عقدتي من شق العجان

اليوم بفضل الله كملت شهر من ولدت ببنتي.
من كملت اسبوع اكتشفت انه خياطتي انفكت رحت المستشفى
وتنومت مدة 5 أيام حتى اخلص كورس المضاد وقالولي ارجع بعد يومين
ﻹعادة الخياطة، لما رجعت بعد يومين قالولي لازم تنويم ﻷنه فحص الزراعه
مبين أنه عندي ألتهاب مانفع معه المضاد السابق ، وتنومت مرة ثانيه لمدة 6
ايام، وفاليوم الرابع سوولي خياطة مرة ثانيه ، دخلوني غرفة العمليات وتخدير كامل ،،الحمدلله ماحسيت بشئ وقتها، بس من انتهى مفعول البنج بدأ الألم، بعد يومين خرجت من المستشفى، وعطوني موعد معاينة بعد اسبوع ورحتلهم بعد أسبوع وكشفت علي الدكتورة وقالتلي انه الخياطة انفتحت ، ورجعت وانا حالتي حالة من البكاء، ورحت لعيادة نساء خاصة و أتفاجات الدكتورة بالخياطة اللي باقي قالتلي وايد غرز وملعوب فيج، ولازم افك اللي باقي ﻻنه مامنهم فايدة بيجيبولج ألتهاب والم بس، وحاولت تفكهم ماقدرت ﻻنه كان يعور بشكل فعطتني موعد بعد أسبوع وعطتني بيتادين وكريم فيوسيدرم ومسكنات وحبوب مضاد.
امس اي بعد 4ايام اتصلت فيه بنت عمي وهي ممرضة في قسم النساء والولادة تخبرني انها علمت الدكتورة اللي عادت لي الخياطة بأنه عمليتي انفكت وانه الدكتورة تبغى تكشف عليه، رحت لها وبعد الكشف قالتلي أنها ما أنفتحت وانه كل شي سليم وهذي الفتحه والتوسع طبيعي بعد الولادة بيرجع مع الأيام، مع انه دكتورتين شايفاتني قبلها وقالن مفتوحه. وبنفسي شايفة عمليتي انها منفكه وبعد من فتحة المهبل بإتجاه فتحة الشرج (يعزكن الله)يعني من طرف ما من وسط وبتلتئم من نفسها .
تعبت من التفكير بالخياطة 😢.ماكنت اتوقع انه الولادة لها تبعات وألام،، بس الحمدلله على كل حال صار عندي بنوته الله يحفظها ويبارك فيها وينبتها نباتا حسنا.
بكرة إن شاء الله موعدي مع الدكتورة بس خايفة مابا اروح 😳 ومليت من كثر الكشف علي 😢😭 ..
هل بيلتئم الشق من نفسه ولا بيحتاجله خياطة من يديد ؟
من مرت بحالتي، اللي مرت بحالتي طمنيني الله يطمن قلبج