لمتابعين موضوعي فقط...شوفو التطورات

http://forum.hawaaworld.com/showthread.php?mode=hybrid&t=2319795


السلام عليكم

اكيد مريتو هالموضوع وقريتوه وجزاكم الله خير واسيتوني ودعيتولي الله لايحرمكم الاجر


انا بعد اتمام شهر من الطلاق رحت اتصلت عليه وقلت شف يافلان انا متصله بس عشان ابين لك الامور اللي ظلمتني فيها وولخ لاتضن انك مرتاح ماظلمت او غلطت لاااااااااااااااااااااا تكون غلطان
وقلت له انت غلطت علي بكذا وكذا وظلمتني وحسبي الله ونعم الوكيل قال بكل برود ان كنت ظالمك فتحيسبي علي وادعي علي قلت لا منب متحيسبه عليك لا والله قال اجل قولي الله يسامحك واتركيني بحالي

انا قلت له لو تزوجت بتاخذ البنت(على بالي بخليه يحن او احسسه شوي اني ممكن اروح لغيره)تفاجات ببرود يقول(اكيد باخذ بنتي وانتي الله يوفقك بغيري..!!! بكل برود ياناااااااااااااس قلت طيب والبنت لو تزوجت بتاخذها مني والا معي قال اكيد باخذها اجل بخليها تعيش عند رجال غريب ؟قلت لا خلها عند امي تربيها قال او عند امك ...قلت وانت بتتزوج غيري؟قال لا مستحيل اتزوج الله لا يقوله انا كرهت الحريم وانا وانا وانا وانا وبنتي ماراح اخلي مرت ابو تعذبها ووووالخ انا خلاص كرهت الحياة خليني اعيش لحالي...قلت لو مديت لك يد الصلح بتوافق؟قال لا هالحين لا انا ما افكر بصلح او برجعه لاني تعبان ومصدوم(ولله لو اني ذابحه احد من اهلك يالحقير)فعلا الحقير حقير
المهم قلت انا طالبتك تدعي وانا بدعي ربي يلم شملنا !!قال مالي خلق صراحه ادعي هالحين !!! شفتو الوقاحه!!!قلت استفغر ربك وفكر زين


قال زين وقفل
انا ادعي ربي انه يرده لي تركت الدعاء حق اللهم ان كان لي فيه خير فرده وان كان لي فيه شر فرده واخلف علي
صرت اصر على دعائي ان ربي يرده لي
فجاءه خالي دخل بالموضوع وكلمه وقال لخالي انا وانا وانا وانا يعني كل اللي بخاطره وخالي قاله كلام رجاجيل لان خالي كبير بالعمر وبعدها قال ابشر يصير خير يابو محمد يصير خير
يقصد خالي


المهم جاء واخذ البنت يومين وكتبت له رساله وحطيتها باغراض البنت..
بعدها بيومين اتصلت عليه وقلت له قريت الرساله ؟
قال ياليت ماتكلفين نفسك وترسلين انا خلاص نفسي طابت منك ولاعاد ابيك موتي ولا رجعه لك
لو خيروني بين الموت وبين رجعه اخترت الموت!!!!!!!!!!!!!1
شفتو حسبي الله ونعم الوكيل
قلت والله لاذبح لك ذبيحه واجمع اهلك واعتذر لك قدامهم قال اذبح انا عشر قعود بس اعتقيني لوجه الله واتركيني بحالي !!!!
ياناس انا سعيت للصلح واعترفت بغلطتي اني سبيته بلحظه كنت مقهوره منها بس هو مكابر ورجعت اصلح وذلني

اللهم ياربي ارزقني على نيتي ياكريم
بعدها قفل الخط (بوجهي)بعد ماقال خلااااااااااص اتركيني بحالي ولاعاد تطلعين لي بوجهي اتركيني بحالي
:44::44::44::44::44::44::44:


ادري بتهاوشوني واستاهل بس يابنات انا تعبانه والله تعبانه وهو ولا همه ولا حس فيني


اللهم اجرني في مصيبتي واخلف لي خيرا منها ياااااااااااااااااااااااارب
انا لله وانا اليه راجعون