اللي ولدها عنده فرط حركة وتشتت انتباه وفي سن مدرسة تدخل

المسألة مؤ مسألة حركة وطاقة زايدة لا المسألة مسألة تعليم ومستقبل طفل فرط الحركة وتشتت الانتباه ما يقدر يتعلم زي باقي الاطفال لانو اصلا الانتباه والتركيز منعدم دحين مثلا لو الواحد مندمج في شي كتاب ولا مسلسل ولا مكالمة هاتفية ولا حتى سرحان وشخص يكلمه في سالفة وبعدين يسأله عن السالفة ديه ما حيعرف لانو ما كان معاه اصلا زي كدا الطفل اللي عنده تشتت انتباه قد ما علمتيه حتى لو هو جالس ما حيكون معاكي ما حيقدر يتعلم ولو ما اتعالج راح يسببلو الشي دا صعوبات تعلم 

انا بنتي حركتها مره كثيره
ومن دخلت المدرسه كنت اذاكر لها واتعب لانها ماتستوعب بسرعه وافهمها عن الدرس والقى تفكيرها مو معايا
وحتى في المدرسه ابلتها تشتكي من كثره حركتها
بس ابدا مافكرت اوديها اي مشفى وكل ماتكبر احس انها تهدى شوي شوي
وهي تنجح بس مو من الاوائل

فرط الحركه سببه نقص اليود. زي لما تقولي مثلا نشاط في الغده الدرقيه.
اشتري محلول اليود من الصيدليه، وادهني نقطه وحده فقط على ايده. ازا امتصها الجسم بسرعه ونشفت عنده نقص.
بعدها ازا بتعطيه انصح يكون تحت اشراف طبيب. بس بالغالب نقطه وحده فقط بكاسه مي. شوفي دكتوره شو بيقول بالاول.
ما انصحك بالادويه. الها مضاعفات.

انصحك تسوي حميه ﻹبنك اسمها حمية جابس ابحثي عنها بقوقل بإذن الله راح يشفى ابنك نهائيا ﻷن سبب هذي اﻹضطرابات بالجهاز الهضمي واذا شفي الجهاز الهضمي راح يشفى الطفل من اﻹضطراب

اخت زوجي عندها ولد عنده فرط حركه وعدم تركيز وهذه السنه سجلته صف اول ف مدرسه حكوميه.انتي سجليه والله بيعينك توكلي ع الله وسجليه وربك بيعينك .ع فكره ولد اخت زوجي نومه قليل سبحان الله