عزيمة حمولتي محتااااااارة فيها

اطباق عالم حواء

السلام عليكم

هلا اخواتي

انا الله يسلمكم قدر الله علي وعزم زوجي اقاربه يوم الخميس حريم ورجال
طبعا انا من اليوم بديت اختار الاصناف والحلى وأبدا أجهز
أفزعوا لي وجابوني
لأني بصراحه في السناعه من جنبها

السؤال الاول...

عندي درزن اكواب قهوة تركيه تجنننننن شاريتها وما استفدت منها الامرة وحده
عادي أقدم كابتشينو ولاالجو مايساعد أخاف ينقدون علي حررر وتقدم كابتشينو وانا راسي وألف سيف يشوفون الأكواب الجديده

بحل يالبزران ههههه

السؤال الثاني

الرز بيجيبه زوجي من برى
وش احط معه
انا أضبط اللزانيا مرررة بس أهلي يقولون مايصلح رز ولزانيا
وش رايكم...؟؟


يقولون حطي صينيه خضار وانا مالي خلق قلي انصحوني

بعطيكم المنيو

رز من برى
لزانيا او اي صينيه
سلطه الزهرة
فطاير جبن
شوربة كريمة الدجاج
سمبوسه





اللي عندها اي اقتراح لاتبخل علي

طبعا حلى القهوة وحلى العشا بسويها الاربعاء
والسمبوسه والفطاير الثلاثاء
ان شاء الله
يبقالي الصينيه والشوربه والشاي والقهوة في نفس اليوم
21
6K

يلزم عليك تسجيل الدخول أولًا لكتابة تعليق.

تسجيل دخول

أم الوافي
أم الوافي
هلا بأختي *** صهيل الخيل *** .... بصراحه اذا الطبق الرئيسي (( كبسه )) ... فالمنيو حقك ماأشوف كتبتي السلطات ايش ...؟؟؟؟!!!

يعني سوي كذا صنف من (( السلطات + مشكل معجنات + صواني مثل الشاورما بالصينيه + دجاج مشكشك + صينية خضار + فتة باذنجان + محاشي كوسه وبطاطس + ورق عنب وملفوف + الشوربات + المقبلات + كاسات حلى سفره + صواني حلى سفره + حلى القهوه )) ..... وبصراحه تبين ترتاحين ... اذا عندك (( كتاب نخبة الأطباق _ أمل الجهيمي )) ... بصراحه جميع ماتبين فيه ومريح في الطبخ وحركات التقديم ... والله يجزاها خير على هالكتاب ....:27:

... والله يساعدك يارب :angry:... وتكوني مبسوطه من العزيمه ...... :39:

