مثل ماضيقت صدوركم بيوم تعالو اضحكو علي وعلى موقفي بالسوق الله لايعيده

السلام عليكم ورحمة الله وبركاته



مساء الخيرات والرضا من رب البريات


شخباركم ياغلى حوائيات ع قلبي



<يشهد الله شكثر تحبكم والله كانكم خواتي فعلا الله لايحرمني من اخواتكم يارب ويجمعني بكم بالفردوس الاعلى من الجنه ياااااااااارب ويجعلني واياكم من عتقائه من النار بهالشهر الفضيل






انا ياحبايب قلبي صارلي موقف الله لايعيده اول مره احس اني تحفه وربي ههههههههههههههههههههههه:35:



هذا الله يسلمكم سافرت لاهلي بالرياض عشان اخر العنقود بتتزوج فقلت اسافر من بدري عشان اساعد المليحه بجاهزها وكمان هي من النوع الي تغث بالسوق الله يوفقها يارب لايعجبها العجب ولا الصيام برجب وامي كبيره بالسن الله يطول بعمرها وامي من النوع الي لازم تنزل للسوق معنا ماتطمن الا رجلها برجل اختي فلازم انزل معاهم عشان اقنعها لاني ارحم امي من لفت الاسواق بكثره


جاء ذاك قالت لي بكره نبي ننزل السوق تجهزي ابيك تنزلين معي ابي ذوقك قلت طيب غالي والطلب رخيص السالفه فيها سوق


وانا اصلا قبل اجي لاهلي اشتريت فستان بس يبيله تستير وقلت مره وحده اشتري قماش

المهم بالليل جاني مغص خفيف ببطني طنشته ويوم جاء الصبح وقومتني وع طول لبست عباتي ودرعمت هالسوق ولا همني الالم


رحنا وفرينا كم محل وانا بطني يلويني بس اقول شوي يروح :42:



دخلنا العربيه للعود ماادري الماجد طبعا روائح العود وزاد المغص واعوذ بالله تقولو حامل وتتوحم وربي وربي شكيت اني حامل :06:



طلعت من المحل وانا اعوذ بالله خلاص فيني لوعه مو طبيعيه

طلعت انا وزوجة اخوي لاني خلاص ماتحملت فقلت خلينا نفر كم محل بشوف نكتار والا بدي شوب بشتري لها منه


دخلت كمان زدات علي فقلت خلاص ماعاد بفر ع المحلات بجلس ارتاح



المهم اذن صلاة الظهر


فقلت لاختي ابي اوضي قالت فوق المسجد قلت يلا


لقيت الدرج الكهربائي طافي قلت يلا يابنت نطلع منه

اول ماوصلنا تو بحط رجلي بسم الله اشتغل وربي من الروعه نقزت وقمت ادعي ع الدرج ههههههههههههههههههههه واختي ميته ضحك:angry2:


ررحت وضيت ونزلنا



يوم جيت بصلي فسخت جزمتي الله يكرمكم تحت الكراسي ورحت اصلي بمكان شوي بيعيد عن اهلي يوم خلصت رحت تربعت جنب امي ع الكرسي ولا لبست جزمتي


وقلت لختي بالله روحي اشتري لي سفن مره بطني ذبحني وراحت الله يسعدها وجابت لنا ولوحده معنا جالسه عروس كمان هي


وقامت تقول لامي لما طلعنا فوق لقينا العيسائي فاتح ياامي بالله تعالي بروح اشتري منه فيه اشياء تجنن


قالت امي تروحي معنا قلت لا والله ياامي مره تعبانه ذبحني المغص روحو وانا بجلس مع زوجة اخوي وعيالها


وروحو وتوني بعدل التربيعه زين الا اسمع البنت الي جنبنا تقول يوه يوه :huh:



انا اصلا معطيه ظهري للدرج الكهربائي فماادري وش صاير


تخيلو لفيت وجهي واشوف امي الله يحفظها ويطول بعمرها طايحه بالدرج :icon33:



يو يابنات وربي وربي ماعاد حسيت بنفسي واركض تقولو طرزان ماادري محظوظه ومبروكه العبايه طايره وحافيه وحالتي حاله واركض ع الدرج والله ماادري عن نفسي والبنت ركضت قبلي الله يوفقها ويسعدها ويجعل زواجها طول العمر ويجعل زوجها يسعدها ويتمنى راضاها يارب


وانا اركض شفت اخر الدرج زرين احمر واخضر فنفسي اقول ياربي اي واحد يقفل الدرج لاني اذكر ولد اختي يتسلى بالدرج لانزلو اهله السوق يقفله ع الناس واختي تشتكي من ولدها كل ماضايعو ولدها لقوه عند الدرج يلعب بالازره فقلت اخاف اجيب العيد بالازره لا بس اطلع اقوم امي ازين:(


المهم واجي بقوم امي عجزت اقومها لاني صايره تطيح ع تحت والدرج يطلعهم ع فوق وربي صرت انفض من الخوف واضرب اختي واسبها اعوذ بالله من الخرعه :22:

وامي بس همها عسى مو متكشفه انا متستره والا لا باين مني شي ولا لا الله يسترها دنيا واخره ويجعل مثواه الفردوس الاعلى من الجنه يارب والدرج جالس يطلع بنا ع فوق امي تطيح ع تحت اعوذ بالله وربي وربي خلاص نشف دمي خلاص انا اكره هالدرج وموقف امي زودها والبنت ساعدتني الله يوفقها الين عدنا امي لان اختي وهي تحاول تمسك امي كمان هي طاحت اختل توازنهم


وجو الامن وقفو السير لان الموقف صار قدامهم وربي وقفت امي وسميت عليها وانا باقي اضرب اختي ليش ماادري افتريت فيها الضعيفه ههههههههههههههههههههههه


والبنت ياقلبي عليها تضم امي وتسلم ع راسها وتسلم:)

والله كانها امها حتى ياقلبي رجلها انقطعت من اسنان الدرج الله لايرده :angry2:





المضحك زوجة اخوي تقول احسبك تستهبلي لان حركاتي مطفوقه فتقول ع بالي تذكرتي غرض شفتيها فبتلحي عمتي توصيها تجيبه لك ههههههههههههههههههههههههههههههههههههههه



فين المضحك اني كملت السوق معاهم حافيه القدمين ههههههههههههههههههههههههههههه



وامي تقولي انزلي السبي جزمتك وتعالي قلت لا وربي مااثق بالخبله الي معاك رجلي برجلك للسياره


وكملنا تسوق الين جاء اخوي وعلمته زوجته ولحقنا الين لقينا وماتطمن الين اخذ امي المستشفى وتطمن عليها الله يخليها لنا ويطول بعمرها ع طاعته الله يقر عينها يارب ببرنا لها يارب

المايك لكم ياحلوات قد صار لكم مواقف مع هالسير الكهربائي والا قد شفتم مواقف قدامكم بسبب هالسير اعوذ بالله كرهته وربي...




معليش بنات دق زوجي ع الجوال وانا اكلمه بالغلط ضغطت انتر وطار لكم الكلام رجعت عدلت وكتبت الموقف كااااامل العذر والسموحه مو اقولكم اشك اني مطفوقه ههههههههههههههههههههههههه




دعواتكم لي بالهدايه ولزوجي وتسخيري انا وزوجي لبعض ويرزقنا الذريه الطيبه ويجعلنا لبعض كما نحب وكيفما يحب الله عنا ويرضى