جنني الكاتم . كيف أضبط الكبسة بالكاتم؟؟؟؟؟؟؟؟؟؟؟؟؟؟؟؟

اطباق عالم حواء

السلام عليكم

بنات كيف حالكم ؟ إن شاء الله بخير .

أنقذوني أشوي وأن جن من تظبيط الكبسة بالكاتم.

أنا صار لي كم سنة وأنا أطبخ بس المشكلة تكمن في التالي :

أبغى أزين كبسة بالمقادير الدقيقة أحياناً تضبط الكبسة عشوائياً وما أعد نفسي سويت شي

وأحياناً تنحاس الكبسة معي وأحياناً يطلع الملح قليل وأحياناً كثير وأحياناً نكهة البهارات زائدة عن

بعض وأحياناً رز معصود وحياناً زين وحوسة خلوها على ربكم . وأحياناً كبسة تجنن. والغالب أنا أتجنن

أبي وحدة منكم تكفون تتكرم وتعطين المقادير بالدقة مو زي بعض المنتديات تقول : (حطي كوب ماء كوب رز ربع كوب زيت ) أنا وش عرفن وتقصد بالكوب فيه كوب كبير وكوب صغير ووسط . (وحطي اشوي بصل وبعض المنتديات تقول حبة بصل "أنا شفت حبة بصل كبر كفر السيارة" واشوي ملح) ما أعرف شوي . أيش قدها.

لو تكرمتوا يابنات الله يسعدكم . أبي وحدة تذكر المقاير بالدقة المتناهية : يعني إذا كان ماء تذكر بالتر ، وإذا كان شي ينعد بالعدد مثل : ثلاث حبات هيل .

وكذلك ذكر الوقت .

شاكره لكم سلفاً ويعطيكم ألف عافية

ملاحظة خواتي أنا أقصد بالكاتم .
21
11K

يلزم عليك تسجيل الدخول أولًا لكتابة تعليق.

تسجيل دخول

سميحة البشر
سميحة البشر
ولا رد !!!!!!!!! شكلي بنام على الجوع.
"أم زياد"
للرفع
المقاتلة
المقاتلة
هههه
والله رحمتك
على العموم انا بقولك طريقتي
انا رزي الوليمه واحط كميه الماء ضعف كميه الرز بالضبط علشان يصير كويس
..
اول شي تحمرين البصل والبصل على حسب المزاج يعني مارايح يغير
يعني تقريبا بصله كبر قبضه اليد مب كبر الكفر :P
وملعقتين أكل زيت
ونصف دجاجه تقطعينها فخذ وصدر<< هذا مقداري وانت ضاعفي على كيفك
وتحطين الدجاج على البصل وتقلبين
بالنسبه للملح ملعقه شاي ونص هذا المتوسط اذا تحبون المالح حطي 2 واذا الخانس حطي 1
والبهارات نفس الشي
وحطي 3 حبات هيل
و3 مسمار
والجزر المبشور حلو ابشري شوي جزر يعني ملعقتين أكل وحطيهم
قلبي شوي
وبعدين اضيفي الماء
وزي ماقلت لك الماء ضعف الرز وزيدي شوي علشان اللي يتبخر
أنا احط كوبين رز << الكوب اللي يجي مع رز الوليمه
والضعف ماء
والطماطم حبتين متوسطه مخلوطه بالخلاط او صلصه اللي تحبين
وبعدين سكري القدر
فيه ناس تحط الرز على طول وفيه عقب ماينطبخ الدجاج بالقدر حق الضغط
انا احب اكب الرز بعد مايستوي الدجاج علشان مايعجن ,, يعني بعد ماتطبخينه بالقدر ويستوي تفتحن القدر وتكبين الرز ,,
وتوكلي على الله ان شا الله تضبط معاك ,,

,,
مرسى الأحلام
مرسى الأحلام
للرفع

والله مستحية بس .. ما اعرف اصلـح كبسة !

ان شاء الله البنات يفيدونك و يفيدوني
المقاتلة
المقاتلة
8
8

انا احط هيل يطلع كويسه ,, يمكن نوعية الدجاج ..!!