هلا وغلا العطـــاويه

اجل خلاص خلينا نشوف الخاص بس ما كنت ادري انك موضفه



لا خليني نيراز احسن ههههههههههه
طيب حلووو حاولي تثبتي العكس طالما موافق بس عشان يثبت لك عدم الجدوى لكن احرصي بس قولي له اعطيني فرصه ما تقل عن 3 شهور


امري يالغلا انسخي الرد اللي تبينه وعيوني لك يمكن الفتره اللي كتبتي فيه كنت مشغوله انا انشغل فتره وارجع
بس لا تزعلين ترا حتى انا سفهوني البنات رديت لهم رد وسالتهم فيه ولا ردو علي عاااادي اهم شي التواصل وارجعي اسئلي ما عندك مشكله تامرين امر


شوفي بالنسبه للاسهم انتظري اسبوعين شوفي كيف السوق وتابعي بعدين توكلي على الله بس ما انصح بصراحه بشركات بالهلل شوفي لك هبره حلووه تعرفي قسمي المبلغ وكل فتره ادخلي بقسم بالراجحي لا تبعدين او المراعي كل ما نزل السعر خذي مجموعه الين تخلصين المبلغ واذا شفتي المؤشر لعلع بيعي طوالي

اذا عندك قيمة ارض انا اقولك ارض ولا تناضرين بالاسهم ابد الارض هي الابن الباااار ترا السنه والسنتين والله تطير زي السلام عليكم ما تحسين فيها واذا والله المبلغ حليووو اشتري شقه واجريها والله تدخل عليك ذهب ولا تسمعين للي يقولك العقار بيطيح ترا العالم جالس تجمع عقارات لعلمك



يا عزيزتي ولا تخجلي ولا شي كلنا نحس في بعض ونعرف ضروف بعض ويمكن وحده فينا مرت بنفس الضروف
بس برضوو صاااارحيه <<<< ودي احكي بس اخااااف انطق

بصراحه احب الحرمه اللي شخصيتها قويه لين قام يستهبل الرجال عليها قلبت الطاوله عليه يا تاخذ حقها يا حبيبي ترا مو انت اكبر همي والا بموت من دونك على فكره ترا الرجال عندنا الغالبيه على بالهم الحرمه بتضيع من دونهم ما دروو ان حن ضايعين فيهم وانا بلياهم برحمه ههههههههههههههه ترا اللي عندي لك عليه بعض الطلعات بس مثل ما قلت لك خلي شخصيتك قويه ومره شدي ومره ارخي وحتزبط معااااكي تبين الصراحه اذا مرررررررررره مررررررررره قفلت الاخلاق اقول يا حبيبي الدوله مامنه لي بيت ومامنه لي مصروف بس احمل اسم مطلقه لا وبعد بدل الرجال 100 رجال اللي جابك جاب غيرك بيعرف اني بايعه ام الدنيا وبيهجد بس مو دائما هذا موالك لا بس وقت الشده وبعدين لين راقت الامور ارجعي لطبيعتك ولا كان شي حصل بصراحه احب اسمع نصيحة ابوي يقول ما احب الحرمه اللي تدلع زوجها هههههههههههههههههههه شفتوو ابوي كيف يعجبني ههههههههههههه


يا حبنيلك يا بصيره هي وينها الارض اللي بـــ 20 دفعه واقساطها حلووه وموقعها حليييييو لكن بيرسلوني للربع الخالي معصي ادلي بدلوك لو عندك اراضي على هالصنف


سندريلا ... اشك اشك ان كل القروب اللي هنا وجيه لعمله وحده نفس الافكار ونفس الشخصيه ونفس التفكير كمااان

شوفي وانا مثلك بس تعرفي ايش مشكلتي المنطقه اللي انا فيها ما تشجع كل يوم ادعي يارب انقل الرياض
ومشروع الخياطه المصيبه اني ما استقريت كل يوم والثاني وانا مسافره يعني يبيلها جلسه
مشاريعك حلوه تنتظريني الين ارجع ونشوف صرفة حل ههههههههههههههه



