حد منكم سار الهند

باذن الله ....... ازور هالبلد هذا .....
لكنى نقلت الموضوع هنا لانه مكانه الصحيح .. عسى ان تجدى اجابة على تساؤلك .

ابصراحه وبدون مجامله والله اني احبج وايد ياجبل قهوان وما تتخيلين كيف استانس لما اشوف ردورج لاني احس انج انسانه طيبه واجتماعيه وحبوبه ومتعاونه مع الكل


الله ايوفقج فالدنيا والاخره ...........بيني وبينج ترى زوجي بدا ايغار ايقولي انتي ما شفتيها وجذه تتخبلين يوم اشوفينها راده عليج عيل لو شفتيها شو بتسوين

هلا ومرخبا فيك انا كنت مثلك بالاول اقول الهند لا مو معقولة حلوة وزينة بس توكلت على الله وسافرت مع زوجي طبعا هو راح للهند اكثر من مرة ومن الناس اللي شجعني نروح على الهند من كثر ما يحكي عن الهند وبعدين مسألة الشحاتين بك مكان حتى عندنا بجدة تعطين واحد تبلشين بالبقية بس طبعا انا هناك ما احاول اعطي لانك ما تعرف اللي تعطيه مسلم والا هندوسي..ماعلينا نرجع للهند

الجو روعة فوق ما تتصورين امطار تقريبا يوميه مو زي امطارنا قوية ورعود ..لالالا امطار بدون صوت والجو رائع الشمس عندهم مثل الغيم عندنا
رحلتي حطت اولا بمدينة بومباي(مومباي هم يكتبونها هكذا) جلست فيها ونزلت بفندق حق واحد مسلم واغلب اللي فيه من ربعنا وفي بومباي تحس بالوجود الاسلامي نساء متحجبات احسن من عربنا (ياعيني على عربنا اذا طلعوا برا إلا من رحم الله) مدينة تجمع كل التناقض الغنى الفاحش والفقر المدقع الحضارة والتطور والبدائية والجمود المدنية واللامدنية يعني كوكتيل بقدر الفارق الكبير بين الضدين الا انه يعطي حلاوة للساءح والمشاهد الغريب وليس لاهل البلد
الاسواق متنوعة والبضائع مرة حلوة السواري المطرزات والقطع الصدور اللي يبيعونها عندنا بالاف التحف شيءمو معقول اسعار تجنن (طبعا شريت حق سنتين قدام من اقمشة وسواري محترمة مو زي اللي عندنا وقطع ) لا وملابس الاطفال مرة حلوة000
طبعا فيه شارع اسمه لينكنج رود (اذا مو ناسيه صار لي 3 سنين) فيه ملابس الاطفال والنسائي المودرن طبعا فيه اسماء اسواق كثيرة ضاعت مني
بس فيه منطقة وسط البلد زي ما نقول حنا وهي طبعا مرجع لكل اهل الخليج اذا مضيعة احد تلاقيه هناك المنطقة اسمها قلابه وسطها شعبي زي كل دول العالم وسط البلد شعبي محاط بالحضارة زي وسط جدة البلد بعدين نقلت وسكنت قرب هذه المنطقة بفندق محمد علي دربار
علشان الواحد يضمن الاكل ..ياويلي على اكل الهند عندنا ظالمينهم بالفكرة اللي عندنا زيت وفلفل الاكل الهندي يعتمد على البهارات حتى العدس اللي هو عدس عندهم شيء ثاني اللي تبي تروح في مطعم اسمه كاندولا لايفوتها اكل خرافة وحلاوة الهند تجمع بين الصيني والهندي والعربي البحر بومباي شيء ثاني الذرة احد يصدق انها اكلة مرة روعة انا والله ما كان علي منها عندنا ولا افكر اوصيها لكن هندهم جبت لزوجي الغثا كل يوم نبي ذرة(مشوية بالملح والفلفل) الناس هناك مسالمين لم نتعرض لاي نوع من المشاكل جلسنا بومباي 10 ايام وطلعنا نيودلهي العاصمة غالب عليها الطابع الهندوسي يعني اغلب ما تشوف اهل العمم الهندوسية بس ما طولنا فيها واخذنا سياره وطلعنا الى منطقة تسمى ناني تال بالسيارةحوالي 5 ساعات ما في طيارة بس ماتحس بالطريق لانه على طول الطريق الارض خضراء وقرى على طول ونوقف كل ساعة وناخذ شاي بارد ذرة
وبالمنتصف وصلنا بطريقنا لمدينة اسلامية حيدر اباد وقلنا الغداء هني ....

