من كانت اليوم الاثنين في طريق الملك عبدالله وشافت اللي شفت ...موقف مؤلم

السلام عليكم
اليوم بعد العشاء رحت لطريق الملك عبدالله وبالتحديد زهرة مي...
اشتريت اللي ابي وجيت عند الكاشير اللي بجنب الباب احاسب...
لفت نظري شخص برا المحل بالتحديد على الرصيف الخارجي للمواقف ...
الرجال كان لابس شي غريب مدري ايش ؟؟؟ كانه لاف شرشف او شي زي كذا..
جلست اتبعه بنظري ...حتى طلعت من باب مي ...زوجي هاوشني قال خلاص ...
وانا كملت اناظر وادور الرجال لاني حسيت بشي مو طبيعي...
وشفنا اللي شفنا...
موقف ومنظر يقطع القلب...
جلست ابكي بعد ما شفت...وما زلت ...اتذكر وابكي...
شفت شاب عمره بين 25-30...لابس فستان منفوش لبنت عمرها 10 سنين...
ايه لابس فستان طفله لون اصفر طبقات...
الرجل مو طبيعي ...ياهو متخلف او شارب او مجنون او او او...
الرجل هذا ما كان عليه ملابس داخليه...لان الفستان صغير وظهره مكشوف...
والفستان قصير الى نص ساقه...
العالم كلها تناظره وهو مهوب لم احد..
في يده جوال رهيب قديم...وبيد اعتقد ملابسه الداخليه ملفوفة...
يمشي وراسه بالسماء ويكلم نفسه ....
انا شفته وجلست ابكي رحمته...جا في بالي مليون قصه وقصه...
كيف جا ؟؟؟متى جا؟؟؟خصوصا وانا ادخل المحل ما كان موجود واعتقد ان فيه سياره جابته ورمته...
هل هو مغتصب؟؟؟
مدري ؟؟؟ بس منظره كان يحزن...
وانا الحين اكتب دموع ما وقفت ابكي على حاله...
حسبي الله على الي سوا فيه كذا ...الله يستر عليه ويرده لهله ...ويرد له عقله يارب...