السلام عليكم ورحمه الله
هذه الوصفه من صديقه عزيزه سوتها لنا بالدوام كان عندنا ريوق جماعي ( خوش دوام !)وعجبتنا وايد وطبعا لازم الوصفه تتوزع علينا ...سويتها لعيالي وعجبتهم وايد ..وانا استانست منها لان كلهم اكلوا منها مع ان اذواقهم مختلفه ..وارتحنا يومها من طلبات العشا الفرديه كل واحد طلبه غير ..
وطبعا ما دام عجبتهم ..شكلت عليها لما خليتهم يملون منها !!
(( بيتزا الشباتي ))
** الشباتي (تنطق الشين مثل حرف ch )
المقادير :
لبايركس وسط
5 الى 7 خبزه شباتي جاهزه من محل الهندي + 5 الى 7 مرتديلا لحم او دجاج
4 حبن سلايس + 1 فلفل لخضر بارد مقطع شرايح + زيتون اسود واخضر مقطع
الخلطه :
1 قيمر نستله + 4 ملاعق مايونيز + 4 ملاعق جبن كلاصات (ممكن نضع الجبن بس بدون المايونيز
يعني 8 ملاعق جبن كلاصات )
جبن موزاريلا للوجه ( اختياري )
الطريقه :
1- يقطع الشياتي شرايح ويخلط مع المرتديلا المقطعه +الفلفل +الزيتون +الجبن المقطع
2- تخلط باقي المقادير بالملعقه وتوضع على الخلطه السابقه وتخلط جيدا معها حتى تتداخل
ثم توضع بالبايركس ونضع قليل من جبن الموزاريلا ..
3- تدخل الفرن حتى يسخن ويذوب الجبن ..
يقدم ساخنا بالعافيه ...
زهرة النوير @zhr_alnoyr
الطاهية الماهرة الذهبية
يلزم عليك تسجيل الدخول أولًا لكتابة تعليق.
زهرة النوير
•
الطريقه بالصور
الصفحة الأخيرة