تغدينا بحيدر اباد الساعة 4 عصر وواصلنا السير مع توقفات متكررة لمشاهدة مزارع الارز اللي بالهبل عندهم واحنا بالطريق ما نحس فيه الارض خضراء والقرى منتشرة على طول ما ىتحس انك انقطعت عن الناس ووصلنا الساعة 8 بعد المغرب الى ناني تال واخنا فندق على قمة جبل روعة موقعه اسمه SHERVANI HILTOP INN تابع مجموع اسمها ستارونمنا واصبحن ياويلي على المدينة الضباب الامطار اللي بدون صوت وخفيفة الوقع والبراد اللي يهبل وطبعا صحينا على حركة القرود تاكل المنجا حقتنا حطيناها على البلكون بالليل ونسيناها بس مز مشكلة المنجا عندهم برخص التراب وطبعا الفندق سعره مرة حلومو زي اسعار فنادقنا بالمناطق السياحية اعتقد كان بـ 150 ريال شامل لوجتين انت تختارهم و 15 ريال سرير اضافي لمشاري. ونزلنا المدينة اغلبها مسلمين وفييها مسجد كان وقتها يستعدون للمولد ((طبعا المولد بدعة وحاول ابو مشاري يبين لبعضهم لكن مافي فايدة)) المدينة فيها بحيرة كبيرة وركبنا بوت صغير الله لايعيدها رجعت وانا ابكي وزوجي ومشاري ميتين من الضحك لانه صغير واي حركة زايدة وا اختلال توازن ممكن ينقلب ومشاري وابوه كثيرين حركة المهم الحمدلله على سلامتي رججعنا وجلسنا بالساحة العامة اللي بعد العصر تصير سوق مفتوح ومكان تجمع زوار المدينة وطبعا ركبنا التلفريك اللي فيها وجلسنا 3 ايام وبعدين روحنا لمدينه مو بعيدة حق ساعة وحدة واسمها مدينة البحيرات السبع (ست تال) لانها 7 بحيرات متصلة بعض وتصدفون ركبت يوت ورجعت ابكي ما قدرت امسك نفسي شكلها يهبل ورجعنا بنفس اليوم لمدينتا وبيتنا وثاني يوم الصبح رجعنا نيو دلهي واخنا فندق اسمه (كلارك الدولي) Klark international طبعا غالبية دلهي هندوس كما هو واضح لنا من خلال عمايمهم ويربطون دقونهم بمطاط الى اعلى بشكل غريب اليوم الثاني من وصولنا طلعنا بالقطار حوالي 8 ساعات الى مدينة اخرى تسمى اجمير الرحلة استغرقت وقت طويل بسب الامطار وكان معنا مسؤول هندي والسواق كل شوي يوقف ويسوق بالراحة ( يعني يالمسؤول شوف انا كيف نظامي واخاف على حياة الناس.. بسانزل وتشوف) وصلنا المدينة وسكنا بفندق اسمه MANSINGH PALACE روعة 4.75نجوم مختلط وان كان الظاهر هندوسها اكثر وطبعا فيها جامع كبير يسمونه (اجمير شريف) هذا الجامع فيه اكبر قدرين بحياتي شفتهم ولايمكن اشوف مثلها شي خرافة طبعا اللي يجون المسجد يرمون بالقدرين فلوس ورز وزيت واي حاجة لغاية ماني فاكرة المولد والا رجب ويطبخون فيها باللي تجمع على مدار سنة ويوزعونها طبعا القدر الواحد ممكن يشيل 50 جمل طبخ المهم صلينا بالمسجد الجمعة وحاجة غريبة داخل المسجد محلات ورود وفيه هندوس واتضح بعدين انه الناحية الثانية من المسجد فيها مقابر المهم اخنا بالمدينة 3 ايام خضرنا زفة صارت عند الفندق زفة العريس على خيل وامامه الاتاريك (فوانيس كبيرة) وهو على الخيل يعني زي ما يقولون جايها الفارس على خيله ورجعنا الى الفندق طبعا عندهم ميزة حلوة ممكن تخلي عفشك امانات عندهم وتحجز غرفتك الين ماترجع وبيتنا واليوم الثاني مو معقولة نفوت اهم معلم سياحي بالهند ونرجع تبون تعرفون ................

