بنات رجيتكم لا تنطشون اقروا معاناتي يمكن تساعدوني

السلام عليكم
كيفكم,,علومكم, عساكم بخيير.
هذي اول مشاركةلي معكم ما ادري ايش معناه بس اقله تفريغ من اللي احسه به بداخلي
بنات عالم حواء الله يسعدكم تراني في هم وغم ما يعلم به الا الله
بصراحة انا وحدة تمرمطت مرمطة ما بعدها مرمطة
فيني قهر وحااسة بظلم ومنغبنة من جد
ما ادري العيب في مين بهالزمن ولا الناس ولا فيني انا؟

المهم المستهم بدون مقدمات
انا الظاهر والله اعلم اني قريب بدخل مصح نفسي لانه بيجيني انهيار عصبي

مو معقولة اللي اشووفه
السالفه مسخت بزيادة وكل ما لها وتوصل لدرجة من السخافه
ليش انا ادرس واجتهد وتطلع روحي وتتعب عيوني واحرم عمري
عشان اجيب نسبه وادخل الجامعه والقسم اللي ابيه وابيض وجه ابوي وامي واخليهم يفتخرون فيني
وفي النهاية مكاني البيت ليشِ؟
نسبتك واااطية!!!!!
باللهي هذا كلام ينقال,,
مع العلم ان نسبتي 85 مع فواصل وعلى فكرة تراني متخرجة السنة اللي فاتت مو هذي السنة
يمكن بتقولون لي نسبتك واطية
بس اللي يقهر ان صديقتي ومعي نسبتها 72 هذا غير انها نزلت اكثر بعد القدرات
وهذي وهي عايدة سنة "يعني هي من خريجات هذي السنة "
ومع ذلك جابت نسبة اوطى من نسبتها وخذلك يا بو حمييد من الظلم
بكل برودة تدق علي وتقول انا انقبلت في الامام تخيلوا في الامااااام اللي ما قبلوا نسبتي
قبلوها في قسم انجليزي وانا لاااا براااااااااااااا
لييييييييييييييييييييييش
عشان معها واااسطة
اسالكم بالله مو حرام
ادري انها صديقتي والله يوفقها ويعلم الله اني فرحت لها من كل قلبي
بس انقهرت على حالي ليش انا ما ادخل وانا كلي نشاط وحماس وتعبانة طوول السنة وِهاده حيلي
عشان انجح واجيب هالنسبة
وفي النهاية تدخل وحدة وعيني عينك تاخذ مكان وحده تستحق هالكرسي اكثر منها
وين العدل؟
كيف ينامون هالاهالي وهاللي يشتغلون وبالهم وضميرهم مرتاح؟
ما يخافون من اللي فوقهم انه يسخط عليهم بسبب دعوة مننا احنا يالمظلومين ياللي ما عندنا لا واسطة ولا سند؟
المشكلة لو تدرون يا بنات اني رايحة لجامعه الامام من فترة ابي اقدم قالوا بنقبلك ونسبتك تدخلك وانتي مغمظة
بس تعالي بتاريخ 1/1
ويوم قلت انها فرجت ما امداني فرحانه الا ويقولون لي باب التسجيل تصكر تعالي السنة الجديدةِ؟
من جد هذولا وش نظامهم وش يحسون به يا عالم
يعني بالله بروح السنة الجديدة وارز خشتي عندهم وبيقبلوني على طوول؟
شي طبيعي لااا
اكيد بيقولون لي تسهلي الاولوية لخريجات هالسنة
يعني ما ادري شايفينا زلايب قدامهم يمشوننا على كيفهم ويكسرون فرحتنا
حسبي الله ونعم الوكيل
كييف يعني مردددي اقعد بالبيت ما ادرس؟
والله ثم والله وربي شاهد علي اني ما خليت جامعه الا ورحت ورزيت وجهي وملفي عندهم
ومع ذلك معطيني ابو لباس وشااطفيني يقولون نسبتك واطية ولا تعالي بعدين
وما انسى اني رحت لسعود ابي اقدم على اللي برسووم وبرضو قالوا لي تدلين الباب ولا ندليك ايااه؟

طبعا انا درست في الجامعه العربية بس للاسف ما ارتحت لان ما كان هذا طموحي نهايتي تصير بهالجامعه
على انها ما تنعاب من ناحية الدراسة بس ولو المبنى والدوام مو حلو صاير زي الانتساب المجهود علي انا
وما حسيت بطعم الدراسة الجامعية
وهالترم هذا قطعت بسبب حماسي كنت حاطة في بالي ادرس بالامام بس ربي ما كتب
وبصراحة ميزانيتي ماتسمحلي اكمل بجامعتي

وربي تعبت نفسيتي في الحضييييض احس ودي اصرررخ واشقق هدومي وامعط شعري
ودي اهاجر لمكان ما فيه هالتعامل اللي كله مصالح
احس بنار جواتي ما تنطفي من حر ما فيني
كله بسبب هالواسطة اللي دمرتنا

ونسييت اقولكم اختي بعد متخرجة هذي السنة مع صديقتي اللي قلت لكم عنها من شوي
ونسبتها 85 مثلي ومع ذلك ما لقت من يقبلها وصفت معي
ااااخ بس
ما ادري هو نحس وراثي يلحقنا بهالعايلة ولا ايش بالضبط
وللاسف ما عندي اقارب زي الناس ينشد الظهر فيهم عشان نطلب منهم يساعدونا
ولا بعد بناتهم اقل مننا بالنسب ودخلوا الجامعه واحنا لنا الله

برضو ما ادري اذا فيه مجال مفتوح للابتعاث للدراسة بالخارج بكالوريس طالبات
تكفوووون نوروني اللي عندها حل او تعرف تاريخ بينزل للتسجيل تعلمني

وما انسى طبعا ادعوا لاخواننا في غزة
ويا رب يسعدكم ولا يذيقكم ولا يذيق غاليكم باللي احس به
وشكراااا لكم