غـيوم

غـيوم @ghyom_24

محررة ماسية

المتزوجة اللي 24 ساعة ببيت اهلها

الأسرة والمجتمع

السلام عليكم
مبارك عليكم الشهر خواتي
تقبل الله صيامنا ودعائنا وصالح اعمالنا
لا تنسوني من الدعاء بالذرية الصالحة
.
.
انا متزوجة ولله الحمد وكل نهاية ويكند ازور اهلي وباقي ايام الاسبوع بشقتي مع ان بيتي وبيت اهلي مو مره بعيد حدود نص ساعه ولكني لاحظت بعض قريباتي مره مره لزقة ببيت اهلها يا بنات انا مصدومة منهم مدري من اللي نظامه غلط انا او هم تخيلو وحدة اعرفهم معرفة شخصية يوميا من الصباح لين الساعه 10 ببيت اهلها بعدين تروح بيتها وعلى هالنظام كل ما طلع زوجها الدوام راحت تداوم ببيت اهلها والمصيبة امها اللي تقولها اقعدي عندي نامي عندي ولا كأن بنتهم متزوجة وعروس توها تم السنة وحملت الاخت وشدت الرحال لبيت اهلها صارت رسميا تنام عندهم مع انها ماشاء الله حملها خفيف ولا حست فيه حتى تقولي ماتوحمت ولا تعبت والحين برمضان قلت لها ماراح تفطرين مع زوجك او تجهزين له فطوره عالاقل قالت لا انا قلت له رح افطر عند اهلك وانا بروح عند اهلي !! وجهي كله علامات تعجب ودهشه ليه كذا ؟! طبعا من يوم تزوجت هذا نظامها زوجها غداه وعشاه عند اهله وهي 24 ساعة ببيت اهلها ابغى اعرف الحريم اللي كذا كيف تثق انه ماراح يشبع احتياجاته عند غيرة خيانة او زواج لا تقولون ان حتى اللي تقوم بواجبات زوجها يخونها لا انا اقصد حجته الحين قوية لو يروح يتزوج عليها ودي انصحها وبنفس الوقت مابي اتفشل ولا لقيت الا المنتدى ودي اللي نفس حالة قريبتي تتعدل من وضعها وتنتبه لبيتها وتحتسب الاجر عند ربي هذا جنتك ونارك حتى لو كان زوجك هو بنفسه يقولك روحي لبيت اهلك لا تسمحين له عطي كل شخص بحياتك حقوقه عالعموم الله يهديها والحمدلله الذي عافانا مما ابتلى به كثير من خلق
.
.
بنات ابتعدوا عن الهواش واسلوب الغير راقي سواء معي او مع العضوات حنا برمضان الله يتقبلمنا
112
19K

يلزم عليك تسجيل الدخول أولًا لكتابة تعليق.

تسجيل دخول

بنت طرازن
بنت طرازن
استغفر الله
لاتلومونه1436
لاتلومونه1436
للاسف انا نفسها.
لكن لظروف .زوجي
بعض الرجال يجلس مرته عند أهلها بلغصب .
على اساس ان شغله بديره ثانيه.
انت احمدي ربك ربك انعم عليك ببيت جمب اهلك
غـيوم
غـيوم
الحمدلله ولكن يا اختي انا ماتكلم عن اللي نفس حالتك دوامه بعيد اتكلم عن اللي دوامهم قريب من بيوتهم ومرته ماتصدق يروح للدوام وتشل عفشها وتعسكر عند اهلها
والله خوات هالحريم يشتكون لي ان اختها غثيثة ولا حسوا انها تزوجت
الله يهدي بال كل وحدة
لاتلومونه1436
لاتلومونه1436
ياختي لاتشيلين هم احد.
زوجها راضي وامها راضيه.بكيفهم.
.......
بعض الحريم تقدر الرجال وتغليه اكثر من أهلها.
لو تقعد عنهم شهور وشهور عادي ويوم تروح لبيت اهلها ساعه تلقين قلبها عنده
وجودك يعذبني
وجودك يعذبني
هههه عاد شفتي هذي هي الي بتعمر وتعيش
خليها دام عروس تفرح قبل لاتولد وتجلس بالبيت تربي وتغسل وتنظف


وايش دراكي يمكن زوجها عاجبه هالوضع
يلتقو بآخر الليل زي العشاق
هي عندها سوالف وهو مشتاق
والله برافو عليها تحط حدود من البدايه صح ( ذكيه )


مشكلتنا انو احنا ببداية الزواج نغدق على الطرف الثاني مشاعر وحب وعنايه
ونقولب انفسنا بسرعه ونصيب الطرف الثاني بالتخمه والنتائج تصير عكسيه


عمومآ حبيبتي انتي مو محتاجه تعطيها نصائح
الدنيا بكره تعطيها دروس وتلينها ،، بس تصرفها سليم


،
،
،