غاليتي قنوعه ممكن تحضرين اي كيكه عاديه وتصبينها بقوالب الكيك وتضعي بكل قالب قطعة حلوى وطبعا تكوني موزعه ورق البلسيه قبل وضع الخليط بالقوالب................وشكلها راح يطلع روعه معك وتدعين لي لو الكيكه اللي استعملها دايم تحضرني الان كان كتبتها لك بس خيرها بغيرها......................................وللاخت نواعم اقول عندج طريقة كتاب الضيافه بحلوى الساقو عن تجربه صج رائعه ولذييييييذه وطعمها خيااااااااالي

انا عندي طريقه انشالله تعجبج بس استني علي كم يوم وانشالله اجيبلج الطريقه....

أنا عندي الطريقة من كتاب السفره الخليجيه ل أفنان الزياني بس ما جربتها إذا تبين بطبعلح الطريقة من الكتاب بس المشكله ما جربته أصلا.

اختي نواعم سويت بحث في المنتدىكتبت حلوى البحرين ولقيت لك طريقة الأخت ماكو اسامي
بس انا ماجربتها قلت انقلها لج وانتي تجربينها
وهي حاطه الصور بعد بس انا ما اعرف احط الرابط والا كان حطيته لك

وهذي الطريقه


كيس ساجو 500 جرام نص كيلو
ينقع بماي بعد شطفه مره ساعه وناخذ من ماي النقع 10 اكواب ماي ولو ماكفى نزيد ماي فاتر
كوبين ماي ورد منقوع فيه زعفران ومذوب فيه 6 ملاعق اكل نشا
6 اكواب سكر (انا خففته ممكن 7 او 8 )
كوب زيت
اصبع زبده صغير 113 جم
(كوب جوز محمص مفروم خشن وملعقة اكل هيل مطحون)

استخدمت جدر تيفال عشان لا يلصق
حرقت نصف السكر مثل ما البنات سووا وعلموني شقرت غامق شوي مو فاتح لأن ما عندي لون وحطيت الماي والساجو والزيت وماي الورد وباقي السكر
وخليته يطبخ ساعه ونص وبعدين حطيت الزبده وخليته ربع ساعه وبعدين لما شفته كله صار كتله وحده تلف معاي بالجدر توكلت على الله وحطيت الهيل و الجوز بس شلت جوز للوجه
وقلبته حيل على نار قويه دقيقتين
وصبيته في بايركس مدهون
ورشيته بالجوز وبعد اربع ساعات لما برد كلش قطعته وطلع وياي مرتب ماشاء الله
والوالد استانس عليه مو مصدق انه شغلي
والبركه فيكم يا غاليات ولا ما كنت اتوقع اسوي حلوى وتضبط بعد

تسلمين حبيبتي هايلين ماتقصرين

لأني جديده بالمطبخ اخاف اجرب اي كيكه وماتضبط ماعليك امر واذا مافيه كلافه

تعطيني طريقتك اللي تستخدمينها دايما في الكيك

ماننحرم منك ياذوق