كل وحده تطلقت ثم تزوجت تتفضل .

عندي سؤال موجه لكم .
كيف قدرتم تتخطون الخوف من تكرار الفشل .
طبعا أنا مطلقه .
وعندي خوف كبير من تكرار التجربه . يعني حتى التفكير بأيجابيه أعجز عنه . والخوف من عدم الامان بعد الزواج .
يعني الوحده تخاف تتزوج متزوج لانه ممكن يلعب او ع الاقل بيخليها شي ثانوي .
وتخاف من المطلق لان سبق وطلق وصعب تعرفين السبب الحقيقي لطلاقه لانه ماراح تسمعين الا منه وماتضمنين بعد هو يطلق .
طبعا العازب ماراح أورده لانه مستحيل يفكر ياخذ مطلقه واذا اخذ أكيد فيه سبب او فيه مشكله او المجتمع ماراح يتركه بحاله .


بنات احس حتى التفكير بزواج اصبح شي مخيف .
سبب طلاقي بكل بساطه كنت رايحه لابوي اشكي له من اهمال وتقصير طليقي ..الخ لاني أهله كان لهم دور سلبي جدا اهم شي عندهم الناس ماتدري وهو مستحيل يتنازل يجلس متفاهم فضلا عن مكابرته .
وقتها ابوي قال ماتروحين لين يجي وتفاهم معه ويوم درى بكل سهوله ارسل رسائل سب وشتم وطلق وفعلا طلق كذا .
أخر شي كنت أتوقعه يطلق كنت متوقعه يجي لابوي واذا انا مقصره او غلطانه يتكلم لان ابوي سمع مني وينتظر يسمع منه .لكن بكل سهوله طلق .
طبعا اطلاق سبب لي صدمه وصلت لاني أخذ مهدئات لانها كانت فجيعه وصدمه لي .
ماراح أذكر كل مامريت فيه بعد طلاقي لانه أصعب من الطلاق نفسه .
لكن الان الخوف من تكرار الزواج او حتى التفكير فيه أصبح شي مخيف لي يعني حتى لو بتزوج راح تعيش بخوف بألحظة ممكن أطلق !!
ماأدري هذا الشعر طبيعي .
أمي حبيبتي تعطيني من القصص الايجابيه وان الزواج الثاني دائما ناجح . لكن ماش الخوف مسيطر علي .