امس صارت لي سالفه يا بنات .. والله ضايق صدري

السلام عليكم

يا بنات قبل فتره رحت للمشغل و المهم اخذت رقم الفلبينيه عشان اتصل عليها اتفاهم معها
اللي صار اني اخذت الرقم بالغلط ولما دقيت عليها امس بعد التروايح طلع صاحب الجوال رجال قلت له غلطانه وسكرت الخط ... المهم انه استلم جوالي مكالمات ورسايل زي لمجنون الله يشفيه
على الساعه 2 بالليل وقف مكالمات ورسايل قلت زين نفع فيه التطنيش ومسحت رسايله وقلت الحمد لله انتهى الموضوع ماله داعي اقول لزوجي لان زوجي يدور المشاكل
صلحت سحورنا وتسحرنا وصلينا ونمنا
الساعه 6 الصباح يدق جوالي انا شفت الرقم وانا نصي نوم بس عرفت انه رقمه عملت جوالي على السايلنت وانا دااااااايخه
زوجي صحى على رنة الجوال قال لي من اللي يدق هالحزه قلت مدري رقم ما اعرفه .. ورجعنا ننام
صحيت على وقت دوام زوجي وما لقيته قلت يمكن صحى بدري وطلع للدوام
اخذت جوالي لقيت الرجال هذاك داق على جوالي 7 مسد كول ومرسل رسالتين وحده مكتوب فيها " ليش ما تردين حرام تسوين فيني كذا بعد ما تعلقت فيك " :09:
والثانيه مكتوب فيها بيت شعر :09: حامت كبدي
بس المشكله مو هنا هو انسان وسخ ما يعرف دين ولا اخلاق المشكله اني لقيت المسجات مفتوحه
قلت اكيد زوجي اللي فاتحها ودقيت على زوجي عادي ... اهلين ... ايش اخبارك ...متى طلعت ... وكان جاااااااااف معي مرررره
قلت له ايش فيك ؟ قال ما شفتي جوالك يعني ؟ قلت الا هذا واحد الله يشفيه ان شاء الله فاضي ماله شغل الا يزعج الناس وياكثرهم يعني مو شي جديد ..

قال بس انتي داقه عليه امس بعد التراويح .. قلت له السالفه حقة الفلبينيه .. قال وانا طرطور آخر من يعلم
قلت لا حشى منت طرطور بس سالفه تافهه ما تستاهل يعني
وحاولت اتفاهم معه بس انه زعل وسكر الخط بوجهي

ومن شوي ارسلت له رساله اقول له نبي اغراض وهو راجع ما رد علي دقيت عليه ما رد علي .. دق عليه ولدي قال له ما راح افطر بالبيت اليوم :icon33: ما عمره افطر برا البيت يا بنات ابد حتى لو كان معزوم ما يروح :icon33:

ضايق صدري مرررره ...

والله ما قلت له عن السالفه لاني اعرفه دلوع وكل سالفه يكبرها بس ما سلمت

الحين متى بيرضى عاد يبي له اقل شي اسبوع :44: