تعالي اقولك حل للبواسير باذن الله

السلام عليكم
انا اعتذر عن غيابي لظروف غصب عني بس كنت كل يوم اقرا واستفيد
عسى ربي يكتب لكم اجر مجهوداتكم
حبيباتي انا جتني بواسير حمل بحملي الاول من الشهر التاسع لين بعد النفاس بثلاث
شهور والله كنت اتالم وكان الالم مره متعب الله لايوريه لااحد يارب
من جد عذاب
المهم زوجة خالي عسى ربي يرزقها اجري واجر من يستفيد من هالمعلومه
قالت لي احط مطحون عنزروت على نفس مكان البواسير كله وبعدها احط حبه سودا
قسم بالله الالم راح من ثاني يوم وبعد كم يوم نشفت نفس البواسير وبدت تختفي
انا استمريت 7 ايام احطها وقت انوم
وطريقتي انظف المكان واعقمه بديتول مخفف بماء
وبعدين انشف المكان لازم يكون المكان على طول جاف والتنشيف يكون بشكل خفيف
عشان ماتجرحينها
وبعدين ابل اصبعي بشكل خفيف واخذ عنزروت واحطه على نفس المكان لين اغطيه
كله وبعدين احظ الحبه السودا راح تمسك بالعنزروت
اصبعك يكون مبلول بشكل بسيط مو رطب عشان ما يصير المكان رطب
والله حبيت افيدكم لاان حاسه باللي يعاني من البواسير والله شي فظيع ياربي رحمتك
انا الحين حامل بالشهر السابع ورجعت لي البواسير وسويت نفس الطريقه
والله بس يومين والالم راح ونشفت البواسير الحمدلله
مع العلم اني جربت ادوية المستشفى ولا نفع جربت الكريم والتحاميل والملينات ولانفع
غير هالطريقه بعد امر ربي
ونصيحه ابعدو عن الامساك والاشياء اللي تاثر عاى البواسير مثل التوابل