هههههههههههههه خذي راحتك كلنا اغلاط املائيه بس نفسهم لبعض

هالحين بفهم 1300 ريال واخليها سنتين تجيني 120 الف وينها فيه ذي


والا 650 وتجيني بعد سنتين 70 الف وين بلقااااها

عطيني الوصفه والمقادير ودامتها حلال ابد نحطها وننساها ليش لا


ههههههههههههههههههههه لا تضحكين ترا انا ازود منها في البلع يا مطعم يا محل شكولا



اي والله هو فينه الابن البااار واحن اللي نبر فيه مو هوو ههههههههههههههه




يا عزيزتي عند سوق الحريم وفعلا فيه حجمين كبير وصغير ومنقوش وجره عااديه فخاار

قلت لك جهزي كل الاسلحه الهجوميه واطلقيها دفعه وحده ياتصيب يا تنصابين :22: بس لاتقولي الله لا يبارك في نيراز اذا الباشا من النوع اللي يده طويله اهجدي مالي دخل فيك

صباخ الخير ياوجيـــــــــة الخير

بالنسبة لنيراز كنتي تسألين يالغلا عن الجامعة حبيت أقولك اية انا بجامعة الملك عبد العزيز تخصص علم نفس أن شاء الله عساك معاي فيها ؟؟؟؟ياسلاااااام كان فلة جيت أخذ محاضرات عندك بدل الدكتورة

ألحين الرد على كل البنات الي قالو لا تساعدين زوجك أنا راح اقولكم القصة كاملة وأنتو فكرو من جدييد أساعدة والا لا <<<< أزعجتنا هاذي مكأن حد عنة زوج الا هي ههههههههههههههههه


القصة ياحلوات زوجي راتبة فوق 8000 الاف وعندنا دخل أستثمار حوالي 2000 ريال والبيت موفرينه العمل لكن عنده قدرة على الصرف تتوزع على دولة كاملة لدرجة اني أسمية الصرافة مو لكثر فلوسة لا والله الا مهمتة الصرف والصرف فقط عنده خوان موظفين وأخوات متزوجات وتعالو شوفو الوضع يوم الراتب الجوال مايسكت طلبات ماتنتهي الي تبي المستوصف الخاص وزوجها مداوم مايقدر يوديها والي تبي تروح السوق عيالها يبون أغراض ومن هالكلام


طبعا انا موظفة وكل طلباتي والحمد لله قولو ماشاء الله قايم فيها وعمرة ماقال انتي موظفة وين راتبك والا خذي من فلوسك

الشغالة هو الي جايبها وهو الي يدفع راتبها طبعا انا مأاقصر مومدح لنفسي لا والله أقضي لي ولعيالي أحيانن مودايم أطلعه كل خميس ألعبهم ونتعشى ونتسوق برى أمر على بنده أخذ ب400 كل أسبوع وشي ماأدري كلها خرابيط شوكلاته وكابتشينو وأنواع عصائر يعني صرف بدون فائدة لأنه ماأخذ كل الأغراض الأساسية للبيت أسد جوالي دائما (( مابقى الا هو تبينه يسدده))

طبعا يوم بعد يوم زادت المصاريف والديون <<<< حطوها بين قوسين الديووووووووووووووووووووووووووووون

والسبب أولا\ الصرف بدون تفكير وعدم القدرة على التدبير
ثانيا\طلبات خوانه وخواتة الي ماتنتهي
ثالثا\ كثرت طلباتي وأهتمامي بالمظاهر ابي أخلص الفلوس علشان لا يعطي خوانه وخواته ((مهبوله ))


ومازال الوضع مستمر وقفة وقفة حازمة وقلت يابنت كفاك الجلوس في مدرجات المتفرجين أنزلي الى ارض الملعب

