شوربة الخضار المبروشة (طريقتي الخاصة)
المقادير
لحم خاروف مقطع رأس عصفور (مطبوخة)
كوب ملفوف مبروش
كوب جزر مبروش
كوب كوسا مبروش
نص كوب فلفل اخضر مقطع رفيع
نص كوب بصل مقطع جوانح
2 فص ثوم
نص كوب بندورة مبروشة
ملح وفلفل اسود
الطريقة
بالطنجرة تسخن كمية من زيت الذرة مع سمنة وبنبدأ بإضافة الخضار بالترتيب
البصل والثوم ويشوح حتى يذبل وبعدها نضيف الملفوف وبنقلب حتى يذبل وبعدها الجزر وبعدين الكوسا
والفلفل وأخر شي البندورة وبنستمر بالتقليب حتى تحسي كل الخضرة تقلبت بالزيت وطلعت ريحتها
بنزيد ماء مغلي يغمر كل الخضار وبنضيف اللحمة ونسكر الطنجرة ونتركها تغلي على نار هادية ساعة
تقريبا
بس تستوي كل الخضار بنعدل الملح والفلفل (ما بحب احط بهارات ) حتى تبين نكهة الخضار
وممكن أخر شي تضيفي كيس شوربة ماجي الدجاج بالشعيرية + شوية كزبرة مفرومة وتغليها غلوة 5 دقائق (اختياري )
جربوها وخبروني اذا عجبتكم
اللهم بلغنا رمضان لا فاقدين ولا مفقودين
كثير طيبة هالشوربة وكل من داقها حبها كثير بتمنى تجربوها وصحتين على قلوبكم
mrvoot @mrvoot
عضوة نشيطة
يلزم عليك تسجيل الدخول أولًا لكتابة تعليق.
ღ خـزآمـى نـجـد ღ
•
الله يعطيك العافيه ..
الصفحة الأخيرة