رفع

سوري رز ابيض ..وصواني ..مثل صواني الدجاج بالخضار ..ومسقعه ..وكاري ..
مكرونه بالباشاميل..سلطات ..سوي شوربه..سمبوسه لفيها من الحين وحطيها بالفريزر ..وكبه سويها من اللحين
تست سويها جيوب التاجر ..
خلي احد يسوي لك الفطاير ..والخليه ..
سوي حلا ثلاث انواع ..بس
مع العصائر ..

الله يعينك ولايحرمك الاجر

ماشاء الله ثلاث مجالس اخذي جاهز رز ولحم وسوي الحلا وكم صنف معجنات بس

حبيبتي الله يعطيك العافيه و يكتب لك اجر اللي بتفطرينهم يارب

شوفي انا لو مكانك بلف السمبوسه والفطاير و المطبق والكبه كلها بالليل او تكون مفرزنه و اقليها قبل الصلاه بساعه تكون جاهزه و احطها في الفرن على التدفئه ونفس الشي اللقيمات والحلى اللي يحتاج قلي او طبخ بالفرن

اذا بتسوين مكرونه سوي اللحم بالليل او اول شي الصباح

لمن تقصين البصل و الثوم و الطماطم و الخضار بصفه عامه قصيها في باديه كبيره لكل الطبخات

الحلى سويه بالليل و اعتمدي على الجلو و الكستر والكريم كراميل و شيز كيك تسوينه بالليل

انا لو مكانك بسوي
سمبوسه لحم * سبرنق رول * مطبق * نوع واحد فطاير
فتوش او تبوله وسلطه خيار
مكرونه ( باشميل او سبغيتي * او جبن)
الثريد
رز سوا كبسه او مشخول او اي طبق رز ثاني
صحن فواكهه مشكل
لقيمان او جبنيه او سبرنغ رول جبن بالشيره او بف باستري بالجبن و كنافه او خليه نحل
طبعا ممكن لو تبين تسهلين على نفسك تلجئين للصواني زي المسقعه والباشميل وتوست الدجاج او اللحم بالفرن

الشيره تسوينها بالليل

الصحون و الملاعق و كل المواعين مغسوله و مغطيه في غرفه الطعام البيالات و الفناجيل و التمر و الرطب بالمجلس

ترى الرجال مايحبون الحسوه زي الحريم والواحد يكون صايم على طول ياكل شوي يشبع
والاهم رددي سبحان الله و الحمد لله ولا اله الا الله عشان تعينك

موفقه خير اختي