السلام عليكم ورحمة الله وبركاته
اخواتى العزيزات اريد طلب ضرورى عايزه اعمل بلوزه كروشيه لكن عندى مشكله فى الحردات حرده الرقبه المستديره والحردة شكل V وحردة الابط والاكمام ياريت احدى الاخوات تعمل موضوع عن الحردات وتعلمنا طريقة عملها بالتفصيل منتظره على احر من الجمر :time:
اختكم بلبل40
bolbol40 @bolbol40
محررة
يلزم عليك تسجيل الدخول أولًا لكتابة تعليق.
الصفحة الأخيرة
بس اعمليها عينة الاول
يارب تعجبك
1- نعمل سلسلة من 50 غرزة
2- السطر الاول عواميد بلفة واحدة حتى توصل طول القطعة 10 سم عشان ماطولش الشغل عليكم
بعد ما عملنا القطعة 10 سم نعمل الاتى :
- نقلب الشغل ونشتغل غرزتين منزلقتين فوق عمودين من السطر السابق
-ونعمل غرزة منزلقة فى تالث غرزة ونطلع بثلاث سلاسل بمثابة عمود ونعمل عواميد عادى لغاية قبل اخر السطر بعمودين حيبقى عندنا 46 غرزة ونقلب الشغل
- ونعمل برضه غرزتين منزلقتين زى السطر اللى فات بالضبط وقبل اخر السطر بعمودين حيبقى عندنا 42 غرزة نقلب الشغل
كده احنا بنعمل حردة الابط من الناحيتين الشمال واليمي
بعد ما عملنا السطرين اللى فاتوا يعنى بقى عدد الغرز 42 غرزة نعمل سطر تالت بنفس الطريقة
يعنى يبقى عدد الغرز 38 غرزة
- السطر اللى جاى بقى نركز فيه نقسم عدد الغرز على 2 حيطلع 19 غرزة نعمل غرزة منزلقة على اول عمود ونكمل عواميد لغاية مانوصل للعمود رقم 17 ونقف ونقلب الشغل
- السطر اللى جاى نعمل غرزتين منزلقتين على اول عمودين ونكمل لغاية اخر السطر بدون تنقيص فى اخر السطر
بكدة نكون انتهينا من حردة الكم وبدأنا بحردة الرقبة يعنى دلوقتى الشغل حيبقى على ناحية واحدة
احنا كده وقفنا فى اخر السطر يعنى ناحية حردة الابط نقلب الشغل ونعمل 3 سلاسل بمثابة عمود ونعمل بقى بدون غرز منزلقة عادى فوق كل عمود عمود لغاية قبل نهاية السطر بعمودين نقف ونقلب الشغل
- السطر اللى بعده نعمل غرزتين منزلقتين فى اول عمودين ونطلع ب 3 سلاسل ونكمل اعمدة لاخر السطر ونقلب الشغل
- السطر التالى نعمل 3 سلاسل كعمود ونمشى اعمدة لاخر السطر بدون تنقيص
- السطر التالى نكرر السطر السابق بدون تنقيص لا فى الاول ولا فى الاخر
بكده نكون انتهينا من حردة الابط والرقبة من ناحية واحدة