سؤال : ماهي العادات الخاطئة التي تزيد من تساقط الشعر ؟؟

العناية بالشعر

السلااام عليكم ورحمة الله وبركاااته ..

شحااالكم بناات ان شاء الله تماااام ..

الصراحة انا وحده متعذبه من شعري (( والحمد لله على كل حال ))

يتساااقط واايد وخفيييف ..

بعد ما دخت ولفيت وماخليت شي ما جربته طحت على خلطة زيوت مدحوها لي وبديت اجربها من اسبوع تقريبا ..

الصراحة وايد فداتني وحسيت ان التساقط قل بشكل كبيير ..

بس في ايام يرجع يتساقط شعري عشان جيه قمت أتساءل هل انا اسوي شي غلط يسبب تساقط شعري ؟؟

مثلا .. وقت النوم هل أفضل اني أخلي شعري مربوط ؟؟ لاني من سنين متعودة انام وشعري مهدوود مابغي الشباصات تزعجنييي .. فهل هذا غلط ؟؟

شي ثاني .. هل تغيير الشامبو سبب للتساقط ؟؟ لان خلال هالاسبوع كنت استخدم نوعين .. مش عن قصد بس لاني كنت يوم ادخل الحمام اشوف الشامبو الي استخدمه مش موجوود فاضطر استخدم اي شامبو موجود في الحمام .. والحين ناويه استقر على شامبو ثالث نصحوني فيه .. فهل هذا سبب آخر ؟؟

بعد غسل الشعر .. شو المفروض اسوي ؟؟ (( سؤال حيرني سنين بس انسى اسأل )) هل انشفه بالفوطة و امشطه على طول بعد ما اطلع ؟؟ ولا اخليه ينشف روحه وبعدين امشطه ؟؟ ولا انشفه بالسشوار ؟؟ (( هذي عمري ما سويتها ))

اذا غسلت شعري ونمت وهو بعده مبلل هل هذا غلط بعد ؟؟

وانا احط خلطة الزيوت .. المفروض اخليها فشعري مدة 5 ساعات قبل ما اغسله .. فهل تمشيط شعري بعد ما احطها غلط ؟؟ لاني الاحظ ان التساقط يزيد بعد ما احط الخلطة وامشط شعري .. وهل في طريقه معينه لغسل شعري بعدها ؟؟ يعني هل غسله مرة وحده بالشامبو تكفي ؟؟ ولا لازم اغسله اكثر عن مرة ؟؟

ادري طولت وايد بس ان شاء الله ألاقي حد يفيدني لاني ادري ان الاجابات بتفيد بنات وايد ..

وأي معلومات زيادة بتفيدنا أكثر .. يمكن نسوي اشياء ثانية ونحن ماندري وهي سبب تساقط شعوورنا ..

وشكرا مقدما :26:
7
16K

يلزم عليك تسجيل الدخول أولًا لكتابة تعليق.

تسجيل دخول

رائــعــة الكلمة
والله ياختي اغلب اللي صار لك يصير لي
الى ان خف شعري من تحت وصارت الكوافيرة تقصة تقول انه تااااالف
ولي 7سنوات اقصة وانحرمت من الشعر اللي يطيح على اكتافي

بالنسبة للزيوت معروف عن بعضها اذا ماكان كلها انك ان تركتيها فترة يطيح شعرك
والبعض مثل زيت الثوم انه يطيح الشعر الضعيف فقط مع اول استخدام

الشامبوا له مفعوله اكيد وقريت طريقة جميلة هنا وهي اني اضيف للشامبو شوي سدر مطحون واخلطه..وفيه طريقة ثانية اني اخفف الشامبو بموية
وحبيت اجمع الطريقتين باضافة سدر وموية للشامبوا تبعي

انا عرفة انك تنتظرين الاساليب الخاطئة في التعامل مع الشعر مو الطرق اللي تساعده يكثر ولكنها جت ببالي وحبيت افيد الاخوات وافيدك

والله يصلح الحال
fatamy_36
fatamy_36
والله داشه ادور الاسباب شعري غليظ والكل حاسندي عليه وخايفه يصير خفيف :(
آمال القلب
آمال القلب
احتمال فيك نقص حديد
والبلسم يسبب تساقط
وتسريح وتمشيط الشعر وهو مبللوول
نشفيه بفوطه بشوي شوي بعدين قسميه
واستشوري كل قسم
فيني تساقط بس خف بعد ماتركت البلسم
واستمريت على حبوب الحديد
ولا امشطه وهو رطب
واتمنى اني افدتك
سابرينا
سابرينا
احتمال فيك نقص حديد والبلسم يسبب تساقط وتسريح وتمشيط الشعر وهو مبللوول نشفيه بفوطه بشوي شوي بعدين قسميه واستشوري كل قسم فيني تساقط بس خف بعد ماتركت البلسم واستمريت على حبوب الحديد ولا امشطه وهو رطب واتمنى اني افدتك
احتمال فيك نقص حديد والبلسم يسبب تساقط وتسريح وتمشيط الشعر وهو مبللوول نشفيه بفوطه بشوي شوي...
هلا الغالية رائعة الكلمة .. والله الغالية الحال من بعضه .. انا بعد صارلي سنين اقص شعري ومع انه يرد يطول بالحسرة بس كلما طال يخف زياده :(

مشكووورة الغالية ع النصاايح .. انا استخدمت السدر بس بروحه مش مع الشامبو ومادري يمكن كانت طريقتي غلط لانه ما فادني بالمرة

انتي شو حسيتيه فادج ؟؟



السموحة الغالية عطيتج فكرة غلط عن الموضوع .. انا كتبت سؤال في العنوان عشان اوضح اني محتاجه اجابه ما اوفرها ..

حبيبتي اقري على عمرج ترى العين سبب منتشر جدا لمشاكل وايد بنات .. وكم ما سمعنا عن بنات شعورهم سايحه وغليظة وبعد عرس ولا عزيمة ولا مناسبه قامت اتطيح .. وهذا كله من الحسد الله يكافينا شره ..

اقري على شعرج الغالية والله يحفظلج اياه ياااارب ..



هلا اختي آمال .. لا الغالية مافيي نقص .. لاني راجعت دكتورة جلديه واول شي سويته عندها هو تحليل الدم وطلع كل شي اوكي وعال العال ..

ومشكوووورة ع النصااايح ان شااااء الله بتبعهااا ..

الله يجعلها فميزان عملج يااااارب ..
رائــعــة الكلمة
هلا بالطيبة

انا للان ماسويت هالطريقة
بصلحا ان شالله ياااااارب تفيد ويصير شعري يتهفهف قولوا اميييييييييين