المعلم هو تاج محل وهو بمدينة اسمها اقرا بس المدينة حر ووصلنا الى تاج محل وطبعا منعونا ندخل كاميرا الفيديو بس ممكن ناخذ مصوراتي معنا المهم دخلنا ومعنا مصور ومرشد سياحي وشفنا الفن المعماري والمقابر حقتهم والحديقة اللي دايم تطلع بصور تاج محل وصلينا بالمسجد وطبعا كانوا المسلمين قلة ورحنا مصنع الرخام بلا رخامنا بلا هم شيء الرخام يهبل القطعة بحجم تبسي الشاهي يعني 40x 30 بحوالي 5000 ريال تحفة ومسوين جدار منها وخلفه إضاة يهبل لانهم مدخلين الرخام بعدة الوان وشوف الاضاة وش مسويه طبعا الرخام يسمح بنفاذ الضؤ وبعدين رحنا محل المجوهرات الرئيسي ياولدي على لازوردي فن ورعة تصميم وغالية اخذت خاتم ب 27000 النهن ما طولنا ورجعنا الى دلهي علشان نرجع الى بومباي ومنها نستكمل رحلتنا
السؤال ماذا حدث بمومباي ؟
لماذا العودة اليها ؟

ولماذا امتدت الرحلة 10 ايام اضافية؟


كل هذا سوف نتعرف عليه في الحلقة القادمة

وسوف نستعرض ابرز محلات التسوق والماكولات والمعالم السياحية



على فكرة نسيت اقول لكم عن الخاتم

ابو 27000 روبيه يعني حوالي 2400 ريال معقوله الان


طبعا رجعنا بالطائرة الى مومباي وهذه المرة سكنا بفندق يقال له باوا بشارع لينكنج رود وجلسنا 4 ايام طبعا خلالها تسوق في سوق غاندي و سانتا كروز(فيه ملابس اطفال بدل مطرزة مرة حلوة.. وملابس نسائية زي اللي تلبسها البنات بالغمرة اللي هو يوم زواجها مطرزات مرة روعة يسمونها عندهم شرارة) وطبعا الاكل عندهم روعة وبهذا الفندق ما ناكل الا خضروات علشانهم مو مسلمين بس والله عندهم عدس يهبل شكله زي الفول بس لذيذ يسمونه دال مكني لا والرز بالكمون خرافة يسمونه جيرا رايس طبعا احيانا نطلع قلابة ناكل فيها اللي نبي تقول منطقة عربية لا وبعد كل معلباتنا وحلوياتنا وشغلاتنا موجودة بهذه المنطقة بس عاد ضعف السعر
بس تعرفون انا اخذت معاي ( جبن- حلاوة طحينية- شاهي -مربى) ليش لانهم ما يعرفون بالفطور الا البيض والعدس والمشكلة ما عندهم صامولي بالصبح ما في الا توست وفيه محل يسمونه حاج علي يبيع بيتزا ولا بيتزا هت بس حراقة شةي بس والله لذيذة وعنده كريمة منجا ياويلي يابنات على اللي ما تروح الهند وتذوقها شيء يعقد يهبل الناس عنده طوابير وبالسيارات يوصل لهم الطلبات طبعا للي مالقي مكان وليش اسمه حاج علي نسبة الى مسجد بالبحر او بالاصح مقبرة حاج علي بالبحر وبانيين عليها مسجد والمسجد بوسط البحر والممر الموصل للمسجد طوله حوالي 600 م طبعا بوسط البحر وضيق يمكن عرضه 80 سم لا والمصيبة على الجوانب الشحاتين والمعوقيين ( الحمد لله الذي عافانا مما ابتلاهم وفضلنا على كثير من خلقه تفضيلا) والموج يضرب الممر شيء يخوف بس حلو طبعا المسجد او المقبرة كل يزورها مسلمين هندوس الى اخرة وبومباي شارع اسمه محمد علي كل اللي فيه مسلمين يهبل تحس فيه بحاجة غريبة ومعظم تجارتهم بهذا الشارع يعني الغالبية جملة وبهذا الشارع محل ملابس نسائية داخلية ياربي مو معقول