الي تعباانه روحيا تعالي اقولك قصه شفائي..

؛" السلام عليكم بنات ان شاء الله جميعا بصحه وعافيه وراحه بال

اللهم اشفي كل جسد منهك وانزل العافيه عليهم يارب العباد


بنات حابه اسولف معكم واخاطب عقولكم قبل قلوبكم ممكن!؟

اولا ربي ليش ينزل البلاء على جسد المسلم!؟ اكيد كلكم عارفين الجواب ( عشان يشوف صبره ويسمع صوته وهو يدعوه)

طيب شالفايده من معرفه الجواب والعلاج دون التطبيق!!

ليش احنا دايما نمل بسرعه ليش دايما ماعندنا ثقه بخالقنا ليش ماعندنا صبر الانبياء ورسل..

ترا الرسل افضل منا كلنا عند ربي بس هم اشد بلاء منا وش قابلو ذالك هل قابلوه بالبكاء ، بالغضب

باسخط، بضيقه صدر، وقفو حياتهم كلها لانها خلاص انتهت حياتهم،، لا والله قابلو بـ( الحمد الله، والصبر)..

بنات لاتقولين وش عندها مثاليه بزياده لا والله انا لو مثاليه ماقلتلكم اسمعوني بعقولكم مو بقلوبكم

لان الي قاعده اقوله هوو الصدق وكل شيم مكتوب بكتاب الله عن صبر الانبياء( يوسف سجن40 سنه، نوح الطوفان، موسى طغيان فرعون والبحر، ابراهيم القوه في نار، حبينا محمد سحر واشياء كثيره،)


..راح اقولكم قصتي الي اكتشفت فيها تعبي من سنتين تقريبا..

انا اكتشفت اشياء ظهرت علي ماكانت فيني قبل من انتفاخ البطن من الام ونغزات بطني

من ضيقه صدر..تساقط شعر..دوخه.. ع فكره سوويت تحاليل واخذت علاجات وقتها الحمد الله ماتغير شي..الام دوره بشكل موالم وكانت تجيني غزيره.. غير الاحلام الي احلمها.. نعاس عند قراءه القران..تكاسل بالعباده ..عصبيه بزياده عن اللزوم معاد اتحمل احد..نسيان بشكل موطبيعي..افكر
بامور دنيا بستمرار لدرجه معاد فيه خشوع بصلاه..) طبعا كل هذا وماكتت متاكده انتي تعبانه

كنت اقول خلي عنك الوسوسه زادت حالتي لدرجه معاد صرت انام زين ارق وافز من نومي
المهم انا وقتها حسيت وشكيت اني مو طبيعيه..)
ومع تفسير حلم لمفسرين كلهم اكدو لي هاشي اني تعبانه واحتاج راقي وان اموري المتعطله
من تعبي..

الحلم له 5 اشهر قبل لاافسره وبعد مافسرته انا متوكله على الله وانا شفائي بيده وحده

كنت اقرا مواضيع للبنات ضعت بطووشه معاد عرفت مره اقول فيني عين مره اقول لا مس عاشق

مره اقول لا سحر انمرضت من كثر وسوستي..نصيحه نصيحه نصيحه ي بناااااااات لاعاد تبحثون

بهالامور ترا تمرضوون زياده وانتي يمكن مافيك شي ترا انا لوو قال لي احد من اهلي انتي موسوسه

كنت اوقف بوجههم واحلف بالله انتي تعبانه بمس عاشق ..الله يرحم حالي شي وخلاص رسخته

بالي وكله من المواضيع الي اقراهاا..


المهم ي بنات انا اسوي اشياء تسااعدني عند ربي انه يشفيني..

1) كنت اصلي صلاه الوتر اه اه ي بناااااااات قسم محرومه الي ماتصليها رااحه عجيبه ماكنت

ارفع راسي من السجود وانا ماخليت شي بخاطري حتى دموعي ع خدي يامحلااه من دموع

دموع صااادقه..اتكلم مع ربي واقوله وش فيني وش ابي هوو يعرف كل شي بس سبحانه

يبي يسمعها مني..والله والذي خلقني اجااب لي كل دعوه دعوته بها دعيت بامور حياتي كلها وماردني والله وحلفت بالله واناصادقه انه ماردني

طبعا اجاب لي كل شي الا شفائي وقتها توني ماكنت اعلم لماذا اخرني سبحانه يبيني اوصل ادعوه

للاسف ماعرفت هاصلاه الا لما تعبت..

