يوووووووووووه يالتقصير .. تعالوا شوفوا اكتشافاتي واستفاداتي //خطير جدا

السلام عليكم ورحمة الله وبركاته


هذا قلمي قد عاد اليكم , لا أعلم هل أستطيع ان اقدم فيه الفائده
ام هي مجرد اسطر عابره
غير أني على ثقه أن ماسأكتبه خرج من القلب اتمنى ان يصل للقلب
وسأتكلم لاحقا بأسلوب يفضله الجميع



خخخ اعذروني أول مامسكت لوحة المفاتيح مدري ليه جادت قريحتي
بالفصحى هههه قلت والله ما اردك غير أكتب فيها بالبدايه خخ



حبيباتي طبعا بدينا بالمسابقه واحنا عارفين مسبقا طريقتها وتوكلنا على الله
واحنا ناوين الأجر ومحتسبين الشغل وكنا منبهين على هالشي وذكرنا فيه
أنه قبل كل شي اخلصي النيه واحتسبي العمل لله

وفعلا بدينا بتنفيذ الطلبات وهي عباره عن الرد على على اقسام ساعدوني
أو الملتقى اللي يكون فيها طلب دعاء وزي كذا


وطبعا كل يوم ندخل أقسام جديده
سبحان الله يابنات فعلا تحمدين الله وتشكرينه على النعم التي لاتعد ولا تحصى
لاتعد ولا تحصى لا تعد ولا تحصى
يارب لك الحمد حتى ترضى ولك الحمد اذا رضيت ولك الحمد بعد الرضى



بدينا بتنفيذ الطلبات ويشهد الله تعالى أن بعد مادخلت قسم معين رديت
على مواضيع معينه وتقريبا كلهم نفس الطلب بس لأن كان عندي الطلب
ساعدتهم ,, والله رسائل عالخاص دعاء وشكر فرحت فيها
أنا ما ابي منهم شي وما ابي من عباد الله الا الذكر الطيب والدعاء وغيره
الله كفيل فيه
وسبحان الله يابنات والله اني كنت قلقانه من موضوع معين وانتظره بفارغ
الصبر والحمدلله بأقل من اسبوع صار اللي ابي وتحقق وبنفس الموضوع
اللي ساعدت فيه العضوات المحتاجه الحمدلله


روحي لقسم ساعدوني شوفي خصوصا المواضيع اللي ماقد احد رد عليها
يمكن يلقون حاجتهم عندك وتكون عندك المعلومه وتكون سبب في تفريج
كربه عليك


رحنا لقسم الملتقى ولكثرة طلب الدعاء , هذي حزينه على امها أو ابوها
أو اخوها . اللي ماتت وتبي دعوه صادقه , اللي مريض وتبي بعد دعوه
صادقه , واللي مسوي حادث بين الحياة والموت
هي تدري ان مابيدنا شي لكن من ضيق النفس وضيقة الصدر لجأت
لأخواتها ورب دعوة من اخ لأخيه في ظهر الغيب قد تستجاب او بالعلن تفرح
فيها وتحس ان احد ساندها
قال رسول الله صلى الله عليه واله وسلم ( مثل المؤمنين في
توادهم وتراحمهم وتعاطفهم مثل الجسد إذا اشتكى
منه عضو تداعى له سائر الجسد بالسهر والحمى)

رحنا لقسم ذوي الاحتياجات الخاصه فعلا يارب لك الحمد , الله يشفيهم
ويعافيهم ويفرح قلوب غواليهم فيهم , , ما اقدر اتكلم غير اني اقول لاتتركونهم
ولو بدعوه صادقه او تعامل نفسي تقدرين تذكرينه كحل


رحنا لقسم اراده تتحدى المرض آآآآآآآآه يهالقسم عن جد ,
قريت قصه لوحده صغيره بكيت وبكيت وتخيلت نفسي مكانها لأن وضعها في
البيت نفس وضعي الكبيره وبكر أهلها وجاها المرض وهي لسا بالجامعه
ابشركم تشافت .. لكن فعلا في اشياء غافلين يارب لك الحمد
كوني معهم .. ردي عليهم سانديهم , ممكن تسألك عن نوع عشبه او كتاب
وين ممكن تلقاه مو شرط تكون مريضه وتذكر قصتها وبكذا تكوني ساعدتي
وانت محتسبه الاجر وحتى لو مريضه ودعيتي لها افضل وافضل



