انا سمعت انها تكون خادم السحر

الله يشفيك استمري على الرقية

يجزاكم خير أخواتي ويبارك فيكم


القطوة تمشي في حالها يعني مو تلاحقنا أو تناظرنا
تمشي على السور وتلف لجهة الجيران

هل ممكن فعلاً لوجودها معنى أو مصادفة؟
وهل ممكن تخص جيراني ومالي علاقة.؟؟

قبل شوي لمحتها تمشي على السور وأنا في صالتي وأطمر لها أطلع وأقعد أأذن لأني سويت بحث أمس ولقيت رد وحده الله يجزاها خير تقول أذني لو جن بتلاحظين هالشي بس للأسف مالحقت عليه الا وقت ماكان بيلف من عند الجيران فيادوب أذنت ويمشي عادي ويلف عندهم
فسمعت صوت منه مو حلو مو زي عادة القطاوة كأنه صوتهم لما يتزاوجوا على ماأظن..للأسف ماعندي خبرة عن القطاوة فالمهم كان جوالي معي وكنت أصلاً مشغلة سورة البقرة فعليت على الصوت فماعاد سمعت لها صوت!

ماودي اشكك ولا أدري لو أصلاً فينا سحر او عين بغض النظر عن وضعي ومشاكلي اللي مخليتني اصدق

فحابة أعرف كيف أتصرف واعرف لو لها دلالة لشي
أو ليش طلعت الحين بالذات ماقد شفتها قبل!


بخصوص الرش انا جربت بخاخ عاي وجربت حق الزرع
أول شي إذا بالملح يدمر الرخام وفوق هذا من جد والله
تعبت لأني حيل مر علي وقت كنت أرش وابخر لين كرهت هالشي ومليت

فيه شي بسأل عنه إذا تكرمتوا علموني لو له فائدة
بما أني صرت أمل واكسل من البخور
فكان عندي مسك سائل أسود
خذته ورشيته ع المبخرة وهي حارة وانتشر دخانها بالبيت
فهل هالشي كويس ويطرد الشياطين

لأني أصلاً جبته هالمسك على اساس أبخها بقبعه والبسها بطريقة الشيخ عبدالله الخليفة فمادري لو تبخير البيت كمان بيفيد؟؟

أرجوكم
تحملوني

ماشاء الله .. استمري استمري لاتكلين ولا تملين وإلا فإن الأمر بيرجع أشد مما كنت عليه ..
نصيحة استعيني بالله دائما واستمري .. ظهور هالقط دليل على ان مجهودك بدأت تثمر .

يا اختي اذا التبخير تعبك ممكن توقفينه لكن لاتتركين البقرة في البيت ولا الأذان ..
واذا تتأكدين اذا هي من الجن ولها علاقة بالسحر أو لا .. رشي السور اللي هي تمشي عليه بالموية المقري عليها بالملح ..
اذا جن ما تقدر تمشي على الجهة المرشوش عليها بتلاحظين انها توقف عند الجزء اللي رشيتي عليه ..

ونصيحة قيام الليل والدعاء سلاح قوي .. كثفي الدعاء لله انه يفك السحر أو يدلك عليه لفكه .

صح تذكرت سمعت الشيخ ناصر الرميح حطي الماي المقرية في الفواحات بدل الرش