IIOII :

حبيبتي الغاليه ممكن يكون فيك اكتئاب مابعد الولاده لانه مرات يطول ويجي بعد فتره طويله من الولاده او من حبوب منع الحمل اذا كنتي تستخدمينها واذا صدق وقفيها فورا وروحي دكتوره. اولا : لازم تقوي علاقتك بالله وتلتزمي بصلاتك وتقرأي قرأن ولايفتر لسانك من ذكر الله والاستفغار سر عجيب من اسرار السعاده وارجعي اقرأي سيرة النبي المصطفى وقصص الصحابه بترتفه نفسيتك كثير وبتشوفي هالسوالف الي شاغله نفسك فيها حقيره وتافهه وان الحياه نعيشها للعباده قبل لاتكون وناسه ولبس ومدح ومجاملات. ثانيا: زوجك يحبك جدا لكن للصبر حدود وكثرة الالحاح عليه بهالمواضيع بتخلي اوهامك تتحول الى حقيقه ويصير فعلا مايحبك ولايشوفك مزيونه ولايحب بنتك. انتي يا عمري زوجته الي يحبها واختارها من بين كل بنات الدنيا وبنته قطعه منه واكيد يحبها لكن مافي مانع ولاضرر تحببينه فيها زياده يعني دايم قولي له شوف بيبي جالسه تلعب شوفها يا محلاها تهبل حركاتها يعني دايم الفتي نظره لها وخليها محور مهم بحياته لان هاالاسلوب بيخليه يتعود يراقبها ويفرح بحركاتها لحد مايدمن عليها ومايقدر يفارقها . ثالثا: انتي اى انتي وش ناقصك؟؟؟ الحمدلله مسلمه عندك اسره يحبونك ووطن وشريفه عفيفه عندك زوج يحبك وبنت وان شاء الله بتجيبين الاولاد صحتك الحمدلله زينه ماينقصك لا عيون ولا رجل ولا يد ولاعقل يعني صحتك زينه . احمدي ربك على النعم الي انتي فيها وتلذذي بكل لحظه بحياتك واستمتعي فيها وترى العمر يمشي ادخلي الانترنت وانتقي اجمل الملابس وروحي اشتري نفسها اهتمي بشعرك وجسمك وتذكري وش لون كنتي قبل وش الي ناقصك؟؟؟ فكري شوي؟؟ ايش الي كان عندك زمان؟؟ يمكن الابتسامه والوجه البشوش؟ او الثقه بالنفس ؟؟ او قربك من الله؟؟ صدقيني لو اجتمعت هالاشياء فيكي بتكوني اجمل نساء الارض لان الجمال ينبع من داخل القلب وبالراحه النفسيه. استرخي دايم واستغفري كثير وعززي ثقتك بنفسك ومن احب نفسه احبه الجميع. ويارب يوفقك ويسعدك يارب

حبيبتي الغاليه ممكن يكون فيك اكتئاب مابعد الولاده لانه مرات يطول ويجي بعد فتره طويله من...