الله يساعدك ياربب

لازم تعرفي معلومه كتيييييييييييييييير مهمه انه الدهون الي تتككون بالطفوله تكون عباره عن انه الخلايا الدهنيه عددها يزيد يعني تبقا طول العمر مع الانسان . بس الدهون الي تتكون بالكبر يعني الي يسمنو على كبر تكون عباره عن انه نفس عدد الخلايا الدهنيه بس تزيد الدهن فيها و معنى هدا الكلام انه الي سمين من صغره اصعب عليه ينحف بالكبر و عشان كدا اعملي كل شي تقدري عليييييييييييييه عشان تبقا بنتك نحيفه و باي طريقه من الطرق بس بدون تجريح نفسيا يعني لو تقوليلها انتي سمينه و انتي تخينه و الناس يقولولها كدا حيلتصق بعقلها هدا الشي و ممكن يصير عندها رد فعل انه انا سمينه فخلص عادي اكل لانه مافي امل انا سمينه . و الاهل دايما قلبهم طيب و رقيق على اولادهم و عشان كدا ما يقدرو يسووله ريجيم لانه يحزنو عليه انه يمنعوه من اشياء و الباقي ياكلو . اهم شي اهم شي انه تقوي قلبك و تشدي على بنتك و اول شي لازم تخلي كل البيت يمشي على اكل صحي عشان حرام تحطي قدامها شوكولا و شيبس و تمنعيها منهم و هدا الشي مفيد للكل و امنعي السكريات و الحلويات و الشيبس و المقالي و كمان اهم شي خليها تتعلم لعبه تخليها تتحرك كتير يعني مثلا تركب بسكليت او تلعب كوره مع اخوانها او جيبيلها هدي اللعبه الي ينطو عليها اي شي فيه حركه و تصير تعرق و بالبدايه حتقولك جوعانه بس بعدين حتتعود لانه هدي طفله و اي شي تقدري تعوديها عليه و تقدري تلاقي كتير برامج عالنت ريجيم اطفال و الاحسن انك تروحي لدكتوره تغذيه وو اهم شي انه تقدري تعملي كنترول على اكلها برا البيت يعني لو بنتك بتروح حضانه لازم تتاكدي انه هناك ما تاكل ايش ما تبغا و كمان لو بتروح عند قرايبك لازم تتاكدي انه ما تاكل عندهم ايس كريم و حلويات و شيبس و يروح كل تعبك عالفاضي و بس ينزل الوزن الزايد بتصيري توازني عشان لا ترجع تتخن و هيا مع الوقت حتتعود و حتتعلم . بس ياريت انه تقوي قلبك و تخليها تفقد الوزن الزاائد لانه والله تعب على كبر . السمنه بتدمر المستقبل خصوصا للبنت