خايفة على مستقبله.. أفيدوني...

السلام عليكم ورحمة الله وبركاته

عندي مشكلة مع ولدي وعمره تقريبا 4 سنوات
يحب اللعب مع البنات .. ومايلعب في الروضة إلا مع البنات ..
حتى إنه يقول : أنا ما أحب الأولاد..وما احب العب وياهم..
ويلعب مع البنات إن هو الزوج وهي الزوجة ويسمون اطفالهم بعد..
يعني وايد يميل للبنات
وفي نفس الوقت يحب يقلد أبوه بالمرجلة ولبس الرجال ويموت بالكندورة والغترة والعقال
يعني ما أحس إنه إمعة.. والحمد لله..


بالنسبة لطباعه .. جريء.. عنيد .. والضرب ما يجيب نتيجة معه ..
ولما أبي منه شيء لازم أسايسة أو أني أخليه يتنافس مع أحد
ولسانه طويل على أجداده وجداته الله يطول لي بعمرهم
وأحيانا يكون مطيع جدا..

ما ادري كل الي قلته شيء طبيعي ولا لا؟؟؟
يمكن عيال هالزمن كلهم جي ...
والله إني خايفة على مستقبله وايد...
حبيباتي ساعدوني وانصحوني وأفيدوني
والله يرزقكم بالذرية الصالحة إن شاء الله