ريم الشارقة :

انا اتعاملت مع الغـلـــا مرة وحده عشان زيت رتاج و ماشاء الله انسانة روعه غنية عن التعريف.. وهمها الاول الزبونه فوق اي شي ثاني .. و كان من بينا رسائل خاصة وايد بعد جذي تتعلق بمواضيع ثانيه و حبيتها لله في الله .. الله يوفقها يا رب ..و ناوية عن قريب اجرب عودها المعطر ان شاء الله .. و الاخت الغلا كله .. اشتريت من عندها الصنادل بالجملة .. و الله آخر همها كان الفلوس .. و ساعدتني وايد .. و عطتني نصايح .. و نزلت لي الموضوع مال الصنادل و سجلت لي الطلبيات .. الله يوفقها يا ربي .. و الاخت بنت بنفسجية .. انسانه عملية جدا .. من طلبت .. يومين و الا الاغراض عندي .. لا و حاطتلي يميع الهدايا من بضاعتها .. و الله ان عدد الهدايا كان اكثر من البضاعه نفسها .. الله يوفقها .. و الاخت دموع الندم اللي في كندا .. برغم ان حصلت لخبطه من البريد و ما استلمت بضاعتي .. عرضت على ترد لي الفلوس .. بس بما ان المبلغ بسيط .. و والله يا بنات لأنها انسانه اخلاقها عالية .. ما همتني الفلوس و ما طالبت فيهم .. الله يوفقها بنت_العم اشتريت من عندها كريمات .. ماشاء الله طيوبه و حبوبه و تدخل القلب .. من طلبت ثاني يوم كانت مارة الشارجه و تلاقينا و عطتني الأغراض .. اتمنى لها التوفيق .. Romanove اتعاملت وياها .. عملية جدا .. من طلبت .. خذت اسمي و عنواني .. وقالت لي ان الطلبية بتوصل بعد مده .. و فعلا وصلتني الطلبية مثل ما حددت .. و طرشت لي رساله خاصه عشان اطمنها اذا الاغراض وصلت و لا لأ.. و الفجر .. بعد تعاملت وياها و ربي يوفقها ان شاء الله .. طرشت لي طلبيتي بسرعه بدون تأخير .. و اسلوبها راقي في التعامل .. و شــــدون .. بعد انسانه عملية جدا .. و اسلوبها في التعامل حلو .. ما شاء الله عليها الله يوفقها.. الأخت فولك .. طلبت اشوف جلابية قبل لا أشتريها .. و الله ما مانعت و ثاني يوم طرشت لي اياها من ابوظبي.. الله يوفقها انسانه طيبة و حبوبة .. و في تاجرة ما اتذكر اسمها .. كانت تبيع دخون و عود معطر بالجملة .. اشتريت منها Sample عشان اجربه .. ثاني يوم الطلبية كانت عندي.. وصلتني بسرعه لدرجة اني وايد استغربت من السرعه .. يا رب اتذكر اسمها او هي تمر على الموضوع و تذكرني بها .. الله يوفقها و اذا تذكرت اي تاجرة ثانية بحط اسمها ان شاء الله ..

انا اتعاملت مع الغـلـــا مرة وحده عشان زيت رتاج و ماشاء الله انسانة روعه غنية عن التعريف.. وهمها...