جربت البنجر او الشمندر لفقر الدم وكان طعمه جدا جدا سئ افيدوني؟

شوفي ياعيوني انا مثلك ماقدرت اشربه نشف حلقي وتعبت منه

بس صرت اصلحه سلطة اسلقه واقطعه مع خس وذره وحطيت عليه صوص عبارة عن ليمون وثوم وزيت زيتون وخردل

وطلع يهبل جربي وادعيلي

احنا نسوي البنجر مع السلطة ولا نشرب مويته ولا شي .. ما تحسين بطعمه ابد ويا قلبي المخلل ما بينفعك لانه يزيد فقر الدم اي شي حامض ما يخلي الجسم يمتص الحديد

اقووولك تجربتي عن جد .. طبعا ما كنت حامل كنت بنت وكنت بس ادووخ وجسمي اصفففففففففر من فقر الدم .. فكانت امي الله لا يحرمني منها تقوم الصباح وتسوي لي كوب موية دافية مع عسل أصلي واشربيها على الريق .. في الغدا كانت لااازم اكمل صحن السلطة حقي والله انه بس اسبوع حللت قالوا لي دمك 12 ممتاز جدا ..

فإنت جربي العسل مع المويه الدافية على الررريق لااازم .. والسلطة الخضراااء لااا تتركينها الي هي خس بقدونس جرجير كزبرة كراااث بصل اخضر .. وكل شي اضر يزيد الدم في الجسم

انا كنت حتى العشا اسوي لي صامولي كبييير امليه خضااار واحط عليه اشوي جبن شيدر او أبيض .. ياي الذ اكله في حياتي ههههههههههه

ويارب يفارقك فقر الدم للأبد انتبهي لحالك يا الغلا :)

اهلين

هو بصراحه مو لذيذ بس تقدرين تصبرين عليه

هذي طريقتي وخذي اللي يعجبك:

1- قطعيه مع السلطه زي ما تقطعين الفجل والجزر.

2- اعصريه مع جزر في عصارة الجزر >>>>> جنان لونه ولا يبين طعمه مرره

3- ابشريه وحطيه في الخلاط مع فواكه مشكله يلون لك العصير ولا يبين طعمه

4- آخر شيء ومن اختراع زوجي >>> براءة الاختراع
قطعيه وصلحيه ايدام ... بس بصل احمسيه بعدين حطيه وهو مقطع زي الجزر لحاله ماله داعي خضار ثانيه معه وزوديه شوي مويه وخليه تقريبا نصف ساعه .. والبهارات والملح على حسب ذوقك

أتمنى أكون أفدتك ... دعواتك القلبيه ان الله يفك عني الضيق اللي انا فيه :(

حبيبتي سمعت اخصائية تغذية تقول اعصريه مع البرتقال او التفاح

اتمنى انه يعجبك مع الاثنين

حبيبتي انا جربته في حملي ,,
1بنجرقشريها +1تفاح اخضر بقشره+فنجان قهوة سكر+كاس ونصف او كاسين مويه بارده
اخلطيه بالخلاط وصفييه كويس واستمتعي بعصير لذيذ ومفيد ,,,
هذي طريقه الاخت اسعد امراه الله يسعدها دايما وابدا استفدت منها كثير الحمدلله,,,