خطيبي مستوي مب رومانسي

السلام عليكم بدخل في الموضوع بدون مقدمات .. نحن الحين كملنا 5 شهور مخطوبين .. بس خطيبي مادري ليش بدا يتغير :06: ... مستوي مب رومانسي ماعرف ليش :( .. اول شهرين كان متولع فيني بس يبا كلمني 24 ساعه :32: .. وانا كنت واااايد استحي منه .. هو اللي كان يقولي كلام حلو و يتغزل فيني وانا استحي واسكت .. ويقولي لين متى مستحيه .. انا ابا اكسر الحواجز اللي بينا تكلمني وياي عادي.. لين ما خلاص تعوت عليه و استويت انا بعد آخذ واعطي وياه في الكلام و حتى الكلام الرومانسي .. لين ما انقلب الحال و استويت انا بس اللي اتصل و اقول الكلام الحلو والرومانسي و هو لا :( .. قبل كان كل يوم مسج وعقب شوي شوي قام يخف المسجات الحين شهر كامل ولا طرش مسج ويوم اقوله ليش مستوي بخيل وين مسجاتك يقولي ما عندي مسجات محد يطرشلي :16: .. انا مب طماعه وماقلت ابا كل يوم مسج بس اباه يعبرني عالاقل يوم اطرش له مسج يرد عليه مب طاااااف .. حتى المكالمات قلت وااايد ... استوا عادي عنده لو يكلمني كل 3 ايام خمس دقايق بس :16: .. ويسكر بسررعه ويقولي فيني رقاد وتعبان .. مع انه قبل اذا ما رديت عليه يوم واحد.. اليوم الثاني يعاتبني و يوم اقوله انشغلت و مافضيت الا الفليل .. يقولي ليش ما اتصلتي الفليل اقوله خفت تكون نايم .. يقول عادي لو الساعه 2 الفليل اتصلي عادي .. والحين اكلمه من وقت وايد ويقول بخلييج الحين فيني رقاد و اذا طوول احسه مجامله .. لانه كل مره يقول فيني رقاد احس عيوني تتسكر.. استويت انا للي كل يوم اتصل فيه لان اذا ما اتصلت هو ما يتصل حتى فكرت و قلت يمكن انا وايد عاقه عمري عليه بتغلى يمكن يشتاق :D .. بس بعد ماشي فايده... سبوع كامل ما اتصلت فيه . .ما اتصل فيني وفوق هذا زعل بعد :mad: ... يوم اتصلت و سالته ليش ما تتصل اسبوع كامل يالظالم .. يقول وهو زعلان انتي سئلي روحج ليش ما تتصلين ,, اقوله اذاما اتصلت يعني خلاص ما تتصل يمكن صار فيني شي لا سمح الله .. يقول يمكن انا صار فيني شي ليش انتي ما تتصلين.. ليش ما تسئلين... :( والله تعبت نفسيا كلام حلوماشي .. اهتمام ماشي .. هذا ونحن بعدنا في بداية الطريق وهو جي ,, عيل باجر لو تزوجنا وصرت وياه في بيت واحد كل يوم يشوفني كيف بيكون .. انا اللي اعرفه فترة الخطوبه تكون احلى ايام وانا ما بنكر ان اول الايام كنت احس عمري في عالم ثاني .. مغرقني حب .. بس الحين مادري شو اللي تغير .. ادري يمكن تقولون معظم الرجال مب رومانسيين وما يعرفوني يعبرون .. بس هو كان في البدايه غير ووالحين بدا يتغير ...
:icon33: حتى مرات اوسوس واقول يمكن قبل كان يمثل علي و يسوي عمره متولع فيني.. وساعات اقول يمكن الغلط فيني انا لازم اقوله الكلام الحلو عشان يتعود.. وساعات اقول اكيد انا ابالغ ...... بس والله تعبت وانا افكر .. عطوني حل