ياجماعه..هل انا مزحي ثقيل...او زوجي ماعنده سالفه؟؟

مادري كيف اشرح لكم الوضع مع زوجي الغريب الأطوار...

بس قد ماقدر بقولكم عن شبه مشكله صارت بيني وبينه واحس بعدها اني صرت رسميه معاه وماودي اتعامل معه غير برسميه..

زوجي من النوع اللي مايحب الطلعات كثير...سواءا معي انا وعيالي او مع اهله او مع ربعه..

يعني اذا بنطلع كل اسبوعين مره وفي النادر كل اسبوع مره...

المهم..يوم الأحد اللي طاف 12/4 كان موعد تطعيمة بنتي...رحنا طعمناها ولما طلعنا من المستشفى اخذ فينا لفه على الكورنيش يمكن لمدة ساعه...وبعدها وحنا راجعين للبيت قلت له بمزح (الحين هاللفه بتنحسب علينا طلعه)وعصب وزعل ومسك علي هالكلمه..

وامس الجمعه 17/4 طلعنا بعد الكورنيش واخذنا لفه عالكورنيش بعد لمدة ساعه واخذنا عشا ورجعنا البيت وتعشينا وخلصنا..بعد العشا جلست اسولف معه شوي وهو طبعا نفسه في خشمه وزعلان من ذاك اليوم مع اني كنت امزح معه..قلت له(يعطيك العافيه يابو فلان على الطلعه وعلى العشا..وماقصرت والله يخليك لنا) وهو ولا كلمه ولا نص وبعد شوي رد علي وقال(محسوبه)قلت له وش قصدك...قال مثل ماكنتي تقصدين ذاك اليوم...


يااااااااااااربي كلمه قلتها بمزح وتحسفت على قد شعر راسي ومن بعدها قلت ولا عاد امزح معه وبكون رسميه بكلامي...

اش رايكم...انا غلطانه؟؟ولا هو ماعنده سالفه ويبي يزعل على اتفه الاسباب؟؟


وشوروا علي ..كييييف اتعاملة مع هالادمي؟؟

على فكره ...هذا طبع في زوجي..احس انه يدور الزله علي..ويختلق اتفه الاسباب للزعل..


ادعواااا لي تكفووون..