هذي الله يسلمكم خبيزاتي سويتهم البارح عشاء مع صينية خضار بالدجاج
وكانت مره طعمه ولذيذه (وحده واثقه من نفسها):hahaha:
مكونات الخبز ماء دافي تقريبن كوب كبير ونص
دقيق ابيض انا استخدم الكويتي الكميه كيس كامل وممكن نحتاج زياده لتتماسك العجينه وممكن تضيف شويه بر
بياله شاهي حليب +بياله زيت +نص بياله سكر +ملعقه ص ملح +ملعقه ك خميره فوريه +نص ملعقه ص بكنج بودر
نضع الماء والزيت والسكر والخميره والملح ونخلطهم جيدا الى ان يذوب السكر والخميره نبدا نضيف الد قيق والبكنج باودر طبعا انا ماعتمد كثير على المقاييس احط الدقيق الى ان تصبح العجينه متماسكه ولاتلتصق باليد ولو احتجتي بللي يدك بالزيت اثناء العجن بعدين نغطي العجين ربع ساعه وبعدها ارجع ابل يدي بشوية زيت واعجنها مره ثانيه اجمع اطراف العجين في النص واعجنها زين وارجع اغطيها واتركها نص ساعه ويمكن اقل تعرفو الدقيق الكويتي يختمر بسرعه
وهذي صورة العجين بعد مخمرنحمي الفرن مره وندخل الصينيه تحمى شوي ولازم ننتبه مايكونو الاطفال قريبين من الفرن نطلع الصينيه وناخذ من العجين بعد بل اليد بالماء ونفردها على الصينيه باي شكل
تبغيه ونقوم بتخريمالعجين باليد عشان الحراره تتوزع فيه ويستوي بسرعه وندخلها الفرن وتكون النار من تحت وننتبه لايحترق يعني لازم تكوني واقفه جنب الفرن واذا حسيت انها استوت ولعي من فوق الى ان تتحمروتخرج وتغطى جيدا انا مخصصه شرشف للخبزوهكذا الى ان تنتهي من الكميه على فكره مايخذ وقت في الفرن
بالنسبه لصينية الخضار = بطاطس =جزر= كوسه =زهره = دجاج بدون جلد ومقطع قطع متوسطه = بصل شرايح = وفي الخلاط اربع حبات طماطم وفص ثوم وماجي وبهرات ولاننسى الكمون والزيت =شويه كزبره خضراء كاسه مويه حاره
الطريقه
نضع شرايح البصل ثم الدجاج والخضار ونصب الخلطه عليها ونقصدرها وعلى الفرن بعد ماتستوي نفك القصدير ونخليها تنشف شوي المرقه
وصورتها قبل تدخل الفرن
وتقدم مع الخبز بالهناء والعافيه
وبعد مايخلص الخبز يقدم مع الايدام او العسل والجبن وانتي ورغبتك وبالف صحه وعافيه
