انا جنوب الرياض وسمعته كنت فاتحه الدريشه وقاعده عالنت ومستمتعه بالجو الحلو وسمعت الصوت تقريبا على 7 ونص طليت مافي شي ورحت نمت  

انا كنت نايمه وصحيت عالصوت مفجوعه
صحيت اركض ادور على اهلي وبالذات اخوي بالمتوسط لانه دايم يلعب بالاسلاك حسبت الانـفجار وسط بيتنا
لانه قريب مننا مرررره
ويوم شفت اهلي ارتحت
ياشينها تصحين مفجوعه

..مساء الخير ..


أنا كنت فـ المدرسه .. طبعا مانيب في المملكه عايشه ..
شوي أفتح البلاك بيري ..
وأشوف رجل أختي مرسل برودكاست وأقراه ..
وأنا توني دخلت غرفة المدرسات أبي أتريق .. يوم شفت صور الموتى ..
عفت الاكل .. وجلست أقرى .. !
خويتن لي تكملني ولاني بحولها .. تقولي ي الله ذبحك هـ البي بي ..
وتهاوش تقولي أنتي من 3 الاف سنه ما تحاكيتي معي هي دكتورة المدرسه تصير ..!
ولي ماخذ عقلك وقلبك يتهنى به ..
قلت استريحي بس ي بنت الحلال فيه أنفجار صار فـ السعوديه وجالسه أقرى عنه ..
وجلسنا انا وهي نشوف الصور ..

×


عقب كل وحده فتحت اللابتوب تبعها وجلسنا نشوف ونقرى التفاصيل ..
انا كنت أقول ي رب يكون حادث بدون فعل فاعل لاني قلت يمكن عمليه ارهابيه ..!
بس يوم طلع حادث من الله قلت أشوى ..!
وللامانه .. تو ما طابت أوجاعنا من حريق الزواج الي فـ بقيق قبل البارحه ..
واليوم حادث شرق الرياض زادها وصارت كومة أوجاع ..
ي الله منظر الصور هي على الارض مؤلم حيل ..
الله يرحم من مات في الحادث ويشفي كل مصاب ويربط على قلوب ..
ذوي كل من الموتى والمصابين ..
ولا حول ولا قوة الا بـ الله ..!



..ركب الاغراب..

انا بحي الروضه ..كنت نايمه وقتها وسمعت الصوت قووي وصحيت مفجوووعه جاء على بالي ان انبوبة الغاز انفجرت

تخيلو كنت نايمه
وتونا وصلنا الرياض البارح الفجر

والله حسيت الشبابيك اهتزت والله العظيم

اني احسبه حلم ولا اعصار

الله يرحم حال المسلمين