أسألكم بالله كل من قرأت كلامي هذا ما تستعمل الساكتول!( تم دمج المواضيع المتشابهه)

حبيبتي غريبه أكثر البنات أستفادوا منه.. بس شوفي فيه ناس أجسامهم حساسة أكثر من غيرهم و يمكن انتي للأسف ما نفع معاج و لا ان طريقة استعمالج غلط... و ان شاءالله تطيبين و ما تشوفين شر

والله توني اقرى الموضوع ..وفجاه لقيت التحذير منج..
يمه....
كل شئ استوى يخوف..
متأكده سويتي كل النصايح؟؟؟

والله يابنات اني سويت النصايح بالحرف

حتى امي يوم شافت ركبتي هاوشتني وقالت ماتحطين شي مو طبيعي ابد ابد

يابنات التقشير معروف لازم له استشارة طبيب ويكون على علم لأنه انتي مايكون عندك خبره

بمستوى التقشير وكم درجته للجلد عشان ماينحرق يعني كيف تحطينه عشان تتقشر طبقه يمكن لو زدتي

الكميه تتقشر الطبقه الخارجيه والداخليه يعني كذا طبقه والظاهر الي صار معي كذا

بس للأسف عرفت الكلام ذا متأخر

انا نصحتكم وحبيت افيدكم باللي صار معي وانتوا اعرف بمصلحتكم

والله توهقنا نص يقول يمدح ونص يذم....!!!
بس انا بمشي على كلامج لانه بشرتي حسااااااااااااسه وماني ناقصة قراااااااادة --->بروحي مقرودة:)

كلامج صحيح .. هو اكيد حنا مالنا دراية بالتقشير ولازم يكون تحت اشراف طبيب جلدية مختص ,,

بس البنت الي ذكرت الموضوع ضبط ما شاء الله معاها ,,, وجت بنت ثانية وأكدت صحة كلامها ,,

والله ما عرف ,,,

بس انا شكلي بنسى سالفة الساكتول ,,,, وبقشرها بشي ثاني ..

بس حبيبتي نصيحة لج ,, راجعي دكتور جلدية ضروري ,, لان في المستقبل بتعانين من هالشي وايد ,,

روحي عند الدكتور وخبريه انتي شو سويتي بالضبط ,, وباذن الله عنده الحل ,,

انا سمعت ان فيه ناس يستخدمون مقشر ريتين A للركبة مع الدوكين لكن بعلم الطبيب انتي تأكدي من الدكتور ,, وان شا ءالله بترجع ركبج مثل قبل واحلى ,,,,, (( رب ضارة نافعة )))