حسبي الله ونعم الوكيل على الشغالات ... بخبركم هاي السالفة والله شهيد على كل كلمة بكتبها.... مرة كنت راجعة البيت و ناسية مفتاح البيت في الغرفة و أهلي كلهم مب موجودين ..قلت يا بنت كلها ساعة و بيرجعون ..تميت يالسة بالسيارة و اسمع الراديو.. شوي و الا اشوف سيارة تتمشى شوي شوي ... و هاذا عادي لأنه الطريج اللي جدام بيتنا كان مب مسفلت... بس شوي و رجعت السيارة مرة ثانية عكس الطريج.. فاهمين يعني ما كملوا الطريج كله و رجعوا... و نفس الشي شوي شوي... انا عاد هني حطيت بالي ويا السيارة عشان اشوف شو السالفة... و طبعا سيارتي مخفي كلها (مظللة بالاسود) يعني ما أبين و بعدين كان وقت العشا.. الا اشوف السيارة تقترب من بيت جيرانا و تنزل شغالتهم و تركض تركض تركض و تدخل الحووش... طبعا ما لحقت آخذ رقم السيارة لأنهم سرعوا بعد ما نزلوها ...و على طول خبرت أهلي.... تخيلوا شو قالولي... ان الشغالة هذي مال بيت جيرانا يوم انا كنت مسافرة كانت متبلية على عيال أخوي انهم يطالعونها و حتى جارتنا زعلت... و عيال اخوي مب مال هاي السوالف و يهال بالاعدادي.... و امي قالت لها ما عليه حقج علينا .. و طبعا أهلي ما راحوا قاولوهم عن السالفة اللي شفتها لأنهم يمكن يقولون انه احنا نبغي نتهمها أو شي... حسبي الله و نعم الوكيل..و الله يوم أكون طالعة من البيت كله اشوفها هالشغالة الحقيرة تتمشى أونها تودي الزبالة و تغسل جدام البيت و من هالحركات... و دلووووووووعة و تتمايل يمين و يسار... حسبي والله و نعم الوكيل فيهم...

لا حول ولا قوه الا بالله

سمت بهالقصه من قبل !!!صراحه تقشعر...
والله يغرب هالخدم الي هم شر لابد منه...
ومشكوره شابوره عالموضوع..
الا ما قلتي اختي شابوره انتي بالسمسم ولا بحبة البركه !!!ولا بالحلوه...!!!
ومتى بنأكلك!!!!!!!!عالفطور ولا عالعشاء!!!!!!؟؟؟؟؟؟؟>>>>تستضرف دمها!!!!!!!هههههههاههاهاهاهاهاهاهاهاههههههههههههههههههههههههههههههههههههههههها

قد هوقعتى قلبى ما لنا والخادمات الاجانب

يكفينا بلاوى الخادمات فى بلادنا