هذا التمرين يساعد على نزول الراس في الحوض للتواسع فقط

بسم الله الرحمن الرحيم

كيفكم يا حوامل ان شاء الله الكل بخير والله يسهل على الجميع

بصراحة فيه تمرين قالت لي اختي عنه انه بعد ما سوته ولدت خلال أقل من اسبوع لأنها عانت بولادتها الاولى لان الطفل مانزل بالحوض وقعدوا الممرضات يضغطون بأكواعهم والدكتوره تسحب بيدها من تحت لين نزل بالحوض ذاقت العذاب والله تقول اصعب من خروج الراس.

وهنا بقولكم معلومة انه فيه فرق بين لما يقولون الراس تحت وهذا ممكن يصير من السابع وبين ان الراس نزل بالحوض هنا تلاحظين ان بطنك تغير شكله نزل لأسفل تختفي السره البارزه يلين البطن نوعا ما ويشتد وقت حركة الجنين او الانقباض هذا خارجيا وداخليا يبدأ الرحم في الاتساع وتقل سماكته

هنا اعرفي انك بإذن الله ماراح تقعدين أكثر من اسبوع وتولدين على خير

التمرين هو :

وقفي وباعدي بين رجولك ويكون قدامك شي تسندين عليه كرسي او طاوله تتحملك بعدين اجلسي زي لما تكونين وانتي بكرامه تقضين حاجتك بالحمام العربي ... انتبهي ان الاقدام لازم تكون مستويه كلها على الارض يعني ما تكونين معتمده على اطراف الاصابع بس ,,كلما بعدتي بين رجولك صارت الاقدام مستويه بشكل كامل على الأرض . اتمنى تكون وضحت الوضعيه الحين ابدي عدي الى العشره ثم وقفي مستعينه بالكرسي او الطاولة اللي قدامك وخلي وضع رجولك مثل ماهو تنفسي بهدوء وارجعي اجلسي بنفس الوضع وعدي للعشره ووقفي ونفس الشي خذي نفس استغفري وادعي لنفسك بأذن الله ييسر عليك وكرري التمرين 10 مرات وكل مره عدي للعشره وا ن شاء الله تشوفين خير صلحيه 3-4 مرات باليوم ثلاثة ايام كافيه
مهم جداً
هذا التمرين للي داخله التاسع لها اسبوع يعني خلصت ال36 اسبوع

ممكن على طول تبدى معاك الانقباضات (الطلق) وممكن بعد تنزل موية الجنين