هل هذا الشي سبب في عدم تقدم الناس لخطبتي !!>>اكتفي من الردود

السلام عليكم

طبعا مافكرت مجرد تفكير اكتب هالموضوع الا عشان شيئين اقدر افضفض وماحد يعرف انا مين ولاني ماقدر اقول هالكلام لاحد حتى امي

انا بنت عمري 27 سنه جسمي ميلكان ماشاء الله الله عطاني اكبر نعمه نعمه الجسم مرسوم رسم وشعر وملامح صغيره صح ماقول اني ملكه جمال

لاكن اعتبر نفسي ناعمه وبقوه والكل يقول عني كيوت وناعمه بس احسن شي عطاني ربي بشكلي الجسم

مشكلتي اني بحياتي ماحد خطبني ولا مجرد تلميح ولا كلمه مع ان ماشاء الله كل بنات اقاربي اقل مني جمال واقل شكل واجسام مو زينه

ولا اله الا الله تزوجو

انا انسانه قلبي نظيف نظيف ماحقد ماحسد والله يشهد علي بتقولون كيف عرفتي ان قلبك نظيف كم مره اقارب صديقات يتكلمون بكلام قوي فيني

وعادي اسامح وانسى واعاملهم احسن من خواتي واذا احتاجو اي شي لبس مكياج اي شي اساعدهم فيه واحب لهم الخير

جلست افكر ايش الشي اللي يبعد الحريم عني ولا يخطبوني مو معقول عمري 27 سنه واملك الف الحمدلله جسم جميل وملامح ناعمه

ولا احد فكر فيني استنتجت حاجتين وهالشيين ابي اسال اي اخت او ام لو راحت تخطب لولدها هالاشياء هاذي تبعدك عن البنت ولا تفكرين فيها؟

الشيئين الاولى انا بنت متعنطزه يعني بمعنى اخر مو اي شي يعجبني والناس يعرفوني بالشي هذا ان يوه فلانه مايعجبها كذا نعرف مزاجها

يعني دايم اذا سمعت مثلا فلان بيخطب وقالو اقاربي مثلا بنتنا انخطبت واسولف مع البنت عن الخاطب اكتشف راتبه قليل وبتسكن بشقه

فاقول بعنطزه وشوفت نفس قدام اقاربي يوه وشلون رضيتي بالرجال هذا ؟

او مثلا دايم قدام الاقارب كل وحده تقول ايش يمهما انا دايم اقاربي يعرفون اني اموت بالسفر ودايم اقول مستحيل ارضى اتزوج واحد مايسفرني هذا اللي ناقص

يمكن الحين على بالكم ماسافر ولا اروح ولا اجي

لاانا كل عطله سفر وروحات واسواق يعني متعوده والناس يدرون اني متعوده على الروحات والجيات فالاحظ الحريم اذا صار بيخطبون

يخطبون وحده ماتتشرط وحده ماسافرت ولا شافت الدنيا يدورون اقل بنت محرومه ولا ادري ليش

يبعدون عن البنت اللي تتشرط وكل شي متوفر لها

ثاني شي للاسف انا عاريه عاريه وهالشي تعودت عليه من الصغر امي ماكانت تمنعني عن القصير ولا عن البناطيل ولا عن الفساتين اللي الى نص الفخذ مع كيلون شفاف

فكبرت وتعودت على عبايه مزركشه فساتين الى نص الفخذ مع كيلون نفس لون جلدي وكاني مالبست كيلون بلايزي كلها توبات بدون سيور وكل كتوفي وكل صدري وظهري يطلع

لان ربي عطاني جسم جميل صرت استعرض فيه اشوف نظرات الاعجاب من بنات اقاربي والكل يتمنى نفس جسمي بس ايش فادني فيه؟؟

انا صار على كلام الحريم الكبار لحمي بارد يعني عادي جدا اطلع مع حريم اعمامي عجز اعمارهم فوق 70 سنه وانا لابسه فستان الى نص الفخذ مع كيلون شفاف

او بنطلون لينقز من بدي مطلع كل صدري وظهري وحده الله يجزاها خير انصحتني مره قالت ترا الحريم ابد مايفكرون يخطبون لعيالهم بنت عاريه

حتى لو انها ملكه جمال وحتى لو قلبها نظيف انا مافيني حسد مثل غيري مافيني غيره طيب هذا غيري مو عاريات وممكن يلبسون بعد قفاز

بس قلبها مليان حسد وغيره وماشاء الله متوفقه معقوله حياتي متوقفه عشان لبسي وعشان الطلعات والروحات؟؟

اعتبروني اخت لكم بالذات اللي يخطبون لاخوانها او عيالهم ايش اول حاجه تركزون عليها بالخطبه وتبعدون عن البنت اللي فيها

اكيد بتقولون الاخلاق طيب انا اخلاقي كويسه ولا فيني شر لاكن لبسي عاري

ممكن طيب تخطبون وحده متستره بس تطلع قلبها كلها حسد وغيره؟؟

انا ماقلت لكم هالكلام الا لاني احس خلاص عمري راح باقي 3 سنوات ع 30 ولا عمره احد فكر مجرد تفكير !!