بنات الكويت والشرقيه يتفضلون الله لايهينهم...

بصراحه أختي أنا من الشرقيه العام الماضي سافرنا ورحنا الكويت جوها مثل جو الشرقيه بما اننا من سكانها يعني أذا في رطوبه أو غبار في الشرقيه بتلاقينه قدامك في الكويت بس هالأيام الجو حلو عندنا خاصه عند البحر ومن ضمن الأماكن الحلوه هناك عندك حديقة الشعب جدا رائعه وعائليه وفي كذا مجمع زرتهم مثل سوق شرق والمارينا واذا أنتي من محبين التسوق راح يعجبونك وفي مجمع المهلب وفي سوق المباركيه سوق قديم بس حلو ومن الاماكن التراثيه عندهم وفي النادي العلمي كمان جدا رائع أما بالنسبه للمطاعم بما انا كنا ساكنين في السالميه عندهم شارع المطاعم اكثر المطاعم هناك رهيبه شغلهم حلو والشقق هناك متوفره واسعارها حلوه اذكر الشقه اللي أخدناها كان سعرها ب550 ريال وبصراحه ماسمعت أنهم الغو الشقق المفروشه أتمنى أختي أني أفدتك وأسفه على الأطاله

مشكووره أختي على هالمعلومات والله يجعله في موازين حسناتك يارب..

الكويت حرررررررررررر مووووووووووووووووت

بالنسبة للمجمعات مثل ما ذكرت الاخت اللي فوق بس احنا ما نروح لها لو تروحين لها بتشوفين نفسك كأنك في لبنان الله المستعان

حدنا أسواق الفحيحيل رووووعه احتشام وكثير سعوديات يجون عندنا هو اسواق كثيرة في مكان واحد واذا تبين مظاهر وكشخة روحي المجمعات اللي ذكرتهم والله يعينك ع المناظر

بالنسبة للحدايق تعالي لحديقة مرح لاند عائلية ومحتشمة وحلوة وحديقة الشعب والترفيهية روووعه بس المناظر ><

في اماكن كثيررة حلوة بس احنا مانروح لها عشان المناظر ان شاءالله اخت ثانية تفيدك

بالنسبة للشقق المفروشة ماعندي علم

عسى ربي يسعدكم

مشكوره أختي ملاذ الكويت..
الجو حررر بقوه حتى بالليل؟؟

الله يحيييج ببلدج الكويت


الجو حر بس حلووووووو بالليل

الاسواق والمجمعات مكيفة

بالليل تقدرين على الشواطئ الجو يهبل
وتغييير للروتين



واي خدمة احنا موجودين