حتكلم اليوم عن اكثر من طريقة واتمنى من العلي القدير ان يكتب لي ولكم الاجر
1/ اولا صدقة المال :خذي معاك فلوس وانوي فيها الصدقة وكل ماحسيتي انو في مجال لاتبخلي ونصيحة اذا رحتي ترمين الجمرات لا تنسين هذي الفلوس وانتي ماشيه حتلاقي ناس كثيرة محتاجة وخااااصة عمال النظافة ,ايضاً في اكشاك صغيرة تقدري تتصدقين فيها سواء صدقه او زكاة او اضحية وغيرررره.
2/ صدقة الماء: من جد شعور غير لما تتصدقين بالماء لانو كل الحجاج وانتي ماشية بيكونون تعبانين من الشمس والمشي طبعا هذا وانتي رايحة لرمي الجمرات اما انك توقفين عند الكفتريات الصغيرة وهي قلة عند البيك وحولينها اول ماتنزلين من الرمي تقريبا ,او انك حتلاقي شباب صغار السن يبيعون ماء في الطريق للحجاج اطلبي منهم ان يسبلون لك كرتون او كرتونين ماء وكمان في طريقة ثانية انو في علة الطرق الرءيسية سيارات توزع ماء اطلبي منه يسبل ومابيقصر او حل اخر اذا صاحب الحمله الي انتي فيهاابن حلال ومايقصر خلي محرمك يعطيه فلوس واطلبو منه يجيب لكم اكثر من كرتون ماء وهو رايح مكة يجيب الوجبات وخذيها واعطيها اقرب طفل افريقي وهم كثرة او شاب صغير واطلبي منه يوزعها لك بسعر خمسة او عشرة ريالوشوفي العجب والله شعور راءع بس لازم توقفين تراقبين لايروح يبيعها لنفسة او اذا قدرتي انتي او محرمك وزعيها.
3/ اجر قرأت القران: اشتري قبل تروحين الحج مجموعه من المصاحف الصغيرة مثلا خصصي مية ريال واشتري مجموعه
وحطيها بكيس وخليها بيدك لاتتكرينها مع العفش عشان لاتدعس المهم وزعيها في المخيم وربي شي عجيب تخيلي ان بعض الحاجيات ماااعندهم مصاحف ومررررررررررررررررة يفرحون فيها تخيلي لما يصير مع الانسان مصحف هديه وكل شوي يقراء فيه الاجر حيكون ايضا للمهدي .
4/كمان خصصي مبلغ قبل الحج وانتي رايحة لمحل التسجيلات اشتري مجموعة من المطويات الصغيرة الي مكتوب فيها احكام الحج ومحضوراته لان اغلب الحجيات اغلبهم ترى يجهلون الاحكام وخصوصا اذا لم توجد داعيه بالحمله المهم اشتري مجموعة بعشرة ريال تقريبا مية حبة اشتري كم نوع مثلا عن احكام الحج -المحظورات- يوم عرفة ...
وزعيها والله بيستفيدو منها .
5/ كمان اشتري كرتون مساويك او اشتري الي يجي حزمة معا بعضة يمكن بعشرة ريال ووزعيها
6/اشتري مجموعة من الكتب بلغات مختلفة مثل كتاب حصن المسلم باللغة الاردية والاندنوسية والانجليزية وابدي دوري على اشخاص واعطيهم ترى مررره يفرحون
7/اشتري اذكار وادعية وكمان وزعيها..
8/اشتري مجموعة من السبح وظميها للمجموعه السابقة ووزعيها ولاتنسي ان تاخذي معك سبحة اثناء الذهاب للرمي حتى تقضي الطريق وانتي تذكرين الله...
حاولي توزعين الاشياء السابقه في مجموعة او في اكياس صغيره ةتقدميها كهديه في اليوم الثامن وفي صباح اليوم التاسع ليكتب لك الاجران شاء الله..
اسأل الله ان لايحرمنا الاجر
لاتنسوني من خالص الدعاء وان يستجيب الله لي ويحقق لي مرادي
فأنا بأمس الحاجه للدعاء
انسة ميمي @ans_mymy
عضوة نشيطة
يلزم عليك تسجيل الدخول أولًا لكتابة تعليق.
انسة ميمي
•
استغفر الله العظيم
الصفحة الأخيرة