خايفه على ابوي من دعوات اختي

السلام عليكم
انا مو عارفه اروح لمين لاناحس منخجله من الوضع
ولا احد بيفهمني مظبوط
اختي فتره من الفترات طلعت تدرس ورجعت قبل فتره من رجعت وهي تسوي مشاكل بين اهلي
تفتن بينا حنا الاخوان وتقلب فلان على الفلان فالبدايه كنا نزعل ع بعض لين فهمناها
كنت اسمعها تحرش امي علي وتحرش اخواني كانو يناظروني نظرات غير زي اللي مسويه شيء وماعرفت ليش لين امي مرا زلت وقالت لي يالمصلحجيه !!
صح اني بفتره كنت احتاجها وساعدتني بس حتى انا ساعدتها ايش كثر
مو هنا موضوعي مو مهم علي المهم انها صارت تدعي ع ابوي قدامنا ترفع صوتها ع امي تعاملها كنها طفل وامي ضعيفه ماترد
وربي ابوي تعب كثير كثير منها تدعي ع اخواني بالموت ولا تحس بقيمه كلامها تدعي ع ابوي بالمرض وامي تقول عليها حقيره حيوانه !!!!!!
كنت فالبدايه اسمعها واسكت الين طفح الكيل كني راضيه على الوضع واصير عاقه معها قمت كلمتها بهدوء صارت تقولي انتي نفسيه انتي تسوين نفسك مثاليه وتهاوشت معها
قمت قلتلها ماتبين ابو انا ابي انا واختي الصغيره نبي قالت انتي مالك دخل حسبي الله عليكم كلكم طيب وين المشكله ليش تتحسب
المشكله بدايتها ان مرا رقعت صوتها ع امي كالعاده وقالت لها انتي مالك دخل في حياتي قام ابوي يقول لامي لو اني منك مااسكت وقام يقول كلام كثير ان انتي تاركها لها مجال تتمادى عليك
وامي تقول ضعيفه ماعندها صديقات ولا وظيفه ومنظغطه من البيت يعني تتعذر لها جاء اخوي قال اعطيها كف ان رفعت صوتها مرا ثانيه وهي سمعت هالكلام ومن بعدها تتحسب
مستحيل تقتنع انها غلطانه في فتره حاولت تنتحر وكنت واقفه ماخليتها تقول والله لا افضحكم انا ماعندي شيء اخسره بنات انا انجنيت منها حسبي الله عليها ودي انا اللي جبت لها الحبوب تنتحر
ابوي يتعب يتعب منها وامي ظغط صعب اشوفهم ضعاف ودي اكلم احد شرطه اي شيء ياخذونها ماينفع فيها هالبنت ولا راضيه تتزوج تقول بقعد على قلبكم
والله يوم كانت تدرس وتحتاج فلوس ان ابوي ياخذ الفلوس مننا حنا يالمحتاجين ويعطيها لها والله كان يتسلف عشانها ولا هي بحاسه
الحين تخلي الكهرب شغال وتطلب اكل ولا تاكل تطبخ اشياء وتنكب بس تنتقم
شسوي بنات تكفون ماابي ادخل اطراف ثانيه لان تقلب اهلنا علينا وهي تكرههم بس تتمسكن قدامهم اننا حارمينها
وكلنا اجتمعنا قبل وكلمناها ان ثمني كلامك ولا رضت تقتنع تقول انتو غلط
ادعولها تكفون ادعو ربي يصلحها ويخلي لي ابوي يضعف قدامي وخايفه من دعواتها بنات تدععي من قلب من قلب تقل ظالمينها وحنا ماسوينا لها شيء
انا ابي اعرف هل دعواتها تستجاب ؟؟؟؟؟؟؟؟خايفه على اخواني وابوي منها ماابي افقدهم شتتنا صار محد يحب يجلس فالبيت منها حسبي الله عليها
الله يرد كيدها في نحرها حسبي الله عليها
وبنات تهدد تفصل اخوي من عمله و تهدد تدق على حقوق الانسان مدري ايش اسمه نسيت وتقول ان حنا حابسينها وظالمينها
وتهدد ع الشرطه تدق وتقول يضربوني وقسم بالله محد سوىلها شيء مدري ايش هالابتلاء ربي يفكها مننا وتشوفها بعيالها ان شاءالله الله يحرق قلبها