مرحبا اختي ام منى
شو هالكلام الحلو الى اتقولينه ابصراحه شوقتيني لسيرة الهند مع ان زوجي كنسل الفكره من البلاوي الي سمعها لكن عقب هالكلام الحلو خلاص سايرين الهند يعني سايرين ان شاء الله
فرحتيني بكلامج انا قلت هالموضوع مضى عليه الدهر ومحد بيرد علي ....
المهم الحمد لله على سلامتكم
خلاص عاد الحين انتي بتكونين المرشد السياحي الى بدلينا على الاماكن ياللا شدي حيلج عشان تستقبلين الاسئله
بخلي زوجي يقرا الرد الي كتبتيه عشان اتأكد ان بنسير وعقب بستفسر منج اكثر
ما قصرتي ام منى ولج دعوه من الخاطر ان شاء الله .

شذى المدينه اشكرج على الرد
واذا عندج اي زياده ممكن اضيفينها عشان ايحد ايدش الموضوع يستفيد ان شاء الله وزهبوا انفسكم للا سئله
ابصراحه ما تقصرون يا وصدق يوم قالوا الي بيغي المساعده يسأل بنات المنتدى وهم ما بيقصرون..

مشالله عليك يا ام منى الله يسعدك كمان وكمان .. عاد انا اموت بالهند من اول .. و الكل يقولي وع الهند وش تبين فيها كلها امراض وفقر بس انا احب كل شي هندي اكلهم ، لبسهم ، تقاليدهم ، حتى كلامهم ... الا صحيح مافيه حلوات وحلوين بالشوارع زي الافلام ؟؟

أنا بصراحه مارحتلها بس أبوي راح لها صراحه جاب حاجات جنان تحف ملابس وأغراض كثيره بس الشي إلي غلط لمن جابه لنا هو كرتون الموز لأنه مافي أحد يحب الموز إلا هو