rere555 @rere555

عضوة جديدة

بأنقل بيتي الجديد وأنا خايفة ومهمومه

السلام عليكم ورحمة الله وبركاتة ...أخواتي العزيزات انا ما أقول عندي مشكلة بس مهمومه وخايفة شوي أنا أن شاء الله راح أنقل بيتي الجديد والملك الأسبوع هذا , وعلى قد ماكنت متحمسة حماس موطبيعي على قد ما صرت خايفة ليييييييييييش؟لأن أهلنا يعني الأقارب والجيران أحسهم مرررررررررررره منتظرين :30: أنقل البيت يمكن أكثر مني, يمكن عاجبهم شكل البيت من برى لأنه والحمدلله يهبل ويبون يعرفوا أيش ألي فيه, ولا يمكن عشان أختي نقلت قبل سنة بيتها وأنبهروا فيه وطقوة عين لين طاح جبس المطبخ من أسبوع من نقلها فيبوا يعرفوا كيف بيتي لأن أزواجنا أخوان, وهذا غيرأنهم يدقوا عالوالدة يسألوها هاااااااااااه بنتك متى بتنقل بيتها عاد أنتم مالكم داعي أشبكم صارلكم سنه تأثثون؟ويدقوا علي البنات هاه اش باقي عليك وش سويتي مع اننا مو ذاك الزود فالعلاقة يعني كويس أذا زاروني فالسنه حسنة. ولا يراقبوا البيت الداخل والخارج شوي الكنب وصل شوي شفنا غرفة النوم!يعرفوا أش حطينا فالبيت مع انهم موذاك القرب ألي يخليهم يقدروا يعرفوا كل شي..وطبعا" في عاداتنا إذا الحرمة بتنقل بيتها لازم يكون في حفلة وعالم يستقبلوها هم وأهل زوجها ويرحبوا فيها قبل لاتدخل أول خطوة من بيتها.ولازم البيت مايكون ناقصة أي شي من أكبر قطعة أثاث لييييييين فنجان القهوة لازم يكون البيت على سنغة عشرة ولا طلعوا عنك وعن زوجك مليون سالفة,, وأنا ما أتكلم عن ناس محددين او عايلة وحده المشكلة كل الجيران والأقارب..عشان كذا صرت خايفة على نفسي وزوجي وعيالي,,يكفي أن زوجي والله العظيم يا بنات أنه كان ما يشكي من شي أبد ألا لما بدينا نشطب البيت, يوم من الأيام كان واقف قدام البيت وما حس ألا بذاك الألم فبطنه ألي كان حيموته لو ما شافة أخوه من بعيد وشاله المستشفى ومن يومها ألين اليوم والرجال من تعب في تعب الله يشفيه يارب..
المهم أبي نصايحكم حبيباتي ألي ما أستغني عنها أبد..

13K

يلزم عليك تسجيل الدخول أولًا لكتابة تعليق.

تسجيل دخول

ام لمى وليان • 14 سنة

يااختي توكلي على الله حق التوكل العين حق لكن لاتخليها تشغلك تحصنو بالاذكارخلي القرآن شغال بالبيت هذا مهم انا مثلك كل شوي متى تخلصوا بيتكم بيتكم
كبير خزانكم كبير شافوه وانا ماشفته نصيحه لك عليك بالدعاء انه يبعد حسدهم وحقدهم عنكم الله يبارك لكم ويجعله بيت عامر لكم بالصحة والعافية والخير
والرزق والبركة ولاتخافي توكلي علىالله والله كريم.

NAGLAA1403 • 14 سنة

ياقلبي حاسة فيك لاكن بعد لا تتطيرين من بيتك

حصني نفسك وزوجك وعيالك وحتى بيتك وتوكلي على الله

ولاتنكدي على نفسك وتضيعين فرحت عمرك تنتظرين عين تطقك

توكلي على الله وربي يكفيكم عيون الناس

مابي اسم كيفي • 14 سنة

عليك بالدعاء ونتي ساجده

واكثري الاستغفار وحصني نفسك وعيالك وزوجك وبيتك

وتوكلي على الله

ام الحليس • 14 سنة

غريبه وش هالعادات انتو من وين

يختي انا نسكن لجل انفسنا مو لجل النا س ويستقبلونا ومظاهر اجل احنا نسكن وبعد سنه نأثث وبعضهم اكثر

وعوذي نفسك وبيتك والا توسوسين

rere555 • 14 سنة

مشكورين أخواتي على ردودكم ..مشكورة حبيبتي أم لمى وليان والله ضحكت ضحك لما قريت سالفةالخزان نفس الي حصل معي سمعت عن كنباتي وانا لس ما شفتها..
مشكورة أختي NAGLAA... وما بي أسم كيفي ..وأم الحليس...تسلموا حبيباتي على ردودكم الله يجزاكم ألف خير.. وأكيد من أني راح أتحصن وأحصن بيتي وعيالي وزوجي بس صرت نفسيا" مو مرتاحة وخايفة وكل شوي أأجل النقل مع أني ذبحت زوجي لأني كنت مستعجلة..
الله يوفقكم دنيا وآخرة أبي بس دعواتكم لأني كمان حامل في السادس وحدي تعباااااااانة وما أقدر أمشي زي الناس لأن أربطة الحوظ عندي أرتخت.. دعواتكم الله يجزاكم الجنه..