بأسافر مع زوجي اللي عنده افكار حلوه يعطيني :)

السلام عليكم ورحمة الله وبركاته
الله يسعدك إنتي وزوجك إن شالله دايماً
بس عندي كلمه آدري إن أغلبكم بيعارضني فيها
بصراحه وايد أتأثر لما أشوف إن الزوجه الأم تهتم بالدرجه الأولى بمتعتها هي وزوجها ..وأولادها يجون بالدرجه الثانيه..لأن هالظاهره منتشره وايد
ترى ياجماعه التوازن مطلوب..والأولويّه للأبناء اللي نتركهم مساكين إما مع الشغاله أو مع الأم اللي ياما تعبت علينا لين كبرنا ونجي نزيدها بعيالنا
وكل ذيه باسم حقوق أزواجنا علينا..مع إني أشوف تجارب الزوجه فيها ماتهتم إلا بتحقيق هالجانب العاطفي..وتهمل الحقوق الثانيه..طبعاً إختي ماأقصدك لأني ماأعرفك ..بس أتكلم عن اللي ألاحظه عموماً
أطفالنا أمانه في أعناقنا..إيش المانع نشركهم فرحتنا..وننسق في الوقت ساعه لهم وساعه لأبهاتهم حتى مانحس بالتقصير!!
تقبلوا مني التحيه..وأرجو من اللي بعدي يفيدونك في اللي طلبتيه..وإن شالله تكون سفره سعيده.

صح لسانك اختي متذوقة قطرية ..

اختي لاتزعلي بس والله حرام تتركي الولد وتسافري انا ماقدر اسويها كيف انبسط وانا بعيدة عن بنوتي ماقدر ..

لو كانت حج او عمرة معليش بس سفرة حقت ترفيه لا انا توي راجعة من ماليزيا من اسبوع بس وعارفين ماليزيا حقت رومانيسة وشهر عسل بس اخذت بنتي وللعلم طفشتني في السفر بس ماتخيل نفسي اتركها واروح ..

وياما صارت مواقف مضحكة وحلوة بسببها واقعد اطالع الصور وتصوير الفيديو حقها هناك تجنن ..
والله انها من احلى الايام في حياتي هالسفرة ..

وقضينا شهر عسل ثاني بس مع بنتي ...
وتحياتي لك وحياة سعيدة ان شاء الله مع زوجك ..

والللحين بقولك ايش اخدت معاي ..
اخدت ملابس جديدة سواء لطلعة او للنوم ..
اخذت معاي كريم من البودي شوب بطعم الفراولة يم مي ريحتة تجنن ..
بس شموع وهاذي الاشياء ماخدتها لان المشوار طويل ياختي واكيد مبتوصل سليمة ..
واخدت معاي عطرين ..
ومادري والله ترى نسيت اذا ذكرت شي برجع ..

ومرة ثانية اختي مو تزعلى من كلالالامي ..

بصراحه عادي الزوجه تغير جو مع زوجها
يعني احنا عايشين .... مع عيالنا كل عمرنا .. بالعكس احيانا من انهماكنا في تربيه عيالنا ننسى ازواجنا
من حق الزوجه تروح مع زوجها وكلها ايام يغيرو جو وبترد
مو رايحه تصيف ..ولا راح تغيب عن عيالها فتره طويله
بصراحه اختى هتاف الله يسعدك ويهنيك .... وما دام عيالك مع امك وما فيه احن من الجده بالذات لمن هي الى تريدهم وتحبهم بالعكس يمكن وجودهم يسلوها ... ويشعروها بالسعاده
وانا اصلا مجربتها ...... حطيت عيالي مع امي
ورحت مع زوجي اسبوع نغير جو وكنا نتصل بيهم بس حسيت انني عروس من جديد
عشت كل اللحضات الى ما اقدر اعيشها ... لوجود شغل البيت والاطفال بالذات ما عندي شغاله .ما احب الشغالات خخخخ
حسيت اننا لقينا وقت نسولف اكثر ونتعرف على بعض اكثر
ليش اذا الوحده تزوجت خلاص نست ان معاها زوج ....
مع يعني تسافر مع زوجها يعني تحرم عيالها من متعه السفر او تكون انانيه
يعني ما فيه احد مثل الام .عمرها كله فدا عيالها .... ولو راحت بس ايام .... صارت تفكر بنفسها وسعادتها ومهمله لعيالها....!!!!!!!!!
احترم رايك اختى متذوقه قطريه .وارجو ان لا يفسد اختلاف اراءنا للود قضيه
فانت لك رايي ربما يؤيدك فيه الكثيرات ....... وانا احترمه كوجهه نظر :17:

هتااااااف
اولا عليك بان تكوني طبيعيه في الرحله .وربما ستجدين بطاقات او كروت جميله اثناء سفرك
اقترح تشتري هديه لزوجك وتغلفيها جيدا وبشكل جميل
لانه ربما لا تجدي الوقت لشراء هديه وانتم دائما مع بعض
غيري تسريحه شعرك المعتاده
شيله معاك ملابس غريبه ومو متعود يشوفك فيهم .... يعني ستايل غير!!
شيلي مكياج ولمعه للجسم علشان تعملي سهره رومانسيه ويا ريت يكون معاك لبس سهره اسود وبسيط
علشان وانتم مع بعض في الفندق تلبسين لبس سهره رسمي وتحطي لمعه في جسمك
وتوصي على بوكيه ورد وتشغلي الشموع
وبتحلى الجلسه مع كيكه صغيره حتى يمكن تطلبيها من الفندق

وخليك كثير مرتاحه لانها ايام مو تتكرر كثير....
والله يسعدك ويهنيك يا رب:17:

تكفين اختي هتاف ابعدي عن المشاكل بقدر الامكان لاني توني راجعه من السفر وطينته مع زو جي من كثر الغيره والمشاكل الله يسعدك يارب:26:

عزيزتي هتاف
ما فيها شي ابدا تسافرين كم يوم ترتاحي وتغيري جو مع زوجك قبل لا يكثروا العيال وماعد تقدرين تتركينهم
اولا
وسعي صدرك وريحي بالك وحاولس تحسين انك تعيشين شهر عسل جديد
تذكري كيف كنتي تستعدين لشهر العسل وسووي مثله
ملابس وعطور وجزم وكل شي مطقم بالألوان
غيري شوي في شكلك ممكن تصبغين او تقصين شعرك سووي تنظيف بشره وحمام مغربي
جددي في مكياجك والوانه خليها كلها فاتحة وبلمعة
لا تذكري زوجك كثير ببنتك وتندميه انكوا ما أخذتوها ....لا حاولي تنسيها شوي وتعيشي مع زوجك لحظات حلوة لانها ممكن ما تتكرر ثاني
والله يسعدك ويهنيك وتنبسطين في هالرحلة