كمان انكبت عليه جا يبي يطلعني من الغرفة بالغصب لأن اولادي كلهم يبكون قمت عضيته بيده وقام لفظ الطلاق .....
قمت كسرت جواله ودقيت ع ابويه ورحت معهم بعدها بأسبوع جا يراضيني وانا حطيت له النقط ع الحروف قلت لاتلومني باللي سويته انت اللي حطيت نفسك في هذا الموقف كان المفرض يا انك علمتني من البداية أو راعيت زعلي وغيرتي عليك هذيك الليله
وحلينا المشكله وعطاني فواتيره بعدين وكان بالفعل لا رساله ولا مكالمة من جواله لذاك الرقم ووداني بعدها مصر عشان يراضيني
وكانت لنا درس ما ننساه
وما تتخيلون يا بنات قد أيش كان زعلي في خيره لأني فكرت بأمو واشياء غايبه عني
1- عدم التسرع ابدا ابدا ابدا لأن الرجل مهما كان ما يحب ان احد يمسك عليه شيء
2- تخيلت نفسي وانا في بيت اهلي ما قدرت اتحمل اني اقدر ارجع اعيش مرة ثانيه معهم خصوصا ان معي 2 اولااااااااااااااااااااااااااااااااااااااااااااااد
هذا ودمتم بود
ارجوا ان تكون قصتي عبرة ودرس للي يستعجلون الحكم مثلي.....
عذبة البسمة @aathb_albsm
محررة برونزية
: انا اللي طلقني زوجي قبل فنره..رجعنا لبعض ادخلوا واستفيدوا خاصة اللي قرارتهم متسرعة:
68
12K
يلزم عليك تسجيل الدخول أولًا لكتابة تعليق.
مبروك اختي عذبه
بس واضح انك متسرعه جدااااااا
وفعلا هذا الموقف ان شالله يكون درس لكي ولنا
بس واضح انك متسرعه جدااااااا
وفعلا هذا الموقف ان شالله يكون درس لكي ولنا
الصفحة الأخيرة
وانتبهي لزوجك وعياللك مره تانيه
والله يهدي سركم ويسعدكم دنيا واخره