اليوم وداني زوجي للسوق وياليتني مارحت لكن قدر الله وماشاء فعل دخلت بودي شوب بشتري عطور والبايعه حطتلي ع ايدي عشان اشم الروايح ومسكت الريحه بعبايتي ونا والله يابنات راح عن بالي انو ممكن احد يشم ريحتي ونا خارجه وماتوقعت الريحه بتكون نفاثه لانها كانت بكف يدي وخرجت من المحل ورحت عند زوجي وشم ريحتي وماخلى كلمه ماقالها لي كﻻم بذيء وركبنا السياره وهو معصب مرره وقلتله والله العظيم موقصدي وماتوقعت الريحه بتمسك بالعبايه ﻻني مسحت يدي بالمنديل بسرعه قام قلي انتي مو شايفتني رجال جنبك جالسه تتمرقعين وتتشر.... انتي اصلن ق..... قالها 3 مرات ورى بعض وقدام ولدي والحين بوديك ﻻهلك ووداني عند اهلي وراح واتصل على امي وقالها بنتك سوت وسوت ونا جبتها لكم والوجه من الوجه ابيض
اقسم بالله العظيم انه ظلمني في كل كلمه قالها والله ﻻتمرقعت وﻻ تعطرت قاصده واني محتشمه بعباتي ع راسي ومغطيه حتى عيوني ويقول ﻻمي فاكه عينها بالسوق احسه مجنون مافي انسان طبيعي كذا
انا الحين ببيت اهلي واحس نار بقلبي وغصه ف حلقي كرامتي انهانت وانقذفت بأبشع الكلمات ليه وش سويت انا
حسبي الله وكفى ماهناني باﻻشياء الي اشتريتهم مابي ادعي عليه ﻻني مظلومه واخاف دعوتي تصيبه لكن كرامتي وش بيردها
حسبنا الله سيؤتينا الله من فضله انا الى ربنا راغبون
يابنات لحد يدعي عليه بس قولولي وش اسوي انا الحين
ام هيما-_- @am_hyma_3
محررة ذهبية
يلزم عليك تسجيل الدخول أولًا لكتابة تعليق.
قطه ناعمه
•
خبري اهلج بكل اللي صار حتى لو كان زوجج مب من حقه يقذفج انتي دخلتي محل عطورات لازم تلصق فيج الريحه شي طبيعي حتى لو مسحتي من يدج خليج قويه ولا تردينه ولا ترى بخليها عاده بين فترة و الثانيه يعقج عسب امور تافه انا احس انه يدور حجه ريلج مهب خالي في راسه شي انتهي ولا تردين الا بشروط يعتذر لج وقدام كل الرجاججيل ويعطيج رضوه حسبي الله عليه اشباه الرجال
بحرالعنى
•
اللي سواه زوجك هذا لانه يغار عليك كم يوم ويهدئ ان شالله وانت خليها درس لك المرة الثانيه لاترشي العطر ع يدك
في سحابة
•
خليك في بيت ابوك حتى يجيك يعتذر ويتعهد ما عاد يعيدها وهو صااااغر
وقولي لاهلك اللي صار لا تخلينهم على عماهم ويصدقونه
خذي موقف علشان ما يكررها ترى اذا رجعت دون اعتذار بيعيدها الف مرة
ولا تدعين عليه بدل الدعوة عليه ادعي له ان الله يهديه ويكشف براءتك ويخلصه من هالظنون
وقولي لاهلك اللي صار لا تخلينهم على عماهم ويصدقونه
خذي موقف علشان ما يكررها ترى اذا رجعت دون اعتذار بيعيدها الف مرة
ولا تدعين عليه بدل الدعوة عليه ادعي له ان الله يهديه ويكشف براءتك ويخلصه من هالظنون
ماشاءالله عليك
بعد كل الكلام اللي قاله وقذفه لك وماتبغين تدعين عليه
الله يسخر قلبه لك ويارب مايجي بكره الا وهوه نادم ويجيك يعتذر منك ويبوس رجولك
لو وحده ثانيه كان اكلته وقطعته على هذا الكلام الوقح
............
الله يعيـــنك ويبرد قلبك ....
وانتبهي ترسلين له وتدقين عليه تعتذرين
اثقلي وبيني زعلك ان كنتي فعلاً واثقه انك كنتي محتشمه ومظلومه
لانه مصيره بيندم ويرجع له عقله ويجيك هو يعتذر
وهذا الواجب
بعد كل الكلام اللي قاله وقذفه لك وماتبغين تدعين عليه
الله يسخر قلبه لك ويارب مايجي بكره الا وهوه نادم ويجيك يعتذر منك ويبوس رجولك
لو وحده ثانيه كان اكلته وقطعته على هذا الكلام الوقح
............
الله يعيـــنك ويبرد قلبك ....
وانتبهي ترسلين له وتدقين عليه تعتذرين
اثقلي وبيني زعلك ان كنتي فعلاً واثقه انك كنتي محتشمه ومظلومه
لانه مصيره بيندم ويرجع له عقله ويجيك هو يعتذر
وهذا الواجب
الصفحة الأخيرة