ساعدوني بدورات المكياج للي يحبوا المكياج و فنه...

السلام عليكم و رحمة الله و بركاته...

يا بنات يا حلوات موضوعي و في نفس الوقت حعتبره استفسار حيفيدنا جميعا ان شاءالله...

انا امووووووووووووووووووووووت في المكياج و انا اعتبره فن صعب مش أي أحد يقدر يجيده الا اللي يحبه...

و انا تعبت و انا اسأل عن مراكز أو معاهد بيعطوا دروس عن الميك آب مع تخرج بشهادات في الآخر يعني أنا ما احب الشغل اللي اي كلام انا ابغى اتخرج و انا معايا شهادة تدل اني درست فن المكياج مو دورات مشاغل و الا عند ناس من غير شهادات.... طبعا الكل يبغى كدا صح و الا لا؟؟؟؟؟؟

المهم... انا فيه وحده الله يعطيها العافيه دلتني على مركز بيعلموا الوحده و في النهايه بتتخرج بشهاده بأنها فعلا درست و هو مركز المناهل للسيدات في حي السفارات بالرياض

و فيه وحده قالت لي معهد شيفلد ...

لكن انا و الله لحد الأن ما سألت عن هالمراكز لكن مركز المناهل حلو و واثقه لأني اثق في البنت نفسها اللي قالت لي عليه...

و حبيت اسألكم يا بنات انتوا كمان من اللي تعرف مركز أكيد و معروف و معترف به تدلنا و حكون شاكره لكم....