وخوضي مبارة مع الميزانية والمصروف وياأنتي ياهي وأكييييييييييد انا أن شاء الله


جلست معاه جلسة صفاء وتناقشنا بكل هدوء وروقان وطلبت منه أتولى أمور الصرف واااااااااااااافق وبشدة لنه خلاص على قولتة وصل مرحلة الأنهيار (( فديته كان متماسك قدامنا وكأنه مو هامة الوضع ))


شروطي لتولي الأمور أولا \ يسحب لي الراتب كلة مايبقي ولا ريال

ثانيا\ خوانة وخواته لو يموتون مافية ولا ريال يفهمهم انه ساحب قرض جديد والوضع ماعاد زي أول همنا ابوه وأمة والباقيين بطقاق يدبرون عمارهم

ثالثا\ الي يتوفرمن الراتب حلال علي ((طماااااااااااااااااااعه )) وااااااااااافق وبشدة متأكد سي السيد انه ماراح يبقى شي



المهم قسمة وضربت وجمعة وطرحت لين طلعت بميزانية مريحة لنا ياويييييييييييلكم لو وحدة تقول عطينا التقسيمة لأنها مستحيل تناسب غيري لأني ادرى بظروفي صح هي مضغوطة جدا جدا تخيلو 900 فقط مصروف أكل وشرب وفواتير كهرباء وتلفون
لأحد يقول يويو ماراح تكفي والا وش بيسوي هالمبلغ راح أقولك بتكفي يالله اقنعت نفسي انها تكفي وان شاء الله ربي مايخيب أملي
بس فترة 4 أشهر ان شاء الله وارتاح من أحد الأقساط


بالنسبة للي يقولون ليش أسدد عنه رسوم الجامعه : انا دخلت من راتبة500 في جمعية لمدة 10 أشهر 5000 ريال راح يستلمها اخر واحد وماقلت له عندها علشان لا يدوخني بالأسئلة متى بتجي وليش تورطينا في جمعيات حنو مو ناقصين ألتزامات يالله نقوم باللي علينا ومن هالكلام ألحين بدفع عنه3000 رسوم الجامعه علشان فترة التسديد محدودة وأذا جات الجمعية اخذ ال3000 حقتي وأعطيه 2000 وأقترح علية ايش ممكن يسوي فيها


ونرجع لل20000 والله لاهي جايبة سيارة ولأارض صح أنا معكم ان العقار هو الأبن البار بس هالأبن البار عيا على نفسة لايجينا وحن الي بنبر فية

المهم بما اني استلمت كل الراتب من أقساط وغيرة انا راح اسلم راعي السيارة فلوسة وراح يخصم من الأقساط زي ماقلت لكم
حوالي 3000 لأني راح أعطية كاش وأكون أستفدت حاجتين الأولى شلت الدين عن زوجي وفرحت قلبة وحبة رأس فوقها
والثانية خفت علينا الأقساط وقلت مدة السداد ونقص مبلغ منه

الثالثة وهي الأهم المبلغ الي كان يمشي قسط لسيارة راح ينزل في حسابي كأني أنا صاحب السيارة وراح أدخل فية جمعية كبييرة
وكذا خذيت حقي وافي أما سالفة اني اعطية كامساعدة لا حبيابي مستحيييييييييييييييييل اذا بعطيه أحد مسااعدة ألزم علي اعطيها أمي ولا أبوي

للمعلومية األى ألحين ماقلت له شي ابيها مفأجأة أقصد يمكن أغير رايي من لين تجي الجمعيه



ها وشرايكمأساعدة والا لا ؟؟؟؟؟؟؟؟؟؟؟؟؟؟؟؟؟؟؟

جالكسي ما دام المبلغ بيرجع لك فاعطي زوجك وراح يرجع لك مضاعف بعد الجمعية وكذا بتسفيدين ان شاء الله هذا رائي

مشكورة نيراز شكلي انا عودته على هذا الشيء اكيد بيغير استراتيجته مع الحريم لمن اتزوجني والا حرمته الاولى مدرسة ومشيته زين حتى بنته لو بغت خمسة ريال تدق عليه وانا ولا شيء بس باغير شخصيتي