بالهند كل ذا الزين وشريت بس والله مو سعرها لو عندنا اخذها 10 اضعاف السعر وشريت اطقم قدور خرافة استليس ستيل والقاعدة نحاس والطقم يجي معاه هدايا طاوة و قدور نحاسية صغيرة تنفع شوربة او ايدام بس والله تاخذ العقل لا ويحفرون اسمك على كل قطعة طبعا اخذت 4 طقوم واحد لي و3 هدايا بس اللي شافوها يالله تكفون تعرفون احد يجيب لنا زيهم وبزيادة بالسعر بس انا والله ما كنت حابة احد غير اللي جبت لهم يكون عنده زيها وطبعا شريت قطع قماش شيفونات اول مرة اشوفها بعد سنة نزلت عندنا بالسوق مرة كنت مفصلة وحدة بعزيمة وما اسمع الا هالتليفونات من اقاربنا فلانه تقول ام مشاري من وين جابت القماش من اي محل وعلى كذا اخت ايام بالاتصال لا وصرت كل مناسبة افصل قطعة من اللي جبتهم ووحدة عرضت علي كان باقي عندك شيء انا اشتريهم منك بالسعر اللي تبين وفكرت اتاجر والله لانا تعرفت على عيله هنديه يعرفهم ابو مشاري في سفراته السابقة الام بس تتكلم عربي والبنات كلهم انجليزي وهذه العيلة اقترحت علينا نروح منطقة اسمها كندالا زي ما نقول الشفا بالطائف او السودة بابها (بس والله فرق كبير) اخذنا سيارة طبعا فيه باليوم وفيه بالكيلو احنا اخذناها باليوم 1100 روبيه يعني 110 تقريبا وطلعنا كندالا حوالي 3 ساعات ابي اكلم شيء انسوا حكاية الطريق وطوله لانه صعب تحسون فيها من حلاوة المناظر والقرى اللي كل شوي قرية لا وحنا رايحن شفنا الفبلة وقفنا وركب زوجي ومشاري معاه حاولو فيه بس لايمكن لا لمن ركبوا بغيت ابكي خفت لايسوس فيهم شيء يطرحهم يدوسهم المهم كملنا طريقنا وصلنا الى كندالا (اي شفا واي سودة ) جنة امطار وضباب وبراد وارض خضراء وجبال ما تشوفها من الاشجار اللي كاسيتها وشلالات من كل جهة جلسنا فيها يومين بفندق حليو اسمه VALVAN VILLAGE RESORT اليوم فيه غرفة مزدوجة ب3000 روبية يعني 300 ريال وبعدين روحنا مرينا على مدينة اسمها بونا مرة حلوة ومنها طلعنا على منطقة اسمها بجقني وثانية اسمها مملشور وكل ها روعة طبعا هذه اسغرقت يوم واحد ورجعنا كندالا وسكنا بفندق ثاني اسمهKAILASH PARBAT HOTEL رغم انه اروع من الاول وتوه فاتح والله يقول انتم ثاني نزيل عندنا لقيناه فاضي الا انه ارخص بـ 2000 روبية( طبعا زوجي يموت بتغير الفنادق)لو بيده كل يوم بمكانالمهم جلسنا بهذا الفندق يومين روحنا فيها لسوقهم والشلالات والبحير ة وبعدين رجعنا الى بمومباي وجلسنا يوم بفندق بوسط البلد يقال له الخليج رخيص وكلهم من الخليج فعلا اقصد النزلاء وبعدين رجعنا الى ديرتنا والحمد لله على سلامتنا ( الله يسلمكم)

يابنات انا الرحلة موثقة بالصوت والصورة (فيديو وكاميرا) وفيه مناظر واماكن تاخذ العقل بس ماني عارفة وشلون احطها لكم
على فكرة انا ناوية ارجع للهند اذا وحدة منك تبي تخاوينا (طبعا عوائل) حياها الله



ـــــــــــــــــــــــــــــــــــــــــ
اختكم ام منى بحواء وام مشاري ب لَكِ

ماشاء الله ام منى ماقصرت
اذا تبغي زياده بلغيني