شاركنا بفعاليات والله ماطرا علي ارد عليها لكن فعلا اكتشفت اننا مقصرين
معهم , أقلام مميزه وجهود مبذوله محد راد عليها فعلا قهر
ولما تردين عليهم اكيد بيفرحون شوفي نفسك لما تلقين موضوع لك رجع
ورا ولا رد عليه احد ولا انرفع وشوفي نفسك لما تلقين موضوع لك بسرعه
وصل لرقم محبوب من القراءه ورفع متواصل ايهم يفرحك ؟ سوي لغيرك مثله



طلبت مننا الغاليه غيومه نروح نرد على 5 مواضيع للديكور او الجمال او
الحاسب او المغتربات خخخخ والله مالي بولا واحد فيهم
هييييه لا يروح بالكم بعيد والله اني اهبل بس ماني من اللي يهتمون بهالسوالف ههههه
قلت خلني اروح لقسم المغتربات حسيت اني ما اقدر افيدهم بشي
وطلعت على طول .. قلت مالي الا الديكور عندي ذوق الحمدلله
والله واعطي من هالنصايح ههه واشياء بسيطه عندي خبره فيها
جدت باللي عندي

والله عاد ذاك اليوم بعد ماخلصنا المسابقه بس كنا ننتظر النتيجه
قلت بسير على اقسام جديده وادخل على الحمل والامومه .. لقيت وحده
ياقلبي ترفع بموضوعها وتقول وينكم معقوله محد عنده معلومه رحمتها
وكانت حامل جديد وتبي تتأكد من شي معين وطمنتها باللي اعرفه

يعني ياقلبي انت وياها استشعري قيمة الشي تسوينه والله تفرحين
جودي باللي عندك حتى لو في بث الثقه وحسن الظن بالله ,,
حاولي تخلقينه عندها وتطمن فيها روحها الطيبه .




فعلا لا قالوا مجلسيات هههههههههه والله غرزنا في ذا القسم
وما قصرت اختنا المشرفه غيمه كسبت اجر الكثير بهالمسابقه بارك الله
فيها وبأعمالها وبأيامها كلها والله ييسر لها ويفرحها باللي تحب ولا
يحرمها رؤيته ياكريم



طلعتنا منه بطريقه حلوه محبوبه فيها الفايده للجميع ولأنفسنا قبل
اصحاب ذي المواضيع والحاجات

كانت تجربه حلوه ولله الحمد تقدرين تعيشينها بدون مسابقات
والله صدق بتتلذذين باللي تسوينه


هذي خلاصة تجربتي بذي المسابقه ولا عندي كلام كثير ودي اقوله
بس حسيت اني طولت ويا بخت من زار وخفف خخخخ


احبكم كلكم ,, ومروا على باقي الاقسام لاتنسون واحتسبوا الاجر

وهذا رابط موضوعي الختامي للمسابقه فيه تجارب الفريق مع المسابقه
وكلمتهم البسيطه اللي حابه تشرفنا فيه ويسعدنا
احـــــــــــلى ايــــــــــام حيـــــــــاتي في المنــــــــتدى وبدون مبالغه



وهذا موضوع لي كانت طالبته الاخت غيومه بعد اللي حابه تشرفني فيه
وبالطبع يسعدني
الفتــــــاة والتشـــــدد ... نصائح محبه من القلب للقلب

وهذي مواضيع فريقي الله يجزاه جناته

شهودي
مشاركتي في مسابقة مشروبات الشتاء (( السحـــــــــلب ))


مدام شانتيل
"بالآمس" كنا هنا ! في مكـان ما يشبهه الآ الصوره !


ركايز
دام عزك ياوطن ..
صبح الرشاش
الجدل القرآني ،، والجدل البيزنطي ..!

اسرار الغلا بدل تركيه كانت مسويه عمليه فديتها
ماااااااااامااااااا ... اقصد شغااااااالتنا ........حرام عليكم ما ادري من تكون؟؟؟

نووشه
الويك اند وزيـــــــــارة الأهل..حياكــــــــــم جميعاً

نواامه
&& زيارتي لمدرسة بنتي في {يوم الأم الزائره}تقرير مصور &&

فتاه الجنوب

رجل أم ...... ذكــــــر!!!!

بيري ماكس
عبري عن حبك لطفلك...من اجل طفوله لاتنسى


وسلامتكم اترككم بحفظ الله



ودائما تذكروا ....

ان الناس في الغالب قد ينسون ماتقول وماتفعل
ولكنهم لاينسون ابدا الشعور الطيب الذي اصابهم
من قبلك




لا اله الا الله