وأخيــرا صابونة جلوتاتيون المبيضه وصلت الخليج وبإيد غرشوبة زعبـــيــل

العناية بالبشرة

بسم الله الرحمن الرحيم


كلنا سمعنا عن حبوب التبييض او اللي يسمونها جلوتاتيون واللي هي فالاساس مضادات للأكسده وانتشرت في دول شرق آسيا كمادة مبيضه تؤخذ مع فيتامين C بس الموضوع يبغيله صبر ومداومه بالتالي يحصلون على نتائج ترضيهم نوعاً ما وفي ناس عندهم نفس الناس اللي عندنا ملولين ويبون النتائج بطريقه سريعه ومايبون يصبرون فقامت الشركات المصنعه ابتكرت لهم صابونات راااائعه بمعنى الكلمه وللأسف ماتنزل الخليج بس انا عن نفسي جربتها بس على طريقتي.



وهالصابونات مثل ما امبين فالصوره اللي فوق عبارة عن
1- صابونه تحتوي جلوتاتيون للتبيض
2- صابونة جلوتاتيون مع الكولاجين لشد ورفع البشره
3- صابونة جلوتاتيون مع زيت شجرة الشاي لاصحاب البشره الدهنيه.
4- صابونة جلوتاتيون مع زيت بذور العنب

وفي صابونات جلوتاتيون من ماركات مختلفه اتركم مع الصور









نتايج هذي الصابونه اكتسحت دول شرق آسيا لانها تبيض وتفتح المناطق الداكنه والكلف بطريقه ملحوظه جداً جداً ولطيفه مثل ماقلتلكم انا مجربتنها على نفسي بس المشكله ظهرت عندهم شركات منافسه قامت تقلد المنتج وتغش فيه وهالشي اللي مايخلينا نضمن المنتجات الآسيويه ونخاف منها..

ما انتهينا ،،
60
8K

يلزم عليك تسجيل الدخول أولًا لكتابة تعليق.

تسجيل دخول

غرشوبة زعبيل
غرشوبة زعبيل
مثل ما عودتكم غرشوبة انها ماتتركم عبث اليوم بقولكم كيف صنعت هذي الصابونه بنفسي وهالموضوع مفاجأه وهديه لعالم حواء وموضوع حصري ومنفرد يعني يا ريت ان الموضوع مايتم نقله لأي منتدى ثاني

نبتدي بالمقادير ،، بسم الله الرحمن الرحيم ..



1- صابونة شيرلي + الصابونة السحرية، معروف عن الصابونتين بالتبييض والتنظيف العميق.



2- 10 حبات 50 ملجرام جلوتاتيون تساوي 500 ملجرام.




3- خمس كبسولات زيت جنين القمح معروفه فوايد زيت جنين القمح.



4- كبسوله فيتامين C قوة 1000 لازم الفيتامين سي يكون ضعف الجلوتاتيون.




5- ثلاث كبسولات كولاجين لانه نحنا ما نبا تبييض بس نبا تشابك فالبشره وخدود مليانه ومشرقه.



6- بشارة الصابون.



7- هذي مكينتي التجميليه بس مخلتنها عسب اطحن المواد التجميليه فيها .



8- قوالب للصابون
غرشوبة زعبيل
غرشوبة زعبيل
الطريقه :



1- اول شي بشرت صابونة شيرلي بشكل ناعم جداً حتى شكلها صاير مثل البودره.


2- بشرت الصابونة السحريه.



3- خليتهم في حمام مائي لين ذابوا واظفت لهم مااااي ورد بمقدار استكانه (بياله) ونص واخليهم يذوبون ويمتزجون في بعض بهالطريقه وانتظروا لين يبرد المزيج.



4- بعدين حطيت فالطحانه 10 حبات جلوتاتيون وكبسولة فيتامين C وفتحت ثلاث كبسولات من الكولاجين وطحنتهم.



5- بعد مابرد الصابون حطيت الجلوتاتيون والكولاجين والفيتامين فوق الصابون بس اتأكدوا ان الصابون برد لانه اذا حطينا الفيتامينات في اي سائل ساخن مانستفيد منه وتخترب خواصه.




6- نمزج المزيج عدل ونفرغ فيهم خمس حبات زيت جنين القمح يعني فيتامين E.





7- بعد ما مزجنا خلطتنا الصابونيه نحطها في قوالب وننتظرها ليله كامله في مكان بارد وجاف.



8- وبعدين انطلعها ونحطها في بيت الصابون وتستخدم يوميا صباحا ومساءً.

وبجذي خلصنا صابونتنا المبيضه اللي تفتح بطريقه ملحوظه وفوق هذا كله تحتوي على الكولاجين وفيتامين E والله ان روووعه قليله عليها..

تحياتي غرشوبة زعبيــــــــل
المنقذه
المنقذه
الله يجزاكي بالخير ياعسل,,,, بس ياليت لو تقوين من وين شريتي جميع المكونات وأسعارها ووين موجودة بالرياض,,,,صراحه شجعتيني اجرب بس كل هالأشياء ماادري وين تنباع خاصة الصابون لأني دورتهم من قبل ولا لقيتهم
بس مجهود وااااااضح الله يعطيكي كل ماتتمنين
manooona
manooona
يعطيك العافيه
غرشوبة زعبيل
غرشوبة زعبيل
الله يجزاكي بالخير ياعسل,,,, بس ياليت لو تقوين من وين شريتي جميع المكونات وأسعارها ووين موجودة بالرياض,,,,صراحه شجعتيني اجرب بس كل هالأشياء ماادري وين تنباع خاصة الصابون لأني دورتهم من قبل ولا لقيتهم بس مجهود وااااااضح الله يعطيكي كل ماتتمنين
الله يجزاكي بالخير ياعسل,,,, بس ياليت لو تقوين من وين شريتي جميع المكونات وأسعارها ووين موجودة...
الجلوتاتيون من GNC

اما باجي الفيتامينات من الصيدليه

بالنسبه للصابون انا اشتريتها من السوبرماركت،، فالحقيقه انا من الامارات ياريت الاخوات فالسعوديه يساعدونج على مكان الصابونه السحريه وصابونة شيرلي