حبيبتي لاتحكمين على المعلمه بهالاسلوب والمساله مو انك حطيتي فلوس يعني علمو بنتي وانا بحط رجل على الثانيه واتكي بالبيت لااااااااااااااا انتي حتى لك دور اساسي بالبيت لازم تعلمينها وتحاولين معها لان بعض الاطفال مو بسرعه يستوعبون المعلومه اكتبي للمعلمه تعطيها اوراق عمل فيها رسومات او شي يخص الماده وتحاول المعلمه تعطيها عبارات تشجيعيه عشان تحلها بالبيت بمساعدتك اختي انا اسوي كذا مع الطلاب والله ماتتخيلين قد ايش اتعب معاهم بالشرح واقفه على رجولي طول الوقت حتى لو عندي 3حصص ورى بعض هذي امانه اختي واكيد بنتك ماتستوعب بسرعه فهمي المعلمه وقوليلها تطول بالها عليها وتحاول معاها وانتي بعد حاولي معاها بعبارات تشجيعيه منك مو تحطمينها وتحطين براسها ان المعلمه مقصره يمكن فيه معلمات كذا بس انتي يبيلك تشوفين المدرسه وتعرفين السبب منها اختي يمكن بنتك ماتهتم في الفصل وترانا والله نتعب معاهم تعب مايتعبونه معلمات المدارس الحكوميه اللي ماهمهم البنت نجحت والا رسبت فحرام تحكمين بشي انتي مو فاهمه اسبابه حتى والله يوفقنا وانتم الىمافيه الخير وبصرااحه حنا نكرف ونتعب على راتب وربي مايسوى لكن نبي الاجر من الله ولولا اكتساب الخبرات والله ماكنا بهالمدارس لكن وش جابرك على المررررر قال اللي امر منه .....

الهم طواني حبيبتي والله انا عارفه الوضع وانا متخرجه مثلكم وكاارهه التدريس في اهليه بسبب السلبيات ..لكن الي اقصده لو العيب من بنتي مو مشكله نحل الموضوع انا مابي اظلم مدرستها ولااقصد اني اشيل يدي من مذاكرة بنتي اصلا حتى لو شرح المدرسه ممتاز جددا لااازم اراجع لها وسألها واطمن انها فاهمه ..الي اقصده ان بس ابتدي معها شرح الماده والله ان فيه اشياء اصلا ماشرحتها واشياء تجيبها لهم بشكل صعب بدل ماتسهل عليهم وعارفه المنهج للرابع ابتدائي فيه صعوبه ويبي له شرح مبسط ولو المشكله في بنتي كان اولا ماكانت مع معلمتها السابقه ممتازه وكان مافهمت على شرحي ابد ..واصلا المدرسات الكل يقول عنها مؤدبه جدا يعني مستحيل بتكون في الفصل مشاغبه ولا بتركز على الشرح ..صح اول مادخلتها المدرسه كانت متعبتني وكنت الومها في اول ابتدائي مالمت المدرسه لان من خلال مذاكرتي لها الاحظ بعض الاشياء الي واضح انها مشروحه من قبل المدرسه لو ترجعي لمواضيعي القديمه يعني انا عارفه اذا الخلل منها والا من اسلوب التدريس وتعبت معها لين ماشاء الله صارت من المتفوقين والله اني المعلمات بالذات مدرسة الرياضيات في الحكومه تقولي انا بس ادخل واشوف بنتك تبرد على قلبي وتهدأ اعصابي بينما لما بقية الامهات يسألونها تظل تطلع لهم سلبيات بناتهم يعني ماقول ان المعلمه بعد فيها حلاوة لسانها لاا ولا بس هي الي تقول الكل يقولي ان بنتي ادب وذكاء والاهليه ما اقول كل المواد انا الي لاحظته اسوء شي الرياضيات الي كل يوم اشرح لها بالتفصيل الممل ..ودايم تقولي المعلمه ماقالت لهم كذا؟وتجيب السؤال مثل الي موجود في الكتاب من غيرتبسيط نهاائي مثلا في درس اصغر واكبر الارقام كبييره طبعا ولا تشرح لهم كيف يعرفون اصغر او اكبر بس تراويهم الارقام وتقول هذا اكبر وهذا اصغر والا تحل لهم وبس ؟؟
مدرسة العلوم طايحه فيهم رعب وتهديد وتصارخ عليهم حتى بنتي رغم انها حاافظه الدرس تقولي مابشارك اخاف منها وكرهت الماده تقول كلله معصبه !شنو هذا اطفااال تعاملهم بكذا رح تنعدم ثقتهم ويخافون وخوفهم بيأثر عليهم سلبي ..يعني مو بهالطريقه انا بنتي وفوق التعب والمسؤوليات الي عندي وانا حاول اتمالك نفسي وقت المذاكره واشجعها بعد معلمه تهدد فيهم وتوعد فيهم وتصارخ ؟الصراحه بديت اشك في سوء المدرسه الاهليه ..والا عادة مدرساتهم كذا لانهم قليلاة خبره ويبون فقط خبره وبعدين يشوفون لهم وظيفه افضل؟

للرفع

الله يهدي بعض الامهات لماتكون بنتك بمدرسة اهلية لاتصدقيها في كل كلام تقولك عنه انا مدرسة والحمد لله شرحي يثني علية الجميع تتفاجئين بشكاوي الامهات بنتها مشاغبة وكسلانة وتجي تشتكي بكل جرائة واخر حاجة يعتذروا لك الادارة ناهيك عن جرائت طالبات احنا دافعين ودافعين يبغون درجات من دون مذاكرة اتمنى ان الامهات لايحطوا اللوم على المدرسة

انا كانت بنتي بأهليه وكانت في القران والقراءه ممتازه بس بالرياضيات والعلوم كنت اتعب معاها بشكل وكانت صديقتي مدخله بنتها مع بنتي وكانت نفس الشي تشكي من الرياضيات ويوم سالنا عن المعلمه طلع تخصصها ماده ثانيه وبصراحه تعبت ونقلتها حكومه
والله العظيم فرق كبير في المستوى مدرسات صح وطبعا المتابعه الدائمه هي اللي تساعد بنتك وعلى فكره في مدارس اهليه ممتازه وتفهم الطالبات بشكل صحيح لانهم ماياخذون المعلمات الا بعد أختبار ومقابله ويشفون مستواها في ايصال المعلومه وفي مدارس الله وكيلك يعينون وبس اهم شي سد احتياج
وهالكلام عن تجربه لاني قدمت في كذا مدرسه اهليه مدارس قالوا تعالي على طول استلمي المنهج ومدارس قالوا تعالي فيه مقابله وشرح درس ونشوف مستواك
بالتوفيق