يتيمة حنان
يتيمة حنان
انا انتركت مع شغاله في صغري.. اثيوبيه وتعلقت فيها اكثر من اهلي ولازلت اذكرها بلخير واشتاق لها وودي اوصل لها
كانت تسويلي كل شي وتغنيلي ليمن انام وتمسح على شعري واذا قمت حلمانه وخايفه اذكر تنام عندي او تنيمني عندها.. واذا صار لي شي تخاف علي اكثر من امي وحتى تبكي واذا طلعنا واحد سوالي شي ماترضى علي ولي معاها مواقف كثيييره الله يوفقها وين ماكانت

وشغاله ثانيه جات بعدها بكم سنه وانا عمري 13 كانت كانها اخت لي ونفس الشي اثيوبيه ومن كثر ماهي طيبه وتحبني الحين هي تشتغل بمكان ثاني الا انها على تواصل معاي وتدق وتسال ولما اهل كفيلها بيسافرون تستاذنهم وتجي تبات عندي :) لي معاها مواقف كثيرة والله

شغالتنا الحاليه بعد اثيوبيه وماشفت منها الا كل خير وتموت علي حتى ان قعدت معاها شوي ماتبيني اروح... واحيانا لما اتغدى تجيب غداها وتقعد معاي ناكل سوا وسوالف وضحك

والله احس الخدم على حسب ماتعاملينهم انتي
أم شامخ
أم شامخ
الحمد لله ماشفت منهم الا كل خير سواء عند اهلي او في بيتي او اهل زوجي 
الخدم ع حسب ماتعاملينهم 
والحمد لله احاول قد مااقدر اكون حقانية معاهم الا كم وحده كانت تلعب بذيلها وتصرفنا معهم بماا يرضي الله 
المهك ابتعدي عن الظلم واطفالك ماتتركينهم عندهم مهما كانت حاجتك
انا اترك لهم التنظيف والكوي حتى الغسيل انا اغسله لانهم دايم يخبصون الالوان
منجو
منجو
أول لما كان عندي خدامات
كنت أتقي الله فيهم و أعاملهم بحنيه و لطف و كريمه معهم بشكل فضيع و لا أبخل عليهم بشي
ثنتين منهم الحق كانو لطيفات مع الأطفال ولا شفت منهم شي يضايق مشاكلهم على أنفسهم
ما ضروني و لاضرو عيالي

أما الثلاث الأخيرات الله وكيلك بس و حسبنا الله وحده أكتشفتها بالصدفه تأذي ولدي
و مستغله تأخره بالنطق و أنه ماراح يشتكي كذا تأذيه لعااااااانه مالها خلق تشتغل
تبي فلوس و هي جااااالسه طواااالي مشيتها
ولي بعدها مثل ما كان فيها حنيه و كانت أستغفر الله غير نظيفه و تعبت معها بموضوع
النظافه و هي طلبت تمشي و مشيتها
و الأخيره ما أوكلها على عيالي أبد أنا قايمه فيهم من ألى و هي عليها شغل البيت
مره وحده بس أضطريت أخلي ولدي عندها و أكتشفت أنها أذته وهي بس مره وحده
تمسكه ما عمرها مسكته بعدها سايرت الوضع لين كملت مدتها و سفرتها
و كرررررهت الخدامات
الأفضل الخدامه ما تقرب للأطفال ....
مناير999
مناير999
اذكر قريبه لي شافت ام مع بنتها بالمستشفى طفله
الخدامه هتكت عرضها باله ونزفت البنت وطبعا الخدامه هربت
كانت مرتبه امورها تهرب بس حبت تقهرهم ببنتهم
والام كانت برا البيت وقتها
لما قريبتي قالت لنا حاله البنت والام ارتعش قلبي وكرهتهن
خدامه اهلي طيبه ماضلمها وتلعب بنتي بس طبعا مارتاح اخليها معها او تغير لها
اذا شفتها تلعب عادي ابتسم لها لاتتحسس اني مابيها
اللي بقوله انتبهو تخلونهن يغيرن لاطفالكم ويغسلونهن الحذر الحذر
الام تقرف احيانا من وسخ طفلها كيف خدامه


وانا شفت بنفسي باحد مولات الرياض بدوره المياه الله يكرمكم
ام جالسه برا عند الباب ومخليه الشغاله تغسل بنتها والبنت كبيره تقريبا ٤/٥سنوات
والخدامه والله فاتحه المويه البارده والبنت تشاهق وتصفقها الخدامه مع عورتها بحقد
والمصيبه كل شوي يجي اخوها يقول يالله امي تقول اسرعي بنروح .. وهي تبتسم تقول ايوه شويه انا يخلص غسيل
والبنت تتنافض برد وخوف

قهرتني الام حسبي الله عليها بصحتها وعافيتها ياتعلم بنتها حمام او هي تغسلها
للحين افكر فيها