الله يعطيك العافيه..موضوع حلو
بقول وجهة نظري حسب تجربتي مع البازرات..يجوز فيه من يوافقني و من يخالفني..
الأفكار او المقترحات من وجهة نظري مع اني عارفه انه مجرد رأي.. يعني محد يمك :)
هم 3 مقترحات..ارتفاع ايجار الأماكن..كثرة وتكرار اقامة البازرات..التجديد للتصاميم المعروضه والتميز..
ايجارات الأماكن..
غالبا ايجارات البازرات مرتفع وبالتالي يكون سعر القطع مرتفع سواء للخامات الممتازه او الجيده او البسيطه..مو معناة كلامي ان التصاميم تكلفتها رخيصه والتاجره ترفع سعر القطع حسب ايجار المكان فعلا القطع تكلفها كخامات وكخياط وكتفكير بالتصميم والبحث عن الخامه المناسبه للتصميم والجهد الي تقوم فيه.. لابد من التركيز على التاجره وهي معذوره ايجار المكان الي عارضه فيه بضاعتها مبلغ وقدره فلابد على الأقل تدخل مبلغ الأيجار للمكان وبعد كذا تفكر في الربح يعني بأختصار تقريبا 40% او 60% من التاجرات ما يدخلون ربح من البازرات بسبب ارتفاع ايجارات الأماكن..والقليل يربحون الشهره من خلال البازار المقام او يربحونها لفتره مؤقته ومن ثم ينسونها..
كثرة وتكرار اقامة البازرات..
يعني بالشهر الواحد او الشهرين 3 او 4 بازرات تقريبا في نفس التوقيت..كثرة البازرات وتكرارها ما صار لها جاذبيه وما صار فيه حماس من قبل الزائرات وصار فيه ملل للحضور.. وغير كذا مو كل الناس قادره على الشراء بكل وقت يقام معرض..لو نلاحظ مثلا نيارا تعمل بازار مره او مرتين بالسنه وعليه اقبال لآنه مو متكرر ويكون فيه ترقب للأعلان عن المعرض..ومثال ثاني ساحة العروض مقابل هايبر بنده يقام معرض مرتين بالسنه ويكون فيه ترقب من قبل الناس واقبال وانجذاب له..
تكرار وتشابه التصاميم..
لما تروحين لبازار تلاقين بعض المعروضات تقريبا نفس الأفكار واكيد للتقليد دور واضح.. وبالتالي مافي شي يجذب الزبونه تشتري لأنها جايه تبي قطعه مميزه مختلفه ومو موجوده في السوق..او تكون التصاميم من خامات بسيطه جدا ومرتفع سعرها بشكل مبالغ فيه بشكل واضح يعني ما في توازن ولا مصداقيه.. او تكون تصاميم مكرره يجوز لأقبال نوعيه من الزباين عليها او التقليد..او تكون تصاميم عاديه ما فيها تميز ومو ملفته للنظر..او تكون تصاميم حلوه واسعارها معقوله بس للزباين اسبابهم الخاصه لعدم الشراء..
هذي وجهة نظري أرجو قبولها بصدر رحب..

up

:(

السلام عليكم

ماقصروا الاخوات بالردود اللي تبرد القلب بصراحة

والبازارات الكبيرة لها زباينها ولها توجهاتها لانه مثلا نيارة موجهة لطبقة غير عن طبقة الناس اللي تتسوق من بازار سلمان وهكذا

وبالتالي الاسعار لازم تكون واقعية وكذلك الايجارات

واول شيء اللي لاحظته انه الاسعار غالية بالنسبة للتـأجير وبالتالي احسبيها معي

انتي عندك افكار وحركات ان كان تصميم او بضاعة واشتركتي في بازار غالي وبالتالي لازم تطلعين قيمتها وقيمة الايجار والناس مطفرة تبي الرخيص وبالتالي محد يشتري وبالتالي تطيح بكبد الوحدة بضاعتها وراح تشتركين ببازار وتتكرر نفس الاسعار واسعار الايجاروالمشكلة تشترك الوحدة بنفس الايجار السابق وبالتالي تتكرر نفس الافكار ودواليك ولا تزعلون اذا حصلتوا موديل ب2000 وخامته بعشرة ريال لانه هي محتاجة تغطي التكلفة وتطلع لها ربح

يعني لو تخفضت الاسعار بالتالي الوحدة تقدر تبدع بالخامات والافكار وتتجدد لانه بضاعتها اشتروها الناس وصارت الافكار قديمة ومحد قدر ينسخها وتقدر تبدع من جديد وتظل هي صاحبة الافكار المتجددة

وفكرة اذا كنتوا مصممات ملابس او اكسسوارات وشنط وهالحركات
المفروض انكم تحفظون احلى التصاميم في كتالوج وتعرضونه للزبونة والبضاعة الثانية اللي تحسون انها تمشي الحال اعرضوها على الملأ

وبالعكس اذا تكرر البازار 4 مرات بالسنة ماهو غلط ويشترط اللي مثلا اشتركوا بالبازار الاول مايشتركون بالبازار الجاي وينتظرون الثالث

علشان يدخلون اكبر عدد من البنات ذوو الوجوه الجديدة وهالكلام اذا البازار ايجاره رخيص

وبعدين انا بطلت اشترك في بازارات لانها تكون في مكان مجهول وسعرها غالي ومافيها اعلانات وحتى الاعلانات تكون محدودة
ومكان ضيق ومافيه ترتيب وكل وحدة تدخل ببضاعتها على الثانية كانه حراج وحتى الحراج صار مرتب

واولهم مركز سلمان لاني اشتركت مرة وحرمت لانه تحسين انه حواليك اطفال مو حريم كبار تاجرات

وقسم بالله انواع حركات الدفدفة والسقطات عليك واهم شي انه اغراضها يشوفونها الناس واخرتها تجيني اللي جنبي وتقول لي بضاعتك ماراح يشترونها منك!!!!!!!!!!!!!!
بالله عليكم هالاشكال ايش الواحد يرد عليهم؟؟؟؟؟؟؟؟؟هههههههههههه

تخيلوا لو كبرى القصير اشتركت في بازار سلمان كان اعتزلت وتوجهت للتأليف من الافلام اللي راح تشوفها خخخخخخخخخخخخخخ


والله اللي قاعد يصير ضحك على الببنات واللي تبي تخسر صح تشارك بالبازارات اللي تنظمها شركات معروفة

وهذا اللي راح اسويه لانه اللي قاعد يصير لعب اطفال وادفع2000 و3000 وعلى ايش؟؟؟؟؟؟؟
طاولة تهز وكرسي يعطونك اياه واذا رحتي ورجعتي اخذوه اللي جنبك ههههههههههههههههههههههههههههه


وكلامك صح البازارات الى الهاوية لانه اللي نظموا البازار اي كان يفكر بالربح الشخصي اولا وثانيا وربحك انتي ثالثا
ولا بعد زين اذا فكروا بانك تربحين هههههههههههههههههههههههههههههههه

طولت عليكم لكني مقهورة من المهازل اللي يسمونها بالبازارات

ودمتم سالمين

ون تو ثري
الله يعطيك العافيه ..صدق بردتي قلبي :)
انا بكمل سنتين ما اشتركت بالبازارات..لي اسبابي الخاصه مع الأسباب التي ذكرت في بعض الردود وانتي أولهم..
ولله الحمد مكتفيه بالشغل الخاص لحد ما يتعدل الوضع

صرنا اثنين ويمكن ينضمون معنا الاخوات وننظم حملة لا للبازارات الفاشلة

وانا ابي اصير الرئيسة هههههههههههههه