2) الاستغفار عجيييييييييييييب وادري سمعتو هالكلام وااجد بس كل ماخفيت وقليت استغفار تذكرت

كلام الله في قوله تعالى(فقلت استغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا)

بعدها تجيني طاااقه ماوقف يناس هذا كلام ربي مستوعبين ربي ايش قال عطاك الوعد.. انا خلاص معاد لي كلام عن فضل الاستغفار ربي قال وحبينا محمد قال(من لزم الاستغفار جعل الله له من كل هم فرجا، ومن كل ضيق مخرجا، ورزقه من حيث لايحتسب)

بعدها مايحتاج اشرح بعد وش فضله..

3) الذكر كله مو بس استغفار كنت استغفر من بعد العشاء الين الفجر وقت نهار كنت اذكر الباقي مثلا

عند شروق الشمس وعند غروبها اخصص نص ساعه لقول ( سبحان الله وبحمد سبحان الله العظيم) و( سبحان الله والحمد الله ولااله الا الله والله اكبر ولا حول ولاقوه الا بالله)

تدرين ايش فضلها عند شروق شمس وغروبها!؟
قوله تعالى( فاصبر على مايقولون وسبح بحمد ربك قبل طلوع الشمس وقبل الغروب)
قال رسول الله صل الله عليه وسلم( أحب الكلام الى الله تعالى أربع.لايضرك بأيهن بدات.سبحان
الله، والحمد الله، ولااله الا الله، والله اكبر)

قال الرسول انها احب الى الله وانها احب مما طلعت عليه الشمس.!!

غيرر عااد الصلاه على الرسول وحسبي الله ، ولااله الا الله وحده لاشريك له له الملك وله الحمد وهو على كل شي قدير..ولااله الا انت سبحانك اني كنت من ظالمين اكثر منها بصلاه الوتر وغير الصلاه هذي دعوه ذا نون وقال ربي فيه ننجي المومنين يعني مو فقط نبينا يونس



وربي اني مسني الضر وانت ارحم الراحمين) هذي دائما وانا سااجده اكرررها بصلاه الوتر عجيببببببه

لاني تعباانه ومحتااجه الشفاء..

4) الصدقه ومادراك ماصدقه حتى لو تسقين طائر تصدقتي

5) قراءه القران ماكنت اهجره اكثر من ثلاث ليالي كنت احاول قد ماقدر اقراه

سوره البقره احاول اختمها يوميا ( انا مايحزني لما تسال بنت هنا وتقول الي جربو البقره هل نفعتكم


هنا حابه اقولك مااعنده ثقه بالله لوو مركزه شوي بحديث رسول عنها كان ماحتجتي تسالين

بس انا بشرر تبي الامور استجابتها قدامها وانا بعد نااقصين مو كاملين اعطي الله يعطيك،،

6) شرب ماء زمزم اما ارقيه بسوره الفاتحه 7 مرات وايه الكرسي واخر ايتين من سوره البقره

والمعوذات والاخلاص وبعض الادعيه مثل ربي اني مسني الضر وانت ارحم الراحمين3 مرات

وبسم الله الذي لايضر مع اسمه شي وهو على كل شي قدير 3

واللهم انت شافي لاشفاء الا شفائك شفاء لايغادر سقما

+ مع النيه ان ماء زمزم لما شرب له مثل ماقال حبيبنا محمد..

او ارقي عليه سوره البقره اقراها وبعد كل صفحه انفث ومع الفاتحه 7 مرات ونفس الباقي الي قبل..

7 تمرات عجوه المدينه صباحا مع كاس ماء زمزم طبعا لما اغسلهم اصب عليهم شوي من الماء المرقي

واكلهم مع الماء على الريق ..

وتمر عجوه المدينه مدحه الرسول ..

8) الاذكار ماخليها لاصبح بعد الفجر ولا بعد صلاه العصر او مغرب والافضل العصر.. وافضل الاذكار والمتكامله اذكار حصن المسلم..

