اخوان تحت سقف واحد

اعتصر الألم في كل لحظه

اعيش معه تحت سقف واحد ولكن للأسف إخوان العلاقه بيننا مره كل شهرين وإن كثر مره بالشهر

وله 4 سنوات على هذا الحال علما إننا متزوجين من 12 سنه وعندنا 3 أطفال والان حامل

طبعا الحمل هذا يدووووب صار بسبب قلة العلاقه

المهم ياأخواتي

إنه أول ماصار كذا يطول صارحته وكان يقول ادوية القولون وصدقته وله سنتين تارك الأدويه بس مافيه رغبه ابدا

بالبدايه كان يراعي شعوري ويعتذر الان صار عادي

ماأخفيكم شكيت بنفسي وكرهت حياتي ولاعدت أحس إني أنثى ومازال هذا الشعور

ولا راح تحسه إلا اللي مثل حالتي

صارحته وحلفلي إنه مافيه أي عيب

الان أحس إني كرررررهته والله ساعات اشوفه قبيح جدا ويشبه الشيطان

وأموت قهر يوم يهاوشني ويبغى أكله جاهز وملابسه طيب أنا وين حقي

والله إني أفكر بالطلاق بس مدري وين أروح بيت أهلي مشاكل

وفوق هجره لي ذبحني بالفقر ويكره السفر ويكره الهدايا

ساعات أقول ايش حادني على المر مادام مااحس باللي تحس فيه كل متزوجه وكل ماتذكرت بيت أهلي والمشاكل واخواني وصغر البيت أسكت وأنا ميته قهر

موضوعي حساس ولااقدر اشتكي لأحد واتكلم احراج

قولولي ايش اسوي؟ولاتقولولي صارحيه تعبت من كثر مااكلمه

تصدقون إني صرت أتلذذ بتعذيبه واكره أخدمه لأنه ماعطاني حقي مني ملزومه اعطيه حقوقه

أمس نمت بغرفة عيالي ولاسأل ...واليوم افكر انام بعد عندهم واخليه

احيانا اشتااااقله وابكي اعرف إنه ماراح يعطيني حقي

اخواتي كثرت هرج بس من قهري شورو علي ايش اسوي غير مصارحته

وادعولي اتوظف عشان اخذ عيالي واستاجر شقه واعيش مكرمه