$$$$$$$$$$$$$$$$$$$$$$$$$$$$$$$$$$$

تحيتي ****** أم الوافي *******
برووئه
برووئه
شوفي حبيبتي

انا من الناس اللي ما احب التبذير

و اشوف ان فن الضيافه مو ضروري بكثرة الاصناف

و المفروض ان الاطباق تكون مكمله بعض

عني بما انه في رز فهذا يكفي كصنف نشويات

ماله داعي مكرونه او لزانيا او او الخ من النشويات

انتقلي لصنف ثاني

اللي هي السلطات

سوي السلطه المناسبه لنوع الرز

يعني مو كل سلطه بتجي لذيذه مع اي رز

كل رز له سلطاته

فشوفي ايش نوعيه طبخة الرز واختري له صنفين من اصناف السلطه المناسبه

و اشوف ان صنفين كفايه

انتقلي لصنف اخر

الخضار

سوي صينية خضار مشكل لا تحطين فيها دجاج او لحم

خليها خضار بس وفي القسم هنا صواني خضار روعه وسهله مره

انتقلي لصنف اخر

سوي محاشي وافضلها ورق العنب

و اذا مافيك خلق ورق العنب في هنا بالقسم طريقه لورق العنب بخمس دقائق

والله ناسيه اسم الاخت اللي كاتبتها روعه سوي الطريقه

وطبعا بما انك حطيتي ورق عنب

فلازم تكون التبوله موجوده

ولا تنسي الفتوش لذيذ

بالنسبه لشوربه الدجاج ما ائيدك فيها لان الرز باللحم فماله داعي وجود الدجاج

السمبوسك مهم و فيه هنا اصناف منوعه لسمبوسك خذي لك صنفين

شي باللحم وشي بالخضار

فطائر الجبن كمان نوع

اعتقد ان كذا كفايه


و بعدهم اختاري لك صنفين حلو

شي بالفواكه

وشي بالشكولاته

طبعا مع العصاير اذا بتسوين


اشوف ان كذا مره كفايه

ولا تنسين ان بتحطين حلا للقهوه

و بسكوت للشاي

يعني خلي شعارك لا لتبذير

و لا لغسيل الصحون

وخذي لك برمه على المنتدى و اختاري اصنافك


بالنسبه لكاسات الكوفي

اذا كانت العزومه عشاء فصعب تقدمي كاباتشينو

لان الوقت الانسب للكاباتشينو هو الصباح

واذا نفسك تستخدمي الكاسات

شوفي شكل الكوب ينفع تقدمي فيه الشاي

في اكواب تنفع يتقدم فيها شاي وكوفي

اذا حجمها وشكلها مناسب قدمي فيها الشاي

بدون ما تدخلي معاها براد الشاي

يعني تصبي فيها الشاي وتحطيه في طبق وتقدميها

والبراد يظل في المطبخ

واذا كان عندك لها براد مناسب فيصير تقدمي الشاي

ما ادري اذا فهمتيني

هذي صوره علشان اقرب لك الفكره
صهيل الخيل
صهيل الخيل
يابعد عمري ياللي رديتو
بس الصدق الصدق
انها دوريه معتاده بس هالمرة زادو ضيوف جايين من برى الرياض
وابغى اكشخ عندهم شوي بس مو لدرجه احط 20 صنف خاصة اني حامل وماعندي شغاله
يعني بجنب الرز طبق رئيسي وطبق سلطه وطبق شوربه وصنف او 2معجنات وحلى وصلى الله وبارك

ياعمري يا ام الوافي الله يسعدك ويوفقك ويخليك لعين ترجيك ذكرتيني الفته
وعندي الجهيمي
بس استهلكت طبخاته من كثر ما اسويها

بروووووئه
ولايهمك الغيت الشوربه واضفت نوع معجنات
بس ماعندي صواني خضار الا قلي وانا مااأقدر يروح وقتي في القلي خاصه انه حريم ورجال لازم كميه كبيرة كافي علي قلي الزهرة في السلطه
والتبوله وورق العنب ماقد جربتها ولا ابي التجربه فيهم
لاااااااااااااا الاكواب ماتنفع للشاي وعادي
كثير ناس يقدمون كابتشينو بعزايم عشا بس هل يصلح في الصيف او لا

قولي آآآآمين الله يوفقك ويرفع قدرك ويرزقك كلللل ماتتمنين
أم الوافي
أم الوافي
... هلابك .... ولايهمك يالغاليه سوي ^^الكابتشينو ^^ بعد العشاء بشوي للحريم مع حلى كاسات أو سفره .... وحاولي انك ماتحلي الكابتشينو كثير علشان الحلى الموجود ... واكشخي بكاساتك .... ووسعي صدرك ,,,,, والله يساعدك .... معليش يمكن كثرت عليك الأصناف بس توقعت عندك أحد يساعدك .... والله يهون عليك ... وأهم شي صحتك .... والا جيبي من الحريم اللي يطبخون في البيوت وشغلها حلو وثقه ....

%%%%%%%%%%%%%%%%%%%%%%%%%%%%

تحيتي ****** أم الوافي ******
صهيل الخيل
صهيل الخيل
ياجعلك ماتبكين غالي ياام الوافي

عزالله ماقصرتي واقتراحك في محللللله