9) ادهن جسمي بس مو دايم بزيت زيتون مرقي طبعا ارقي عليه مع الماء سووا اشرب الماء وادهن زيت لان صعبه ارقي مرتين + تشغيل رقيه شرعيه او سوره البقره وانا نايمه

وين الارق سلمولي عليه الحمد الله معاد جاني قبل كنت ساعه وانا تقلب بفراشي لان من احط راسي

نايمه + اذكار النوم مهمممه + نفض الفراش اقتداء بحبينا محمد+ ووضع الكف الايمن تحت الاشق الايمن..

10) صلاه ضحى من رمضان وانا بديت فيها والله يتم علي وعليكم اقلها ركعتين والله مراح تاخذ منا شي ترا اغلبنا معاد ينام الا 8 و9 استغلو هاشي..+ صيام الاثنين والخميس » بس انا مو دايم واباذن

الله ارجع وانا راجعه باذن الله..



تدرون وش جاني جااني خوف ان فيني مس وخلااص علقت براسي اني ممسوسه وصرت اطبق ذاك

البرنامج وكنت اقول لازم شيخ يرقيني تدرون اني طبت وتعافيت وانا لااعلم من قبل مااروح لشيخ ..
سبحانه..

بتقولون كيف عرفتي!؟؟

قبل اذا قريت قران يجيني تنمل ونعااس الان من كم يوم الحمد الله معاد حسيت

رحت لشيخ وحكيت له كل شي قلت انا شاكه اني مسوسه قال لي ليش؟؟؟

قلت اعراضه فيني!!! قال انتي تصلين؟؟ انتي تقرين قران؟؟ قلت نعم قال خلاص المس

مايخليك تاقرين ولاتصلين وقتها ايش جااني شعووور فرحت مره..

سبحان من يسر لي ذاهب لشيخ

كان مافيه امل اروح بسبب ظرف لاكن من سهل امري اليس الله.. كنت دايم ادعي ياميسر السحاب

ويامنزل الكتاب ويهازم الاحزاب يسر لي جميع اموري"'

قعد يتكلم عن ان الاشخاص يخلطون بين الامور وان اعراض المس نفس العين نفس السحر..

وان الوسووسه هي الي ضيعتني بدا بروقيتي ولم اتااثر ابدا الحمد الله ..

انا لما قبل كنت اقرا القران احس بتنمل لكن من قبل لاروح له بفتره معاد حسيت لحد ماجيته..

بعدها طلبته اجيه مره ثاني قال لي لاخلاص يكفي.. فقط اختمي القران كثير وانا الحمد الله

من قبل لاروح له وانا اختمه كل 8 ايام تقريبا..


لان استجاب الله لي وشافني ..لاتتوقعون اني ماكنت واثقه بالله لا والله ماواصلت برقيتي لنفسي

الا لثقتي به.. لكن فقط ليطمئن قلبي ذهبت لشيخ..

انا لان لم اقف بالعكس زاد حمااسي اواصل تدرون ليش!؟؟ عشان اشكر ربي

مثل ماقال رسول الله لما تفطرت قدماه من العباده وقال لعائشه الا اكون عبدا شكورا وهو مبشر بالجنه..

فبال احنا الله المستعان

بنات ثقي ان ربي قبل لاينزل الداء انزل معه الدواء وثقي انك ماتعبتي الا بعد امر ربي
وان الشفاء بيده وحده..

بنات ولادعوه ردني فيها والله اني خجوله منه احس الى لان مقصره معه مو حاسه الا والله مقصره

كم احبك ياربي..


بنات شدو العزم من اليـــــوم واعلمو ان ربي ينزل لسماء الدنيا كل لليله ليسمع شكواك

لاتستغلين هالوقت فيما يغضب الله اما ع فلم او اغنيه او سوالف لاتودي ولاتجيب وحتى لو نايمه

حطي منبه قبل الاذان بساعه تصلين وتستغفرين..


اللهم اتمم علي شفائك واشفي ياربي جميع مرضى المسلمين

ازرعوو في قلوبكم التفاائل وان القادم اجمل من الماضي انتي تتعاملين مع الخالق!


اتمنى ان الي كتبته له فائده لكم فاوالله ماكتبته الا حب للخير لكم واتمنى كلكم تكونون مرتاحين بحياتكم..

وصل الله وسلم على نبينا محمد وعلى اله وصحبه وسلم